Sağlam olun!

Bizim məsləhətlərlə

Ginekoloqların pasientlərdə xoşlamadıqları 5 xüsusiyyət

FOTO: Ginekoloqların pasientlərdə xoşları gəlmədiyi 5 şey

Çox vaxt qadınlar ginekoloqun qəbuluna görüşə gedirmiş kimi hazırlaşırlar: alt paltarı seçır, qasıq nahiyəsini təmizləyir, bəzən isə hətta a romatik vasitələrdən istifadə edirlər. Əslində isə, ginekoloqun kabinetində bunların elə bir əhəmiyyəti yoxdur. Həkimlərin özləri təsdiqləyir ki, onları qıcıqlandıran gigiyenik nüanslar deyil, tamamilə başqa şeylərdi.

Heç nə deməyəcək

Bəlkə də ən ciddi problem – qadının ginekoloqun kabinetində nəyisə deməməsidir. Məsələn, bir neçə il əvvəl o, abort etdirib. Məntiq çox sadədir: bu çoxdan olub və indiki vəziyyətə heç bir aidiyyatı yoxdur.

Əslində isə, qadın orqanizmində baş vermiş hər bir şey sağlamlığa öz təsirini göstərir. Doğuşların, abortların, düşüklərin sayı – bütün bunlar reproduktiv funksiyaya təsir edir və bəzi xəstəliklərin yaranma riskini artırır.

Bu, eynilə keçirilmiş zöhrəvi xəstəliklərə də aiddir. Bəzən, həkim sonsuzluğun səbəbini axtarır və tapa bilmir, səbəbi isə bir neçə il əvvəl keçirilmiş və qadının gizlətmək istədiyi xlamidiozdur.

Hər şeyi unudub

Nəyinsə haqqında susmağın digər üsulu – sadəcə unutmaqdır. Müxtəlif yaş qrupuna məxsus qadınlar qəbul etdikləri tabletləri, uşaqlıqdaxili spiralın qoyulmasını və s. tez-tez unudurlar.

Nəzərə alsaq ki, qadın həkimin qabuluna konkret bir problemə görə gəlir, əvvəllər keçirilmiş manipulyasiyalar, təyin olunmuş dərmanlar diaqnozun qoyulmasında və düzgün müalicə taktikasının seçilməsində vacib rol oynaya bilər. Məhz, buna görə də həkim sizdən əvvəl keçdiyiniz müayinələrin nəticələrini və tibbi qeydləri gətirməyi tələb edir.

Ginekoloqlar sizdən, həkimə müraciət etməzdən əvvəl, sonuncu siklin başlanma tarixni yada salmağı xahiş edirlər. İndiki dövrdə ovulyasiya təqvimi üçün bir çox mobil telefon proqramlarının olmasına baxmayaraq, hələ də bu tarixi yada sala bilməyən və "eee", "deyəsən keçən həftə, çərşənbə günü" kimi ifadələr işlədən qadınlar var. Hələ yaxşıdır, əgər yaxın tarixdə menstrual təqvim orientiri kimi bayram günləri varsa.

Özü özünün həkimidir

Bəli, bu problemlə bugün bütün sahələrin həkimləri qarşılaşır. İnternetə daxil oldun, öz simptomlarına uyğun xəstəliyi öyrəndin – və irəli, bütün mümkün olan dərmanlar və laborator analizlər.

Çoxları belə güman edirlər ki, bununla vaxta və pula qənaət edirlər. Niyə həkimə əlavə vaxt sərf edim, hansı ki, analizlər təyin edəcək? Yaxşısı budur, hazır nəticələrlə gedim.

Problem ondadır ki, məsələn, uşaqlığın polipi zamanı USM (ultrasəs müayinəsi) siklin bir dövründə, endometrioz zamanı isə digər dövründə aparılır. Həm də, müxtəlif xəstəliklər zamanı analiz olunan hormonlar da fərqlənir. Sizdə nəyə şübhə olduğunu yalnız həkim deyə bilər. Buna görə də, əksər hallarda, həkim gətirilən nəticələri gözdən keçirib, köks ötürür və USM-i başqa dövrdə etməyi və ya başqa hormonları menstrual siklin digər günlərində analiz verməyi xahiş edir.

Adətən qadınlar kandidoz və ya iltihaba kiçik bir şübhə olduqda özlərinə antibiotik təyin edirlər, sonra da uzun müddət həkimdə müalicə alırlar – məhv edilmiş mikrofloranı bərpa edir, mikroorqanizmlərin davamlılıq qazandığı xəstəlklərin residivlərilə mubarizə aparırlar.

Qızlar rəfiqələrinin məsləhəti ilə, eyni zamanda arıqlamaq və sızanaqlardan azad olmaq üçün hormonal konstraseptivlərdən istifadə etməyi xoşlayırlar. Lakin konkret preparatın seçimi bir çox şeydən asılıdır: bu və ya digər hormonların miqdarından, iltihabi xəstəliklərin mövcudluğundan, qanın laxtalanma səviyyəsindən, zərərli vərdişlərdən, məsələn siqaret çəkməkdən, yaşdan və s.

