Fəsadlı hamiləlik dedikdə – hamiləliyin gedişində təzyiqin oynaması, endokrin və böyrək fəaliyyətinin pozulması, preeklampsiya, erkən doğuş riskləri, dölün inkişaf qüsurları, ana və dölün sağlamlıqlarını təhlükəyə salan digər vəziyyətlərin rast gəlinməsi nəzərdə tutulur. Belə hamiləliyin aparılması mama-ginekoloqlar tərəfindən hərtərəfli və kompleks nəzarət, həmçinin, onların gələcəkdə baş verə biləcək gözlənilməz vəziyyətlərə hazır olmalarını tələb edir.
Bizim klinikada belə hamiləliyin aparılması istiqamətində uzun illər ərzində qabaqcıl təcrübə toplanmışdır. Müxtəlif ixtisaslı həkimlər gələcək anaya lazım olan tibbi yardımı anında göstərməyə hazırdır. Adətən belə hamilələrə biz fərdi yanaşma təklif edirik. Hamiləliyin əvvəlcədən planlaşdırılması isə, fəsadların qarşısını maksimum almağa kömək edir.
Xüsusi yardıma ehtiyacı olan qadınlar
Hamiləlik dövründə xoşagəlməz hallar adətən yüksək riskli hamiləlikdə rast gəlinir. Bu qrupa aid olma aşağıdakı amillərlə təyin olunur:
- fəsadlı mamalıq anamnezi (əvvəlki hamiləliklərin ağırlaşması);
- yanaşı patologiyaların olması (autoimmun, ürək-damar xarakterli);
- endokrin pozğunluqlar (diabet, piylənmə, qalxanvari vəz patologiyaları);
- yaş (35-dən yuxarı, 18-dən aşağı).
Hamiləliyin planlaşdırılması mərhələsində aparılan kompleks müayinə fəsadların riskini azaldır. Qadının vaxtında risk qrupuna daxil edilməsi, ginekoloq və digər mütəxəssislərə pozğunluqları erkən dövrlərdə aşkar edib qarşısını almağa imkan verir.
Hamiləyə göstəriləcək xidmətlər:
Bütün hamiləlik boyu biz sizi maraqlandıran sualları cavablandıracaq və sizə hamiləlik, doğuş və zahılıq dövrü ilə bağlı bütün lazımi məlumatları verəcəyik. Orqanizmdə baş verən dəyişikliklər haqqında operativ məlumatın alınması, sizə bu dövrdə çox ehtiyac duyulan özgüvənlik və psixoloji rahatlıq verəcək.
Bizim klinikada sizin arzu və istəklərinizi, orqanizminizin xüsusiyyətlərini və hamiləliyin gediş xarakterini nəzərə almaqla, həkimlə bir yerdə fərdi müşahidə planının hazırlanmasında iştirak imkanınız olacaq.
Bizim klinika – çoxprofilli tibb mərkəzidir. Yəni burada əsas ixtisaslardan olan həkimlərin əksəriyyəti çalışır, hansı ki, hamiləliyin müştərək aparılmasına və lazımi mütəxəssislərin (terapevt, okulist, cərrah, kardioloq, genetik, dietoloq-endokrinoloq) konsultasiyasını təşkil etməyə imkan verir. Hətta lazım gələrsə emosional-psixoloji yardım göstərə bilirik.
Bizim klinikanın öz laboratoriyası var. Bu səbəbdən, geniş spektrli laborator müayinə və analizlər maksimal qısa müddətdə aparılır.
Diaqnostik kabinetlər ən müasir cihazlarla təmin olunub. Biz 3d, 4d USM, dölün ürəkdöyüntülərini izləmək üçün kardiotokoqrafiya və digər müayinələr aparırıq. Bizim ultrasəs aparatlarının yüksək həssaslığı döldə olan inkişaf qüsurlarını erkən dövrlərdə aşkar etməyə imkan verir.
