Konsultasiya üçün qəbula yazılın
Əməliyyat uğurla başa çatdı. 20 dəqiqə müddətində sizinlə əlaqə saxlayacağıq.
Tamponun ilk dəfə istifadəsi çətin ola bilər. Buna baxmayaraq, əgər onun düzgün qoyulma qaydasını bilsəniz, hər şey siz düşündüyünüzdən də asan olar. Adi bezlərdən fərqli olaraq, tamponla siz hovuzda və dənizdə üzə bilərsiniz, qaçarsınız və ümumiyyətlə ürəyiniz nə istəsə, edə bilərsiniz. Əgər siz tamponu düzgün qoya bilsəniz, o sizə heç bir narahatçılıq verməz, onu hətta heç hiss də etməzsiniz. Tamponun düzgün qoyulma qaydasını öyrənmək istəyirsinizsə, onda birinci addıma keçin.
Tamponlar aləmində baş çıxartmaq sadə olmaya bilər, amma bəzi məlumatları öyrənməklə, siz bunu asanlıqla edə bilərsiniz. Tampon istehsal edən brendlərə – Kotex, Tampax və digərləri aiddir. Adətən bez istehsal edən kampaniyalar, həm də tampon buraxır, ona görə də istifadə etdiyiniz bezi istehsal edən firmanın məhsulunu ala bilərsiniz. Bu zaman üç vacib əlamətə fikir verilir: kağız və ya plastik material, hopduruculuq qabiliyyəti, applikatorun olması. Nəyə fikir vermək lazımdır:
Bu mütləq olmasa da, aybaşının lap əvvəllərində, ifrazat az olduqda tampon qoymaq daha çətin ola bilər – tampon uşaqlıq yolunda pis sürüşəcək. Ifrazat güclü olduqda isə, uşaqlıq yolunun divarları daha nəm olur və tampon asanlıqla sürüşür.
Tamponu qoymazdan əvvəl əllərinizi yumaq çox vacibdir, belə etdikdə, applikator bədənə yeridilənədək steril qalır. Axı siz uşaqlıq yoluna bakterial infeksiya salmaq istəməzsiniz?!
Gözləyin əlləriniz qurusun, sonra tamponu qabından çıxarın. Əgər siz bir qədər həyəcanlansanız, bu normaldır, hərçənd qorxulu heç nə yoxdur. Əgər tamponu təsadüfən yerə salsanız, onu atın getsin. Özünüzü infeksiya təhlükəsindən qoruyun.
Tamponun istifadəsini öyrəndikdən sonra, hansı vəziyyətin daha uyğun olduğunu biləcəksiniz. Bəzi qızlar tamponu unitazda oturaraq qoyur. Digərlərinə isə ayaqüstə, bir qədər çöməlmiş vəziyyətdə rahatdır. Siz bir ayağınızı unitazın üstünə və ya vannanın qırağına qoyub, uşaqlıq yolunu bir qədər aça bilərsiniz.
Onu ortasından, xarici borusunun daxiliyə keçdiyi yerdən tutun. Tamponun ipi aşağıya, enli hissəsi yuxarıya baxmalıdır. Siz həmçinin göstərici barmağınızı tamponun əsasına qoya bilərsiniz, orta və baş barmaqlarınızla tamponun ortasında olan çıxıntılardan tuta bilərsiniz.
O, sidik kanalı və anal dəliyin arasında yerləşir. Burada üç dəlik var: sidik kanalının xarici dəliyi – uretra (sidik ifraz olunur), uşaqlıq yolu dəliyi – vulva (ortada) və arxa keçəcək ؘ– anus (arxada). Uretranı tapmaq çətin deyil, sonra barmaqlarınızı 2-5 sm aşağı salıb uşaqlıq yolunun girişini tapa bilərsiniz. Əgər bu zaman barmağınıza qan dəyərsə, qorxmayın, bu normaldır.
Uşaqlıq yolunu tapdıqdan sonra qalan iş tamponu 2-3 sm dərinliyə itələməkdır. Bundan ötrü siz tamponu çöldə qalmamaq şərtilə ehmalca uşaqlıq yoluna itələməlisiniz.
Tamponun nazik və yoğun hissələri birləşdikdə, barmaqlarınız isə dəriyə dəydikdə, dayanın. Applikator ondan ötrüdür ki, siz tamponu uşaqlıq yolunun dərinliyinə yeridə biləsiniz. Elə edin ki, tamponun daxili borusunu xaricinin içindən keçirəsiniz.
İndi sizə, tamponu uşaqlıq yoluna qoyduqdan sonra, applikatoru çıxartmaq qalır. Bundan ötrü baş və orta barmaqlarınızla tutub onu ehmalca uşaqlıq yolundan bayıra çıxarın. Xaricdə uşaqlıq yolundan çıxan ip görsənməlidir.
Əgər applikator plastikdəndirsə, onu zibil qutusuna atın. Yox kartondandırsa, istifadə qaydası ilə tanış olun və mümkündürsə unitaza atın. Əgər əmin deyilsinizsə, yaxşı olar ki, onu da zibil vedrəsinə atasınız.
