Sağlam olun!

Bizim məsləhətlərlə

Məsləhətli 

Keysəriyyə kəsiyi: əməliyyatın müsbət və mənfi tərəfləri

Keysəriyyə əməliyyatının müsbət və mənfi tərəfləri

Bütün hamilə qadınlar təbii doğuş qorxusu yaşayır, xüsusən də birinci dəfə ana olmağa hazırlaşanlar. Çox qadınlar qorxunun təsiri altında qərara gəlirlər ki, keysəriyyə əməliyyatı ilə hamiləliyi başa çatdırsınlar. Hər şey çox asandır: yatdın, durdun, uşaq artıq yanındadır, əziyyət çəkib özün doğmaq lazım deyil. Gözəl səslənir, deyilmi?

Əslində isə bu medalın yalnız bir üzüdür, axı mama-ginekoloqlar əbəs yerə yalnız ciddi göstərişə görə doğuşun bu növünü seçməyi məsləhət görmürlər. Əgər sizin hamiləliyinizi təqib edən ginekoloq sizdə keysəriyyə əməliyyatına göstəriş olduğunu deməyibsə onda ən yaxşısı özünüzü təbii doğuşa hazırlamaqdır, yox əgər hər şeyə rəğmən keysəriyyə əməliyyatına üz tutursunuzsa bizim məqalə ilə tanış olsanız yaxşıdır.

Beləliklə, keysəriyyə əməliyyatı nədir? Bu qarın boşluğunun açılması ilə keçən əməliyyatdır ki, bu zaman uşağı qarın divarında aparılan kəsikdən çıxarırlar. Indi ümumi şəkildə təsəvvür edə bilərsiniz ki, siz yatarkən mütəxəssislər hansı üsulla sizin uşağın doğulmasına yardım edirlər. Bu üsulun təbii doğuşa nisbətən öz üstünlükləri və çatışmazlıqları var. Bunlara daha ətraflı baxaq.

Keysəriyyə kəsiyinin müsbət və mənfi tərəfləri

Əməliyyatın müsbət tərəfləri

Bu əməliyyatın ən üstün cəhəti təbii doğuş prosesində ana və ya uşağın ölümü baş verə biləcək hallarda həm ananın, həm də uşağın həyatını qurtara bilməsidir. Buna görə, əgər sizdə keysəriyyə kəsiyi üçün mütləq göstəriş varsa, onda bu əməliyyatın müsbət və mənfi cəhətləri ilə maraqlanmağa ehtiyac yoxdur, sadəcə əməliyyata razılaşmaq lazımdır, axı sizin və uşağınızın həyatı hər şeydən vacibdir.

Keysəriyyə kəsiyinin ikinci müsbət cəhəti odur ki, cinsiyyət üzvləri əvvəlki halında qalır, uşaqlıq yolunun, aralığın cırılması, travması, tikişləri və bunların sonrakı ağırlaşmaları olmur. Bu da doğuşdan sonra cinsi həyatda yaranan bir çox problemlərdən uzaq olmağa şübhəsiz imkan yaradır. Həmçinin uşaqlıq boynunun cırıqları, babasilin kəskinləşməsi, kiçik çanaq orqanlarının, sidik kisəsinin və düz bağırsağın sallanması olmur. Bir sözlə, sidik-cinsiyyət sistemi zədəsiz qalır.

Keysəriyyə əməliyyatının daha bir müsbət cəhəti – sürətidir. O təbii doğuş prosesindən daha tez qurtarır. Təbii doğuş zamanı saatlarla sancılara dözmək və doğuş yollarının tam açılışını gözləmək lazımdır. Keysəriyyə əməliyyatı zamanı isə buna ehtiyac yoxdur. Adətən planlı əməliyyat təbii doğuş vaxtına yaxın zamana təyin edilir, amma sancıların başlanması vacib deyil.

Keysəriyyə əməliyyatının mənfi tərəfləri

Az rol oynamayan amillərdən biri — ananın psixoloji vəziyyətidir. Təbii doğuşdan sonra doğuşsonrası depressiya inkişaf edə bilir ki, bu da uşaqla tez-tez təmas etdikcə tezliklə aradan qalxır. Keysəriyyə kəsiyindən sonra əksər qadınlar baş verənlərin natamam olması və düzgün olmaması kimi hisslər yaşayır, ilkin vaxtlarda bəzən öz övladları ilə əlaqə hiss etmirlər.

Fiziki aktivlikdə məhdudluq olur. Bəzən əməliyyat keçirmiş qadınlar çox narahatlıq çəkirlər, çünki həm körpəyə həm də əməliyyat yarasına qulluq etməli olurlar. Orqanizmin bərpası keysəriyyə əməliyyatından sonra daha uzun çəkir. Həm də bərpa normal getsin deyə qadına bir çox məhdudiyyətlər qoyulur. Məsələn, əməliyyatdan sonra siz bir müddət uşağı ayaqüstə qucağınıza götürə bilməyəcəksiniz, əsasən də uşaq böyük doğulubsa. Həmçinin ağırlıq qaldırmaq, kəskin hərəkətlər, cinsi əlaqə və s. bir müddət olmaz, çünki əməliyyatdan sonra hələ uzun müddət qarında ağrılar olacaq, tikişlər dartılacaq, bunlar da aktiv və o cümlədən cinsi həyata maneçilik yaradacaq.

