Ovulyasiya kalkulyatoru

Ovulyasiya kalkulyatoru – ovulyasiya günlərinin təqvim üsulu ilə təyininə əsaslanır. Ovulyasiya günlərini nə üçün bilmək lazımdır? Bunu bilmək, hamilə qalmağa çalışan qadınlara lazım olduğu kimi, eyni zamanda hamilə qalmaq istəməyən qadınlara da vacibdir. Bu tarixi bilməyin bir neçə üsulu vardır. Onlardan biri də təqvim üsuludur.

Təqvim üsulu

Ovulyasiya adətən tsiklin ortasında baş verir, təqvim üsulu buna əsaslanır. Təxminən 28 günlük tsikli olan qadınlarda yumurtahüceyrənin çıxması 14-16-cı sutkalarda müşahidə olunur. Konkret tarixi daha dəqiq müəyyən etmək üçün yarım il ərzində abaşı qanaxmaların dəqiq qrafikini tərtib etmək lazımdır. Bu qrafikdə (təqvimdə) aybaşının başlanma və bitmə günlərini qeyd etmək lazındır. Daha sonra isə ən uzun və ən qısa tsikli müəyyən etmək lazımdır. Yumurtahüceyrənin ən tez çıxma vaxtını müəyyən etmək üçün ən qısa tsiklin davametmə muddətindən 18 gün çıxmaq, ən gec çıxma vaxtın təyini üçün isə, ən uzun tsiklin davametmə müddətindən 11 sutka çıxmaq lazımdır.

Nümunə: ən qısa menstrual tsikl 25 gün davam edir (25-18=7 – menstruasiya başladıqdan sonra 7-ci sutkada yumurtahüceyrənin çıxması başlaya bilər); ən uzun menstrual tsikl 31 gündən ibarətdir (31-11=20, 20-ci sutka ovulyasiyanın ən gec başlanma vaxtıdır). Belə nəticəyə gəlmək olar ki, mayalanma üçün uyğun günlər 7-ci sutkada başlayır və 20-ci sutkada bitir. Əgər tsikl stabildirsə, onda tarix daha dəqiq hesablanır.

Hesablamaları asanlaşdırmaq üçün, diqqətinizə bu məqsədlə xüsusi hazırlanmış hesablama kalkulyatorunu təqdim edirik:

Ovulyasiya kalkulyatoru

Sonuncu aybaşının ilk gününü, ən qısa və ən uzun aybaşı sikllərinin davam müddətini (gün sayı) daxil edin:

Hesabla

Nəzərə almaq lazımdır ki, təqvim vasitəsilə ovulyasiyanın təyini dəqiq deyil, nəzəri olaraq yalnız onun baş verə biləcəyi vaxt intervalını göstərir. Yumurtahüceyrənin çıxması həm də qadınlarda fərdi xüsusiyyət daşıyaraq, ya menstruasiya vaxtı, ya da aybaşı qanaxmalarından əvvəl baş verə bilər. Menstrual tsiklin pozğunluqları eyni zamanda müxtəlif səbəblərin təsiri altında mümkündür: dərman preparatlarının qəbulu, fiziki yük, yorğunluq, stress, qidalanma və sairə.

Buna görə də, hamilə qalmaq istəyən qadınlar kalkulyatorla alınmış vaxt intervalında ya xüsusi mayalanma testi etməlidirlər, ya da günaşırı USM-dən keçməlidirlər. Hamilə qalmaq üçün ovulyasiya baş verən gün cinsi əlaqədə olmalıdırlar. Cinsi əlaqə bir gündən sonra yenə də təkrarlanmaldır.

Ovulyasiya günlərinin təyini üsulları haqqında daha ətraflı məlumatı bu məqaləmizdən ala bilərsiniz.