Hər gün 9:00-dan 16:00-dək
Bazar günü işləmirik

Bizim məsləhətlərlə

Sağlam olun

Gigiyenik tamponu ilk dəfə necə qoymalı

FOTO: Gigiyenik tamponu ilk dəfə necə qoymalı

Tamponun ilk dəfə istifadəsi çətin ola bilər. Buna baxmayaraq, əgər onun düzgün qoyulma qaydasını bilsəniz, hər şey siz düşündüyünüzdən də asan olar. Adi bezlərdən fərqli olaraq, tamponla siz hovuzda və dənizdə üzə bilərsiniz, qaçarsınız və ümumiyyətlə ürəyiniz nə istəsə, edə bilərsiniz. Əgər siz tamponu düzgün qoya bilsəniz, o sizə heç bir narahatçılıq verməz, onu hətta heç hiss də etməzsiniz. Tamponun düzgün qoyulma qaydasını öyrənmək istəyirsinizsə, onda birinci addıma keçin.

1-ci hissə. Tampon qoyuruq

1. Tampon alın

 

Tamponlar aləmində baş çıxartmaq sadə olmaya bilər, amma bəzi məlumatları öyrənməklə, siz bunu asanlıqla edə bilərsiniz. Tampon istehsal edən brendlərə – Kotex, Tampax və digərləri aiddir. Adətən bez istehsal edən kampaniyalar, həm də tampon buraxır, ona görə də istifadə etdiyiniz bezi istehsal edən firmanın məhsulunu ala bilərsiniz. Bu zaman üç vacib əlamətə fikir verilir: kağız və ya plastik material, hopduruculuq qabiliyyəti, applikatorun olması. Nəyə fikir vermək lazımdır:

  • Materialına – kağız, yoxsa plastik. Bəzi tamponlarda applikator kağızdan, digərlərində isə – plastikdən düzəldilir. Kağız applikatorun üstünlüyü ondadır ki, onu unitaza atmaq olar, amma əgər sizin kanalizasiya sistemi etibarlı deyilsə, yaxşı olar ki, belə etməyəsiniz. Bəzi qızlar hesab edirlər ki, plastik applikatoru istifadə etmək rahatdır. Siz hər iki variantı yoxlayıb, məhz sizə uyğun gələni seçə bilərsiniz.
  • Applikatorla və ya onsuz olmasına. Tamponların əksəriyyəti applikatorla satılır, amma istisna hallar da var. Başlanğıcda yaxşı olar ki applikatorlu tampon istifadə edəsiniz – o, prosesə yaxşı nəzarət və idarə etməyə imkan verir. Applikatorsuz tamponu istifadə edərkən, onu uşaqlıq yoluna barmaqla itələmək lazım gələcək, hansı ki, asan olmaya bilər. Amma applikatorsuz tamponların üstünlüyü ondadır ki, onlar çox kiçik olur və deməli, siz onu lazım gəldikdə cibinizdə saxlaya bilərsiniz.
  • Hopduruculuq qabiliyyətinə. Tamponların iki əsas tipi var – "adi" və "çox ifrazat üçün". Adətən, tamponların istifadə prinsipini başa düşmək üçün, adidən başlamaq məsləhət görülür. "Çox ifrazat üçün" olan tamponlar ölçücə bir qədər böyük olur, ona görə də onların istifadəsi çətinlik yarada bilər. Siz adi tamponları ifrazat az olan dövrdə istifadə edə bilərsiniz, sonra isə hopduruculuq qabiliyyəti çox olana keçməlisiniz. Adətən bir qutuda həm adi, həm də hopduruculuğu çox olan tamponlar olur, ona görə də, siz özünüzə uyğununu seçə bilərsiniz.

2. Tamponu ifrazat orta və çox olanda qoyun

Bu mütləq olmasa da, aybaşının lap əvvəllərində, ifrazat az olduqda tampon qoymaq daha çətin ola bilər – tampon uşaqlıq yolunda pis sürüşəcək. Ifrazat güclü olduqda isə, uşaqlıq yolunun divarları daha nəm olur və tampon asanlıqla sürüşür.

  • Bəzi qızlar soruşurlar ki, onlar aybaşı olmayan dövrdə tampon qoymağı məşq edə bilərlərmi? Qorxulu bir şey olmasa da, yaxşı olar ki, aybaşının başlanmasını gözləyəsiniz.
  • Lazım gəldikdə yaxın qohumlarınızla məsləhətləşməkdən çəkinməyin.