Bu mütləq olmasa da, qadınların əksəriyyəti tamponla birgə gündəlik bezlərdən də istifadə etməyə üstünlük verirlər ki, sonuncu ifrazatı tam hopdura bilməsə onu sığortalasın. Əgər siz tez-tez vanna qəbul edib tamponu vaxtaşırı dəyişirsinizsə, bu baş verməyəcək, amma gündəlik bezlər əlavə güvən verir. Həm də nazik gündəlik bezlər heç bir narahatçılıq vermir.
Əgər tampon sizə narahatçılıq verirsə, çox güman ki, siz onu düzgün qoymamısınız. Düzgün qoyulmuş tampon heç hiss edilməməlidir. Əgər o sizə diskomfort verirsə və ya tam daxil olmayıbsa, onu çıxartmaq lazımdır. Əgər tamponun kənarı görünürsə, bu da tamponun düzgün qoyulmadığına işarədir. Belə hallarda bir də cəhd etmək lazımdır.
Tampon 6-8 saatdan bir, çox ifrazatda isə daha tez-tez dəyişdirilməlidir. Tamponun vəziyyətini hər iki saatdan bir yoxlamaq çox vacibdir, özü də yeni başladıqda. Əgər tualetdən sonra, qurulanma vaxtı çox qan görsəniz və ya onu unitazda görsəniz, bu tamponun dəyişilməli olduğunu göstərir. Bu həm də tamponun tam yeridilməməsi əlamətidir, hansı ki, yenə də onun dəyişdirilməli olmasına işarədir.
Əgər kanalizasiya borularını açmaq üçün santexnik çağırmaq istəmirsinizsə, onu unitaza deyil, zibil vedrəsinə atmaq yaxşı olar. Buna görə də istifadə edilmiş tamponu tualet kağızına bükün və zibil qutusuna atın. Əgər siz ictimai tualetdəsinizsə, qapının arxasında zibil qutusu tapıb ora atın – belə yerlərdə məhz belə etmək gərəkdir.
Köhnə tamponu çıxartdıqdan sonra, siz təzəsini qoymalısınız. Qadınların çoxu gecələr tampon qoymur; siz də səkkiz saatdan çox yatmağı planlaşdırırsınızsa, gigiyenik bezlərdən istifadə edin.
Ən yaxşısı sizə uyğun olan minimal hopduruculuq qabiliyyəti olan tampon istifadə etməkdir. Adi tamponlardan başlayın. Əgər görsənizsə ki, siz onları 4 saatdan tez dəyişirsiniz, yuxarı hopduruculuğa keçin. Əgər ifrazat azalarsa, yüngül tamponlara keçin. Aybaşının sonuna yaxın, siz görə bilərsiniz ki, tamponu qoymaq çətinləşir. Aybaşı kəsildikdə, tampon qoymaq lazım deyil.
Tamponun çox möhkəm və bərk ipi var, buna görə də, o, qopa bilməz. Ip bütün tampondan keçir, təkcə onun ucuna bağlanmır, ona görə də yerindən qopa bilməz. Eksperiment aparın: təzə tampon götürün və onun ipini var gücünüzlə dartmağa çalışın. Görəcəksiniz ki, onu qopartmaq mümkün deyil. Məhz ona görə də siz əmin ola bilərsiniz ki, tampon sizdə qala bilməz. Bu qadınlar arasında geniş yayılmış qorxudur, lakin onun heç bir əsası yoxdur.
Bəzi qadınlar illərlə tampondan istifadə edirlər, lakin bilmirlər ki, o sidik ifrazına mane olmur. Tampon vaginal dəliyə qoyulur, sidik isə uretral dəlikdən xaric olur. Onlar yaxın yerləşir, amma fərqli dəliklərdi, buna görə də qoyulmuş tampon sidik kanalını bağlayıb sidik ifrazına mane olmur. Bəzi qadınlar qorxurlar ki, sidik ifrazı zamanı tampon düşə bilər – bu belə deyil.
Tampondan istifadə üçün sizin 16 və ya 18 yaşınızın olması mütləq deyil. Tamponu düzgün qoyduqda cavan qızlar üçün heç bir təhlükəsi yoxdur.
Bəzi qadınlar tamponu ilk cinsi əlaqədən sonra istifadə etməyə başlayır, hesab edirlər ki, tampon onların bakirəliyini poza bilər. Bu heç də düzgün deyil. Tamponun istifadəsi zamanı qızlıq pərdəsinin təsadüfən zədələnməsi mümkün olsa da, bakirəlik ancaq cinsi əlaqə zamanı pozula bilər. Tamponlar həm bakirə, həm də cinsi həyat yaşayan qızlar üçün effektiv vasitədir.
Sizin eşidə bildiyiniz fikirlərin əksinə, tampon göbələk infeksiyası törətmir. Onun heç bir elmi əsası yoxdur. Bu ondan irəli gəlir ki, qızlar aybası dövründə göbələk infeksiyasına həssas olurlar, hansı ki, həmin vaxtlarda da tampon istifadə edirlər.
Material WikiHow saytından götürülmüşdür.
Əməliyyat uğurla başa çatdı. 20 dəqiqə müddətində sizinlə əlaqə saxlayacağıq.
Saytda verilən məlumatlar yalnız informasion xarakter daşıyır. Özbaşına müalicə sizin sağlamlığınıza ziyan vura bilər! Hər bir məsələ barəsində öz müalicə həkiminizlə əlaqə saxlayın.