Hormonlar haqqında yanlış fikirlər

Oral kontraseptivlərin bir neçə onilliklər mövcud olmasına baxmayaraq, bir çoxları onlara həmişəki kimi güvənmir, qəbulundan yayınıırlar.

Əfsanələr özləri 20 ci əsrin ortalarında – ABŞ-da və Avropanın bəzi ölkələrində bu kontraseptivlərin telefon vasitəsilə və yalnız yaş amilinə görə təyin olunduğu vaxtlardan yaranıb. Aydındır ki, belə yanaşma bir çox əlavə təsirlər yaratmışdır, həm də o dövrdəki oral kontraseptivlərdə hormonların miqdarı da həddindən artıq idi.

O vaxtdan bəri, onların təyininə yanaşma da dəyişib — qəbuldan əvvəl pasient ciddi müayinə edilir, eyni zamanda preparatlar da aşağı dozalarda istifadə olunur.

Bir çox tədqiqatlar təsdiq edir ki, bu preparatlar həkim tərəfindən düzgün seçildikdə xərçəngin inkişafına və çəkinin artmasına təsir etmir — məhz, bunlar adətən əsas problemlər hesab olunur. Lazımi hormonların balansını təmin etməkdən əlavə, KOK-lar (kombinə olunmuş oral kontraseptivlər) paralel funksiyalar da daşıyır: dəri və saçların vəziyyətini yaxşılaşdırır, əhvalı qaldırır, sikli normallaşdırır, yumurtalıq kistası və anemiyaya meylli qadınlara müsbət təsir göstərir.

Fəlakət baş verməsə...

Təəssüf ki, ginekoloq elə mütəxəssisdir ki, qadınlar ona istisna hallarda müraciət edirlər: ya hamilə qaldıqda, ya da simptomlar həddən artıq narahat etdikdə.

Nəticədə həkimlər çox vaxt gecikmiş mərhələdə olan xəstəliklərlə qarşılaşmalı olurlar, hansı ki, başlanğıc mərhələdə asan müalicə oluna bilərdi. Burada söhbət yalnız xərçəngdən getmir.

Bəzən qadınlarda böyük ölçülü miomalar aşkarlanır, hansı ki, uşaqlıqla birlikdə götürülməlidir. Bir il əvvəl isə, konservativ (qeyri-cərrahi) müalicə ilə kifayətlənmək olardı. Ya da menstrual siklin pozğunluqları, hansı ki, uğursuz hamiləlik cəhdlərindən sonra xəstəni fikir verməyə vadar edir.

Əgər siz pasientsinizsə, çalışın bunlardan qaçasınız!

 

Bu məqaləni qiymətləndirin:
 

Şərhlər (0)

Hələ şərh yazılmayıb. Siz birinci olun.

Öz şərhinizi yazın

Qonaq kimi şərh yazın 0
0 simvol
Вложения (0 / 3)
Share Your Location

Online Konsultasiya

Bizim qiymətlərimiz

Populyar məqalələr

17 iyun 2017
Uşaqlığın sallanması – çanaq orqanlarının prolapsının (yerdəyişməsi, sall...
4370 Baxış
10 iyul 2017
Sidik qaçırma (və ya inkontinensiya) bəziləri tərəfindən yaşlı adamların tipik p...
2736 Baxış
14 oktyabr 2017
İki bədənin məhəbbətlə birləşməsinin zirvəsində möcüzə baş verir – yeni həyat ya...
2333 Baxış

Son şərhlər

Qiz duwur onda cox sagolun bunun sef cixma ehtimali var, Ramile xanim
Ramilə Abbaszadə şərh yazıb Uşağın cinsinin hesablanması cədvəli
Bəli, düzdür. Avqusta qədər 21 hesablanır.
Menim yawim 21 di avqusda 22olacaq onda hal hazirda ki yawima baxim?21 re
Ramilə Abbaszadə şərh yazıb Uşağın cinsinin hesablanması cədvəli
Salam. Yuxarıda verilmiş cədvəldə ananın yaşı əsas götürülür. Yaşınızı cədvəldə ...
Salam ramile xanim menim iki oglum var qiz isdeyirem son adet vaxdim 18 martdi mene qiz duwur ya ogl...

Son soruşulanlar

Kishi sonsuzlugunu
Salam! Kishi sonsuzlugu ile bagli mutesessis meslehetine ehtiyacimiz var. Once...
0 cavab
Cinsi elaqe
Salam. Qiz uwaqi ilk defe cinsi elaqede olub.olduqu vaxti kiwinin cinsiyyeti son...
3 cavab
Hamiləliyin təqibi
Salam, Ramilə xanım. Siz hamiləlik aparırsınız?...
2 cavab

Diqqət!

Saytda verilən məlumatlar yalnız informasion xarakter daşıyır. Özbaşına müalicə sizin sağlamlığınıza ziyan vura bilər! Hər bir məsələ barədə öz müalicə həkiminizlə əlaqə saxlayın.

Bizim yerimiz