Hamiləliyin başlanması ilə qadının həyatı köklü surətdə dəyişir. "Gələcək analar məktəbi"ndə biz ona yeni vəziyyətə tez və asan uyğunlaşmağı, qorxu və həyəcandan uzaq olmağı, gələcək doğuşa və ana olmağa hazırlayırıq.
Bizim məşğələlərdə gələcək ana və atalar hamiləliyin gedişinin fizioloji və psixoloji xüsusiyyətləri, bu dövrdə qidalanma və həyat tərzi haqqında bütün lazımi məlumatları alacaq. Hər bir məşğələ müəyyən mövzu barəsində təşkil olunmuş mühazirə və ondan sonra sizin suallara verilən cavabları və hamilələr üçün hazırlanmış xüsusi məşqlər kompleksini əhatə edir.
Bizim klinikanın öz "Təcili yardım" xidməti var. Təcili yardım briqadasının həkimləri vaxtı gələndə sizin doğum evinə rahat çatdırılmanızı təmin edəcək. Yolda baş verə biləcək problemlərə görə narahatçılıqdan uzaq olmaq istəyirsinizsə, bizim təcili yardın xidmətimizdən istifadə edin! Hər bir təcili yardım avtomobili ana və uşaq üçün lazım ola biləcək ən müasir cihazlarla təchiz olunub. Əgər doğuş yolda başlayarsa, bizim mütəxəssislər uşağın dünyaya gəlməsi üçün hər bir köməyi peşəkaar səviyyədə göstərməyə hazırdır.
Klinikamızın mütəxəssislərinin yüksək peşəkarlığı sayəsində biz müxtəlif fəsadlarla (böyrək, ürək, qalxanvari vəz xəstəlikləri və digər patologiyalar) müşayiət olunan hamiləliyi apara bilirik. Bir qayda olaraq, anamnezində ölmüş hamiləlik, erkən açılışı olan qadınlar daha çox diqqət tələb edir. Biz hamiləliyin rahat stasionar şəraitində saxlanması xidmətini təklif edirik.
Bizim klinikada Azərbaycan Respublikası Səhiyyə Nazirliyinin bütün standartlarına əməl olunur. Bu, qadın üçün lazım olan sənədlərə də aiddir – analiz və müayinələrin surəti, reseptlər pasientin özünə verilir.
Gələcək ana və uşağı infeksion xəstəliklərdən qorumaq üçün, hamilə qadının həyat yoldaşı da müayinə olunmalıdır. Bir qayda olaraq, vərəmi inkar etmək üçün ağciyərlərin rentgenoskopiyası, qanın hepatitlərə, SPİD-ə, sifilisə görə analizləri, həmçinin qan qrupu və rezus faktor yoxlanması aparılır. Partntorun tibbi müayinələrdə iştirakı onun hamiləliyə və gələcək uşağın sağlam doğulmasına məsuliyyətli yanaşmasını göstərir.
Bizim pasientlər istəsələr evə tibbi yardım çağıra bilər. Bu xidmətə analiz və yaxmanın götürülməsi,lazım gəldikdə ginekoloqun baxışı daxildir. Hamilə qadınlar üçün evdə xidmət hamiləliyin 12-ci həftəsinə qədər həyata keçirilir.
Risk qrupundan olan qadınların aparılma xüsusiyyətləri
Bizim klinikada hamiləliyin aparılması dedikdə – hələ erkən dövrlərdən ana və dölün vəziyyətlərinə nəzarət başa düşülür. Buna, hamiləliyi ağırlaşdıran fəsadların aşkarlanmasına yönəlmiş müasir laborator müayinələr və ultrasəs müayinəsi aiddir. Həmçinin, gələcək ana üçün dar profilli mütəxəssislərin konsultasiyası tələb olunur ki, qadının sağlamlığını kompleks qiymətləndirmək mümkün olsun. Bizim klinikada müxtəlif sahələrdə çalışan təcrübəli həkimlər fəaliyyəti göstərir:
- mama-ginekoloq;
- stomatoloq;
- genetik;
- kardioloq;
- endokrinoloq və dietoloq;
- cərrah və digərləri.