3. Əllərinizi təmiz yuyun

Tamponu qoymazdan əvvəl əllərinizi yumaq çox vacibdir, belə etdikdə, applikator bədənə yeridilənədək steril qalır. Axı siz uşaqlıq yoluna bakterial infeksiya salmaq istəməzsiniz?!

4. Tamponu quru əllə açın

Gözləyin əlləriniz qurusun, sonra tamponu qabından çıxarın. Əgər siz bir qədər həyəcanlansanız, bu normaldır, hərçənd qorxulu heç nə yoxdur. Əgər tamponu təsadüfən yerə salsanız, onu atın getsin. Özünüzü infeksiya təhlükəsindən qoruyun.

5. Oturun və ya rahat vəziyyət alın

Tamponun istifadəsini öyrəndikdən sonra, hansı vəziyyətin daha uyğun olduğunu biləcəksiniz. Bəzi qızlar tamponu unitazda oturaraq qoyur. Digərlərinə isə ayaqüstə, bir qədər çöməlmiş vəziyyətdə rahatdır. Siz bir ayağınızı unitazın üstünə və ya vannanın qırağına qoyub, uşaqlıq yolunu bir qədər aça bilərsiniz.

  • Həyəcanın belə vəziyyətdə təbii hal olmağına baxmayaraq, siz gərginlikdən azad olmalısınız. Nə qədər sakit olsanız, tamponu qoymaq da, bir o qədər asan olar.

6. Tamponu yazı yazarkən istifadə etdiyiniz barmaqlarınızla götürün

Onu ortasından, xarici borusunun daxiliyə keçdiyi yerdən tutun. Tamponun ipi aşağıya, enli hissəsi yuxarıya baxmalıdır. Siz həmçinin göstərici barmağınızı tamponun əsasına qoya bilərsiniz, orta və baş barmaqlarınızla tamponun ortasında olan çıxıntılardan tuta bilərsiniz.

7. Uşaqlıq yolunu tapın

O, sidik kanalı və anal dəliyin arasında yerləşir. Burada üç dəlik var: sidik kanalının xarici dəliyi – uretra (sidik ifraz olunur), uşaqlıq yolu dəliyi – vulva (ortada) və arxa keçəcək ؘ– anus (arxada). Uretranı tapmaq çətin deyil, sonra barmaqlarınızı 2-5 sm aşağı salıb uşaqlıq yolunun girişini tapa bilərsiniz. Əgər bu zaman barmağınıza qan dəyərsə, qorxmayın, bu normaldır.

  • Bəzi qızlar ikinci əllə cinsiyyət dodaqlarını yanlara aralamağı məsləhət görürlər. Belə tamponu qoymaq sizin üçün asan olacaq. Bəziləri tamponu heç bir kömək olmadan asan qoya bilir.

8. Ehtiyatla tamponun ucunu uşaqlıq yoluna daxil edin

Uşaqlıq yolunu tapdıqdan sonra qalan iş tamponu 2-3 sm dərinliyə itələməkdır. Bundan ötrü siz tamponu çöldə qalmamaq şərtilə ehmalca uşaqlıq yoluna itələməlisiniz.

9. Göstərici barmağınızla applikatorun nazik hissəsindən basın

Tamponun nazik və yoğun hissələri birləşdikdə, barmaqlarınız isə dəriyə dəydikdə, dayanın. Applikator ondan ötrüdür ki, siz tamponu uşaqlıq yolunun dərinliyinə yeridə biləsiniz. Elə edin ki, tamponun daxili borusunu xaricinin içindən keçirəsiniz.

10. Baş və orta barmaqlarınızla applikatoru çıxarın

 İndi sizə, tamponu uşaqlıq yoluna qoyduqdan sonra, applikatoru çıxartmaq qalır. Bundan ötrü baş və orta barmaqlarınızla tutub onu ehmalca uşaqlıq yolundan bayıra çıxarın. Xaricdə uşaqlıq yolundan çıxan ip görsənməlidir.

11. Applikatoru atın

Əgər applikator plastikdəndirsə, onu zibil qutusuna atın. Yox kartondandırsa, istifadə qaydası ilə tanış olun və mümkündürsə unitaza atın. Əgər əmin deyilsinizsə, yaxşı olar ki, onu da zibil vedrəsinə atasınız.

