Vaginoplastika — funksional-estetik əməliyyat olub, estetikanı yaxşılaşdırmağa, hissiyyatı artırmağa və cinsiyyət orqanlarının funksiyalarını bərpa etməyə yönəlib. Uşaqlıq yolunun daraldılmasının məqsədi cinsiyyət orqanlarının cavanlaşdırılması və onların funksiyalarının bərpasıdır. Funksiyalar yaşla əlaqədar, inkişaf anomaliyaları və ya doğuş zamanı alınmış travmalar nəticəsində pozula bilər. Bu problemlər vaginoplastika ilə uğurla həll olunur.

Vaginoplastika spinal anesteziya altında aparılır və 1 saata qədər davam edir. Əməliyyatdan sonra reabilitasiya göstərişdən, funksional pozğunluqların dərəcəsindən, cərrahi müdaxilənin həcmindən, pasientin yaşından və sağlamlıq vəziyyətindən asılı olaraq 1 aydan 3 aya qədər çəkir. Bütün bərpa dövrü ərzində həkimin məsləhətlərinə əməl etmək lazımdır. İntim həyatdan, idman və fiziki gərginlikdən uzaq durmaq lazımdır.

Vaginoplastika dayanıqlı nəticə verir — estetik defektləri götürür, cinsi həyatı yaxşılaşdırır, cinsiyyət orqanlarının funksiyalarını tamamilə bərpa edir. Əgər qadın sonralar doğmaq planlaşdırmırsa, nəticə ömür boyu qalır. Doğmamış qadınlar və uşaq doğmağı planlaşdıran pasientlərə vaginoplastika funksional və tibbi xarakterli göstərişlər əsasında aparılır.

Biz uşaqlıq yolunda bütün plastik əməliyyatları yerinə yetirərək, qadınlara sağlamlıq və seksual həyatdan razılığı qaytarmağa kömək edirik. Göstərişə və pasientin arzusuna əsasən biz bir sıra əməliyyatlar təklif edirik.

Uşaqlıq yolunun plastikası kimə lazımdır

Uşaqlıq yolunun daraldılması əməliyyatı yumşaq toxumaların cırılması ilə bir və ya bir neçə ağır doğuş keçirmiş pasientlərə lazımdır. Bu cür pasientlərdə uşaqlıq yolu əzələləri doğuşdan sonra həddən artıq dartılır, tikişlərin yeri çapıqlaşır. Nəticədə əzələlərin elastikliyini azaldır.

"Uşaqlıq yolunu necə daraltmalı?" sualını 45-50 yaşlı qadınlar da verir. Beləki, yaşla əlaqədar uşaqlıq yolu əzələləri tonusunu itirir və boşalır. Nəticədə vağına genəlir. Uşaqlığın sallanması olmasın deyə, biz, uşaqlıq yolunu daraldan əməliyyat məsləhət görürük.

Uşaqlıq yolunun daraldılmasına göstərişlər

Bizimi klinikada uşaqlıq yolunun daraldılması estetik və tibbi göstərişlər əsasında aparılır. Birinci halda əməliyyatın məqsədi – xarici görünüşün bərpası və əvvəlki hissiyyatın qaytarılması, ikinci halda isə – uşaqlıq yolunun bilavasitə sağlamlığa ziyan verən dəyişikliklərini aradan qaldırmaqdır. Beləliklə, vaginoplastika əməliyyatına əsas göstərişlər bunlardır:

  • uşaqlıq yolunun ön və arxa divarının sallanması;
  • ağır doğuş və fiziki gərginlikdən sonra uşaqlığın sallanması;
  • sidik kisəsinin sallanması və sidik saxlamamazlıq;
  • cinsi hissiyyatın itməsi, orqazmın olmaması.

Uşaqlıq yolunun daraldılması – vaginoplastika

vaginoplastika vaginanın daraldılması

Vaginoplastika – uşaqlıq yolunun daraldılması üçün ənənəvi əməliyyatdır. Hansı divarında aparılmağından asılı olaraq ön və arxa kolporafiya ayırd edilir. Uşaqlıq yolunu daraltmaq üçün, həkim ön və arxa divarlardan artıq toxumaları kəsib çıxarır və selikli qişaya tikişlər qoyur. Nəticədə uşaqlıq yolu daralır, həcmi kiçilir. Adətən əməliyyat spinal anesteziya altında aparılır və 1 saata qədər çəkir.

Əməliyyata hazırlıq

Əməliyyatdan öncə pasient tam tibbi müayinə olunur. Müayinə planına qanın və sidiyin ümumi analizi, qanın laxtalanma qabiliyyəti, infeksiyaya görə vaginal yaxma, EKQ daxildir. Göstərişə görə əlavə diaqnostika üsulları və digər həkimlərin konsultasiyası aparıla bilər.

Əməliyyatönü hazırlığın əsas mərhələsi – pasientin ginekoloji kresloda müayinəsidir. Bu zaman qadın bütün subyektiv hissləri barəsində həkimə məlumat verməli və əməliyyatdan öz gözləntilərini söyləyir. Qəbulda pasientlə əməliyyatın məqsəd və taktikasını müzakirə etdikdən sonra, gün təyin olunur.

Əməliyyata hazırlıq dövründə qanın laxtalanma sistemini zəiflədən dərman preparatlarının qəbulu dayandırılmalıdır. Bu dərmanlar miqren, menstruasiya, soyuqdəymə hallarında təyin olunur. Həmçinin, əgər pasient hormonal kontraseptivlər qəbul edirsə, həkim onların da dayandırılmasını tələb edə bilər.