Yara sağaldıqdan sonra qarında bəzən çox nəzərəçarpan kobud çapıq qalır.

Keysəriyyə kəsiyinin daha bir mənfi cəhəti əməliyyatdan sonra orqanizmin ümumi vəziyyətidir. Keysəriyyə kəsiyi mütləq anesteziya altında aparılır, əgər ümumi narkoz verilmişdirsə narkozdan ayılma dövrü bir qədər çətin olur.

Bəzən bu proses başgicəllənmə, ürəkbulanma, ümumi zəiflik ilə müşayiət olunur. Anesteziya keçib gedəndən sonra, qarında, yara nahiyəsində ağrılar olur, hansı ki, təbii doğuşdan sonra olan ağrılardan qat-qat güclüdür və mütləq ağrıkəsicilərin tətbiqini tələb edir.

Indi siz özünüz görürsünüz ki, keysəriyyə əməliyyatına yalnız təbii doğuşun qorxusundan getmək heç də düzgün qərar deyil.

Əgər şübhəniz qalıbsa, onda baxaq görək bu əməliyyatın sizin yenidoğulmuş körpənizə təsiri necədir?

Keysəriyyə kəsiyi: uşaq üçün müsbət və mənfi tərəfləri

Çoxları belə hesab edir ki, keysəriyyə əməliyyatı uşağı təbii doğuş zamanı aldığı ağrı və travmalardan xilas edir. Əslində isə keysəriyyə əməliyyatında uşaq təbii doğuş prosesini keçmir, hansı ki, onu yeni şəraitə hazırlamalı, tənəffüs və qan-damar sistemini adaptasiya etdirməli, yeni temperatur və mühitə uyğunlaşdırmalıdır.

Dünyaya belə tez gəlməsi körpədə şok yarada bilər, nəticədə immunitet və infeksion xəstəliklərə müqavimət azalır. Bundan başqa, təbii doğuş zamanı uşağın tənəffüs yollarından dölyanı maye tədricən basılıb çıxarılır, hansıki, keysəriyyə əməliyyatında bu olmur, nəticədə asfiksiya və pnevmoniya kimi ciddi ağırlaşmalar baş verə bilər.

Beləliklə, əgər siz fikirləşirdinizsə ki, keysəriyyə əməliyyatı ilə doğuş — tez, rahat və praktiki olaraq ağrısız olur, indi bildiniz ki, nəticədə sizi qanitirmə, uzun müddətli bərpa dövrü və həmçinin anesteziya ilə bağlı problemlər gözləyə bilər. Buna görə, əməliyyata girmək qərarını verdikdə bütün müsbət və mənfi cəhətləri hesablayın, qorxularınızı öz həkiminizlə bölüşün və hansı qərara gəlməyinizdən asılı olmayaraq həmişə gözəl nəticəyə özünüzü kökləyin.

Sizə uğurlu doğuşlar!

Həmçinin oxuyun:

 

Şərhlər

Hələ şərh yazılmayıb. Siz birinci ola bilərsiniz.
Qeydiyyatdan keçmisiniz? Sayta daxil ol
Qonaq
16.12.2018

Online Konsultasiya

Bizim qiymətlərimiz

Populyar məqalələr

13 avqust 2018
Materialda Dr. Ramilə Abbaszadənin qadınlarda sidikqaçırma problemi haqqında www...
27048 Baxış
17 avqust 2017
Əgər aybaşı gecikməsinin səhəri günü qadın hamilə olduğunu dəqiq bilsəydi, hər ş...
16961 Baxış
01 noyabr 2017
Mini-abort və ya vakuum-aspirasiya – döl yumurtasını xüsusi vakuum sovurucusu il...
15429 Baxış

Son şərhlər

Ramilə Abbaszadə Ovulyasiya günlərinin təyini üsulları
13 dekabr 2018
Salam. Ondan ötrü aybaşı siklinin davam müddətini bilmək laz...
Qonaq - nezrin Ovulyasiya günlərinin təyini üsulları
12 dekabr 2018
Salam.Mən bu ayın 3-ü aybaşı olmuşam və ayın 9-u bitib indi ...
Ramilə Abbaszadə Hamiləliyin erkən əlamətləri
08 dekabr 2018
Salam. Xeyir, mayalanmanın belə əlamətləri yoxdur.

Son soruşulanlar

Usaqliq sallanmasib
Salam hekim. Menim 3 ay qisa fasilelerle agrilarim olur. İlk aylarda sidiye gede...
0 cavab
Uşaqlıq yolunun ölçüsü
Hekim salam, sualim bir az gulmeli olsada bu cavab ailem ucun maraqlidi, bilmek ...
1 cavab
Miometrit
salam.Mənim USM analizimde usaqligin ön divarında avaskulyar konturları deqiq iz...
1 cavab

Konsultasiya üçün
qəbula yazılın

Qəbula yazıl

*Adınızı və telefon nömrənizi mütləq yazın

Qəbula yazıl

Əməliyyat uğurla başa çatdı. 20 dəqiqə müddətində sizinlə əlaqə saxlayacağıq.

Diqqət!

Saytda verilən məlumatlar yalnız informasion xarakter daşıyır. Özbaşına müalicə sizin sağlamlığınıza ziyan vura bilər! Hər bir məsələ barədə öz müalicə həkiminizlə əlaqə saxlayın.

Bizim yerimiz