12. Tamponla birgə gündəlik bezlərdən istifadə barədə düşünün

Bu mütləq olmasa da, qadınların əksəriyyəti tamponla birgə gündəlik bezlərdən də istifadə etməyə üstünlük verirlər ki, sonuncu ifrazatı tam hopdura bilməsə onu sığortalasın. Əgər siz tez-tez vanna qəbul edib tamponu vaxtaşırı dəyişirsinizsə, bu baş verməyəcək, amma gündəlik bezlər əlavə güvən verir. Həm də nazik gündəlik bezlər heç bir narahatçılıq vermir.

2-ci hissə. Tamponun çıxarılması

1. Tamponla rahat olduğunuza əmin olun

Əgər tampon sizə narahatçılıq verirsə, çox güman ki, siz onu düzgün qoymamısınız. Düzgün qoyulmuş tampon heç hiss edilməməlidir. Əgər o sizə diskomfort verirsə və ya tam daxil olmayıbsa, onu çıxartmaq lazımdır. Əgər tamponun kənarı görünürsə, bu da tamponun düzgün qoyulmadığına işarədir. Belə hallarda bir də cəhd etmək lazımdır.

  • Tampon düzgün qoyularsa sizin qaçmaq, dağa qalxmaq, velosiped sürmək, üzmək və digər fiziki hərəkətlərlə məşğul olmaq imkanınız olmalıdır.

2. Hazır olduqda, tamponu çıxardın

Tampon 6-8 saatdan bir, çox ifrazatda isə daha tez-tez dəyişdirilməlidir. Tamponun vəziyyətini hər iki saatdan bir yoxlamaq çox vacibdir, özü də yeni başladıqda. Əgər tualetdən sonra, qurulanma vaxtı çox qan görsəniz və ya onu unitazda görsəniz, bu tamponun dəyişilməli olduğunu göstərir. Bu həm də tamponun tam yeridilməməsi əlamətidir, hansı ki, yenə də onun dəyişdirilməli olmasına işarədir.

3. Tamponu atın

Əgər kanalizasiya borularını açmaq üçün santexnik çağırmaq istəmirsinizsə, onu unitaza deyil, zibil vedrəsinə atmaq yaxşı olar. Buna görə də istifadə edilmiş tamponu tualet kağızına bükün və zibil qutusuna atın. Əgər siz ictimai tualetdəsinizsə, qapının arxasında zibil qutusu tapıb ora atın – belə yerlərdə məhz belə etmək gərəkdir.

4. Tamponu hər 8 saatdan bir və ya əgər lazımsa, daha tez dəyişin

Köhnə tamponu çıxartdıqdan sonra, siz təzəsini qoymalısınız. Qadınların çoxu gecələr tampon qoymur; siz də səkkiz saatdan çox yatmağı planlaşdırırsınızsa, gigiyenik bezlərdən istifadə edin.

  • Əgər tamponun ipi menstrual mayedən yaş olubsa, demək onu dəyişmək lazımdır.
  • Əgər tamponu çıxartmaq çətindirsə, deməli, o hələ lazımi qədər maye hopdurmayıb. Əgər 8 saatdan az vaxt keçibsə, bir qədər sonra yenə yoxlayın. Növbəti dəfə az hopduruculuq qabiliyyəti olan tampon istifadə edin.
  • Əgər tamponu 8 saatdan çox saxlamış olsanız, sizdə az rast gəlinməsinə baxmayaraq, infeksion-toksik şok yarana bilər. Əgər tamponu məsləhət bilinən vaxtdan artıq saxlasanız və sizdə istilik, səpgi və ya qusma yaranarsa, təcili həkimə müraciət edin.

5. Ifrazatın həcminə uyğun tampon istifadə edin

Ən yaxşısı sizə uyğun olan minimal hopduruculuq qabiliyyəti olan tampon istifadə etməkdir. Adi tamponlardan başlayın. Əgər görsənizsə ki, siz onları 4 saatdan tez dəyişirsiniz, yuxarı hopduruculuğa keçin. Əgər ifrazat azalarsa, yüngül tamponlara keçin. Aybaşının sonuna yaxın, siz görə bilərsiniz ki, tamponu qoymaq çətinləşir. Aybaşı kəsildikdə, tampon qoymaq lazım deyil.

