Sağlam olun!

Bizim məsləhətlərlə

Keysəriyyə əməliyyatının nəticələri

FOTO: Keysəriyyə əməliyyatının nəticələri

Hamıya bəllidir ki, heç bir cərrahi müdaxilə nəticəsiz ötüşmür, mütləq insan orqanizmində izlər qoyur. Keysəriyyə əməliyyatı da istisna deyil.

Əməliyyat süni doğuş olub, hansı ki, bu zaman həkim qarın və uşaqlıq divarında kəsik aparır və oradan uşaqla cifti çıxarır. Hazırda bu əməliyyat dünyada 10 ən geniş yayılmış və təhlükəsiz əməliyyatlar sırasına daxildir. Onun icrası zamanı yalnız yoxlanılmış, ən müasir və etibarlı üsullar, dərmanlar və texnologiyalar tətbiq edilir, lakin təəssüf ki, hətta bütün bunlar da qadını əməliyyatın acı nəticələrindən xilas edə bilmir, amma 10 il əvvəlkinə nisbətən yumşaldır.

Keysəriyyə əməliyyatı ilə bitən doğuşlar qadınlarda birmənalı reaksiya törətmir. Kimsə bu üsulu xoşagələn hesab edir, kimsə də qətiyyən qəbul eləmir. Yaxşısı keysəriyyə əməliyyatını yalnız obyektiv göstərişlərə əsasən etməkdir, o vaxt ki, cərrahi doğuş ana və uşağın həyatını saxlamaq üçün yeganə imkandır.

Lakin əgər qadın doğuşun uğurlu qurtaracağına şübhə edirsə, özü doğmağa qorxursa və keysəriyyəni özü üçün yeganə məqbul variant hesab edirsə, onda həkimlər bu əməliyyatı icra edə bilərlər.

Əgər sizə planlı keysəriyyə əməliyyatı təyin edilibsə və ya özünüz bu yolu seçmisinizsə — keysəriyyə əməliyyatının nəticələri ilə tanış olun ki, ona emosional hazır olasınız.

Keysəriyyə əməliyyatının ana üçün nəticələri

İlk növbədə, keysəriyyə kəsiyi cərrahi əməliyyatdır, hansı ki, uğurlu qurtardıqda belə boşluqlu əməliyyatlara xas nəticələri ola bilər.

Bunlara aiddir:

  • infeksiya;
  • güclü qanaxma;
  • qonşu orqanların travması.

Nəticələrin dərhal deyil, bir müddətdən sonra yaranması da inkar edilmir.

Keysəriyyə əməliyyatından sonra anesteziyanın nəticələri

Planlı keysəriyyə əməliyyatına hazırlaşarkən əksəriyyət hallarda qadına anesteziyanın növünü, narkoz və ya epidural anesteziya seçməyə icazə verirlər. Secilən hər bir növün həm ana, həm də körpə üçün təsirləri var. Ancaq ümumi narkozda fəsadlaşma riski daha çoxdur, çünki ana orqanizminə eyni zamanda bir neçə preparat yeridilir.

Ümumi narkozun ana üçün aşağıdakı fəsadları ola bilər:

  • baş ağrısı;
  • başgicəllənmə;
  • ürəkbulanma;
  • huşun pozulması;
  • əzələ ağrıları.

Keysəriyyə əməliyyatında epidural anesteziyanın da fəsadları ola bilər, məsələn, bel ağrısı və ayaqlarda titrəmə. Amma anestezioloqun səhvindən onurğa beyni və sinirləri zədələnə bilər, lakin bu çox nadir halda baş verdiyi üçün biz onlara baxmırıq.

Keysəriyyə əməliyyatında anesteziyanın növləri barəsində daha ətraflı bu məqaləmizdə oxuya bilərsiniz.

Keysəriyyə əməliyyatından sonra tikişlər

Keysəriyyə əmələiyyatından sonra qadının qarnında və uşaqlıqda çapıqlar qalır. Bəzən tikişlərin aralanması, yəni diastaz baş verir. Əgər belə bir şey olarsa, dərhal həkimə müraciət etmək lazımdır. Uşaqlıqdakı çapığa gəldikdə isə, burda bir qədər mürəkkəbdir, çünki onun vəziyyətindən növbəti hamiləliklərin və doğuşun gedişi asılıdır.

Keysəriyyə əməliyyatından sonra yaranan çapıqlar barədə daha ətraflı bu məqaləmizdə oxuya bilərsiniz.

