18 mayda Filadelfiyada dünyaya gələn körpə Konnor Levi, belə testdən keçən ilk uşaq oldu. Onun valideynləri, 36 yaşlı Meribet Şeyts və 41 yaşlı Devid Levi uzun illərdi valideyn olmaq arzusunda idilər. Beş il onlar "sınaq şüşəsində mayalanma" kimi tanınan, ekstrakorporal mayalanma (EKM) ilə uşaq mayalandırmağa çalışıblar. Əlləri hər şeydən üzülən Meribet və Devid, NGS metodunun beynəlxalq kliniki tədqiqat proqramında iştirak üçün razılıq verirlər.

Standart EKM prosedurası ilə on üç embrion alınır, qısamüddətli kultivasiyadan sonra, alimlər onlardan bir neçəsini seçib genetik skrininqə göndərirlər. Bəlli olur ki, embrionların tam normal görünmələrinə baxmayaraq, onlaran yalnız üçündə düz xromosom toplusu var. Sağlam embrionlardan birini Şeytsin uşaqlığına uğurla implantasiya edirlər. Hamiləlik və doğuş fəsadsız keçir və qəşəng körpə - Konnor artıq üç aylıqdır.

Dünyada hər altı ailədən birində mayalanma problemi olur. Bu cür proseduralar uşaq istəyən ailələr üçün ümid yeri ola bilər. Lakin alimlər qorxurlar ki, belə test gələcəkdə valideynlərin arzusu ilə müəyyən əlamətli uşaqların "yaradılması" üçün istifadə edilə bilər.

Tezliklə ABŞ-da genetik skrininq metodu NGS-dən keçən bir uşağın da doğulması gözlənilir. Alimlərin fikrincə, əgər bütün kliniki tədqiqatlar uğurla keçərsə, onda xromosom pozğunluqlarının aşkarlanması beş ildən sonra adi iş olacaq.