  • Əgər hiss etsəniz ki, aybaşı hələ qurtarmayıb, gündəlik bezlərdən istifadə edə bilərsiniz.

3-cü hissə. Tamponlar haqqında həqiqət

1. Tampon sizin bədəninizdə itə bilməz

Tamponun çox möhkəm və bərk ipi var, buna görə də, o, qopa bilməz. Ip bütün tampondan keçir, təkcə onun ucuna bağlanmır, ona görə də yerindən qopa bilməz. Eksperiment aparın: təzə tampon götürün və onun ipini var gücünüzlə dartmağa çalışın. Görəcəksiniz ki, onu qopartmaq mümkün deyil. Məhz ona görə də siz əmin ola bilərsiniz ki, tampon sizdə qala bilməz. Bu qadınlar arasında geniş yayılmış qorxudur, lakin onun heç bir əsası yoxdur.

2. Nəzərə alın ki, tampon sidik ifrazına mane olmur

Bəzi qadınlar illərlə tampondan istifadə edirlər, lakin bilmirlər ki, o sidik ifrazına mane olmur. Tampon vaginal dəliyə qoyulur, sidik isə uretral dəlikdən xaric olur. Onlar yaxın yerləşir, amma fərqli dəliklərdi, buna görə də qoyulmuş tampon sidik kanalını bağlayıb sidik ifrazına mane olmur. Bəzi qadınlar qorxurlar ki, sidik ifrazı zamanı tampon düşə bilər – bu belə deyil.

3. Tamponu istənilən yaşda istifadə etmək olar

Tampondan istifadə üçün sizin 16 və ya 18 yaşınızın olması mütləq deyil. Tamponu düzgün qoyduqda cavan qızlar üçün heç bir təhlükəsi yoxdur.

4. Bilmək lazımdır ki, tamponun yeridilməsi sizin bakirəliyinizi poza bilməz

Bəzi qadınlar tamponu ilk cinsi əlaqədən sonra istifadə etməyə başlayır, hesab edirlər ki, tampon onların bakirəliyini poza bilər. Bu heç də düzgün deyil. Tamponun istifadəsi zamanı qızlıq pərdəsinin təsadüfən zədələnməsi mümkün olsa da, bakirəlik ancaq cinsi əlaqə zamanı pozula bilər. Tamponlar həm bakirə, həm də cinsi həyat yaşayan qızlar üçün effektiv vasitədir.

5. Tamponun istifadəsi sağlamlıq üçün zərərli deyil

Sizin eşidə bildiyiniz fikirlərin əksinə, tampon göbələk infeksiyası törətmir. Onun heç bir elmi əsası yoxdur. Bu ondan irəli gəlir ki, qızlar aybası dövründə göbələk infeksiyasına həssas olurlar, hansı ki, həmin vaxtlarda da tampon istifadə edirlər.

Məsləhətlər

  • Tamponu düzgün qoymaq üçün, ola bilər ki, bir neçə dəfə cəhd edəsiniz. Nə qədər az gərgin olsanız, tamponu qoymaq da, bir o qədər asan olar.

Xəbərdarlıq

  • Əgər tamponu 8 saatdan çox saxlasanız, sizdə infeksion-toksik şok ola bilər, hansı ki, nadir hallarda rast gəlinməsinə baxmayaraq, letal – ölümlə nəticələnə bilər. Əgər tamponu məsləhət bilinən vaxtdan artıq saxlasanız və sizdə istilik, səpgi və ya qusma yaranarsa, təcili həkimə müraciət edin.

Material WikiHow saytından götürülmüşdür.

Həmçinin oxuyun:

 

Ginekoloqa sual ver

Bizim qiymətlərimiz

Hamiləliyin hesablanması

Cinsin hesablanması

Konsultasiya üçün
qəbula yazılın

*Adınızı və telefon nömrənizi mütləq yazın

Qəbula yazıl

Əməliyyat uğurla başa çatdı. 20 dəqiqə müddətində sizinlə əlaqə saxlayacağıq.

Diqqət!

Saytda verilən məlumatlar yalnız informasion xarakter daşıyır. Özbaşına müalicə sizin sağlamlığınıza ziyan vura bilər! Hər bir məsələ barəsində öz müalicə həkiminizlə əlaqə saxlayın.