Fiziki aktivliyin məhdudlaşması

Keysəriyyə əməliyyatından sonra durub uşağı götürməyə yalnız 6 saatda sonra icazə verilir. Lakin qorxmaq lazım deyil — doğum evində sizə gərginləşmədən uşağa qulluq etməyi öyrədəcəklər. Evə yazılarkən tez bərpa olunmaq üçün xüsusi məşqlər göstərəcəklər. Əvvəlki fiziki aktivliyə siz əməliyyatdan yalnız bir neçə ay sonra çata bilərsiniz.

Əməliyyatdan sonra uşağa döş verə bilməmək

Adətən keysəriyyə ilə uşaq doğanların döşlərinə süd vaxtında gəlir, lakin əməliyyatdan dərhal sonra anesteziya preparatlarının təsirindən qorxaraq körpəni döşə qoymurlar. Buna görə uşağa südü butılka ilə verirlər. Əgər ana uşağa döş vermək istəsə, o, bunu çox asanlıqla edə bilər, baxmayaraq ki, uşaq əvvəl butılkadan yemişdir.

Keysəriyyənin uşağa təsiri

Alimlərin çoxsunun fikrinə görə keysəriyyə ilə doğulan uşaqlar ətraf mühitə pis uyğunlaşırlar. Bundan başqa bu yolla dünyaya gələn körpələrin ağciyərlərində dölyanı maye qala bilər, hansı ki, təbii yolla doğularkən basılıb çıxarılır.

Həmçinin əməliyyat vaxtı anaya yeridilən preparatların körpənin qan dövranına düşmə təhlükəsi var — bu da körpənin sağlamlığına, onun sinir sisteminə mənfi təsir göstərə bilər. Bundan başqa keysəriyyə ilə doğulan uşaqlarda tənəffüs pozgunluqları o birilərinə nisbətən daha çox rast gəlinir.

Keysəriyyənin nəticələri qaçılmazdır, çünki ana orqanizmi cərrahi müdaxiləyə məruz qalır. Bəziləri üçün ağır, digərləri üçünsə nəzərə çarpmır: hər şey ananın vəziyyətindən və əməliyyatı edən mütəxəssislərdən asılıdır. Xoşbəxtlikdən təbabət inkişaf edir və əməliyyatlar hər il daha yüngül xarakter alır.

Ümid edək ki, yaxın gələcəkdə keysəriyyə əməliyyatının əksər fəsadlarına rast gəlinməyəcək. Amma indi doğma körpənin ilk səsini eşitmək üçün, pozitiv köklənib bütün əzablara dözməyə dəyər.

Bu məqaləni qiymətləndirin:

Həmçinin oxuyun:

 

Şərhlər (0)

Hələ şərh yazılmayıb. Siz birinci olun.

Öz şərhinizi yazın

Qonaq kimi şərh yazın 0
0 simvol
Вложения (0 / 3)
Share Your Location

Online Konsultasiya

Bizim qiymətlərimiz

Populyar məqalələr

17 iyun 2017
Uşaqlığın sallanması – çanaq orqanlarının prolapsının (yerdəyişməsi, sall...
10235 Baxış
01 noyabr 2017
Mini-abort və ya vakuum-aspirasiya – döl yumurtasını xüsusi vakuum sovurucusu il...
7961 Baxış
23 avqust 2017
Ovulyasiya qadının mayalanma qabiliyyətinin əsas təyinedici faktorudur. Məhz, bu...
7597 Baxış

Son şərhlər

Sağ olun, Elmira xanım. Təşəkkür edirəm!
salam Ramile xanim bu video çarxı izləyib çox sevindim. Yaxşı ki varsınız. Var olasız. Endo...
Ramilə Abbaszadə şərh yazıb Medikamentoz abort
Salam. Hamiləliyi dərmanla pozmaq olar. Ancaq bunu həkimin nəzarəti altında etmək lazımdır

Son soruşulanlar

Bəkarət pərdəsi???
Salam.Masturbasiyadan sonra bir-iki damcı qan gəldiyini gordum.Qeyd edim ki,hec ...
0 cavab
-1-le bagli roqan
Salam menim qan qrupum -1-dir, 19-cu heftede amniyosentez etdirmisem hemin gunde...
2 cavab

Diqqət!

Saytda verilən məlumatlar yalnız informasion xarakter daşıyır. Özbaşına müalicə sizin sağlamlığınıza ziyan vura bilər! Hər bir məsələ barədə öz müalicə həkiminizlə əlaqə saxlayın.

Bizim yerimiz