Lazım gəldikdə hamilə okulist, stomatoloq və terapevtin konsultasiyasına göndərilir. Bütün mütəxəssislər konkret klinik vəziyyətin xüsusiyyətlərini nəzərə almaqla, hamiləliyin fərdi aparılma planının tərtib olunmasında iştirak edir.
Bizim klinikanın özünün müasir laboratoriyası var. Burada gələcək ana lazım olan bütün analizləri verib və ən qısa zamanda cavabını ala bilər. Obyektivlik və operativlik patologiyaların erkən aşkar olunmasında vacib əhəmiyyətə malikdir.
Lazım gəldikdə klinikanın əməkdaşları evdə analiz götürə bilir. Mama-ginekoloq və tibb bacısından ibarət komanda baxış aparıb müəyyən məlumat topladıqdan sonra, göstərişə görə analiz üçün biomaterial götürə bilər. Əgər klinikaya gəlmək çətinlik törədirsə, gələcək ana üçün bu xidmət rahat və asandır.
Bizim bütün tədbirlərimiz aşağıdakı fəsadların qarşısını almaq üçündür:
- preeklampsiya (arterial təzyiqin qalxması və böyrək problemləri);
- hamilələrin arterial hipertenziyası;
- açılış təhlükəsi;
- erkən doğuş təhlükəsi;
- rezus-konflikt;
- dölün hipoksiyası və qidalanmasının pozulması;
- plasentar çatmamazlıq və s.
Ananın psixoloji vəziyyəti pozulduqda bizim psixoloq və psixoterapevtlər peşəkar yardım göstərməyə hazırdır.
Hər bir qadın bizim "Gələcək analar məktəbindən” istifadə edə bilər. Müntəzəm məşqlər öz vəziyyətinə nəzarət etməyi, gələcək doğuş və analığa hazırlaşmağa kömək edəcək.
Bizim üstünlüklərimiz
- Müayinə və konsultasiyanın sizə uyğun vaxtda aparılması
- Bütün müayinə və konsultasiyaların bir yerdə keçirilməsi
- Fərdi müşahidə planının tərtibi
- Hamilələr üçün geniş spektrli tibbi xidməti
- Fəsadlı hamiləliyin aparılması
- Əvvəlcədən yazılmaqla növbəsiz qəbul
- Klinikanın əlverişli yerləşməsi
- Doğuş klinikasının seçilmə imkanı
Qiymətlər
Bizim klinikada qiymət siyasəti tibbi xidmətin keyfiyyəti və onun qiymətinin uyğun gəlməsinə yönəlib. Biz peşəkar həkimlərin konsultasiyası, tibb personalının zərif münasibəti və fərdi yanaşma təklif edirik. Hər bir hamilə əvvəlcədən qəbula yazılmaqla növbəsiz müayinədən keçə bilər. Ağırlaşma riski olarsa, bizim mütəxəssislər dünya standartlarına uyğun yardım göstərməyə qadirdir. Hamiləliyin aparılması ilə bağlı qiymətlər barədə saytda yerləşdirilmiş qiymət cədvəlindən və ya həkimin qəbulunda öyrənmək olar.
Hamiləliyin peşəkar təqibi – ana və uşağın sağlamlığı, yüngül doğuş və xoşbəxt analıq deməkdir! Konsultasiyaya sizə uyğun vaxtda yazılın!
Bəzi xidmətlərin qiymətləri
Aşağıdakı cədvəldə hamiləliyin aparılmasında göstərilən bəzi xidmətlərin praysı verilmişdir. Lakin, qiymətlər tez-tez dəyişdiyindən burada verilənlərdə də dəyişiklik ola bilər. Bu səbəbdən, xahiş edirik qiyməti dəqiqləşdirmək üçün bizə (050 890 57 00) və ya klinikaya zəng edəsiniz.
| Xidmət | Qiymət, AZN |
|---|---|
| Ginekoloqun konsultasiyası | 30 |
| USM | 30 |
| Yaxma | 50 |
| Qan analizi | 20 |