Bərpa dövrü

Hər bir cərrahi əməliyyat toxumaların tamlığının pozulması, qanaxma, ödem və ağrı ilə müşayiət olunur. Təbii ki, vaginoplastikada da bunlar rast gəlinə bilər, lakin, qısa müddət ərzində adətən keçib gedir. Bu onunla izah olunur ki, uşaqlıq yolu toxumaları qanla çox yaxşı təchiz olunur və bu səbəbdən bərpa prosesləri burada sürətli gedir.

Buna baxmayaraq, bərpa dövründə həkimin bütün məsləhətlərinə əməl etmək lazımdır. Aşağıda vaginoplastikadan sonra bərpa dövrü üçün spesifik xarakterli qaydalar verilmişdir:

  1. Əməliyyatdan sonrakı ilk 3 gün ərzində ciddi yataq rejimi.
  2. Əməliyyatdan sonra 3 həftə ərzində 2 yanıüstə oturmaq olmaz, ya uzanmalı, ya da, gəzməli. Oturmaq lazım gəldikdə, yalnız bir yanıüstə olar.
  3. 2 ay ərzində cinsi əlaqə olmaz.
  4. Həzmi yaxşılaşdıran qidalar yeyilməlidir. Qəbizlik yolverilməzdir.

İntim plastikadan sonra bütün cərrahi əməliyyatlar üçün keçərli olan ümumi qaydalar aktualdır. 2-3 ay ərzində idmanla məşğul olmaq və ağırlıq qaldırmaq olmaz. Əgər müalicə həkimi xüsusi təyin etməmişsə, bütün fizioterapevtik prosedurlar əksgöstərişdir. Bərpa dövründə solyari, sauna və hovuza getmək, vanna qəbul etmək olmaz.

Həkimin məsləhətlərinə ciddi əməl etmək – toxumaların tez, tam və düzgün sağalması üçün əsas şərtdir. Pasientin bütün bərpa dövründə intizamı vaginoplastikanın nəticəsinin əsas təminatıdır. Xəstə reabilitasiyaya məsuliyyətli yanaşdıqda, əməliyyat estetik, funksional və seksual xarakterli bütün problemləri həll edir və ömürlük nəticə verir.

Əksgöstərişlər

Uşaqlığın daraldılması əməliyyatı sidik-cinsiyyət yollarının kəskin və xroniki xəstəliklərində, cinsi infeksiyalarda, hamiləlik və laktasiya dövründə, ağır psixi pozğunluqlarda aparılmır.

Əməliyyatın nəticəsini 2-2,5 aydan sonra görəcəksiniz: xoşagəlməz əlamətlər (sidikqaçırma) itəcək, intim yaxınlıq isə – əvvəlki həzzi qaytaracaq.

Bizim üstünlüklərimiz

  • Bu cür həssas məsələdə biz fərdi yanaşma və ciddi anonimliyə təminat veririk. Bütün suallarınıza geniş izahatla cavab verib, məhz sizin üçün yararlı korreksiya üsulu seçirik.
  • Biz bütün mürəkkəb əməliyyatları icra edirik. Vaginoplastika ilə paralel olaraq pasientin arzusu əsasında labioplastika (kiçik cinsiyyət dodaqlarının kiçildilməsi), klitorun plastikasını da icra edə bilərik.

Videomaterial

Uşaqlıq yolunun daraldılması barədə youtube kanalımızda yerləşdirilmiş videoçarxa baxın:

https://youtu.be/DsgrW-andDA

Bizim qiymətlərimiz

Aşağıdakı cədvəldə əməliyyatın təqribi qiyməti verilmişdir. Lakin, o, tez-tez dəyişdiyindən, xahiş edirik son qiyməti dəqiqləşdirmək üçün bizimlə əlaqə (050 890 57 00) saxlayasınız.

Xidmət Qiymət, AZN
Vaginoplastika  800

Əməliyyatın qiymətinə nə daxildir

Heç bir əlavə xərc tələb olunmur!

  1. Ginekoloq-cərrahın konsultasiyası
  2. Əməliyyat paketi — əməliyyatönü analiz və müayinələr
  3. Stasionarda qalma və yemək
  4. Müasir və təhlükəsiz anesteziya
  5. Əməliyyatdan sonra qəbul və sarğı.

Klinikanın vəziyyəti

Məqsədimin təkcə tibbi xidmət göstərmək deyil, həm də bunu yüksək səviyyədə etməkdir ki, bizdən razı qalasınız

  • Avropa səviyyəli komfortu olan stasionar
  • Yüksək və birinci koteqoriyalı tibb bacıları
  • Bir və iki yerlik palatlar pasientin vəziyyətinin daimi monitorinqi sistemi ilə təchiz olunmuşdur
  • Hər çarpayının yanında növətçi tibb bacısı postu ilə əlaqə düyməsi qurulmuşdur.

Çox verilən suallara cavablar

  1. Nə üçün siz "əvvəl və sonra" tipli şəkilləri qoymursunuz?
    Biz "əvvəl və sonra" tipli intim şəkilləri etik baxımdan saytda yerləşdirmirik. Lakin, maraqlananlar üçün həkim qəbulda bu cür şəkilləri göstərə bilər.
  2. İntim plastika cinsi əlaqəyə təsir göstərirmi?
    Bəli, göstərir, yaxşı tərəfə doğru. Cinsi həssaslıq artır, qadın üçün orqazm almaq asanlaşır.
  3. Doğuşdan nə qədər sonra vaginoplastika etmək olar?
    Toxunmaların tam sağalmasını gözləmək lazımdır. Bu, təxminən 8-9 ay çəkir.
  4. Vaginoplastikanın nəticəsi nə qədər qalır?
    Fərdi xüsusiyyətlərdən asılıdır. Çox vaxt ömürlük qalır. Lakin bəzən toxumalar yenidən boşalır.