Bizim məsləhətlərlə

Sağlam olun!

By accepting you will be accessing a service provided by a third-party external to https://doctorramila.az/

Uşağın cinsinin planlaşdırılması

FOTO: Uşağın cinsinin planlaşdırılması

Sağlam körpə — bu əsas deyilmi? Gələcək valideynlərin əksəriyyəti üçün bu yeganə əhəmiyyətli şeydir. Lakin, ailələrin çoxunun gizli istəkləri də var. Əsas da bir cinsdən çox uşağı olanların. Oğlan yoxsa qız? Buna təsir etmək istəyi insanlıq qədər qədmdir.

Təəccüblü deyil ki, bu istiqamətdə çox müxtəlif, bəzən gülməli nəzəriyyələr var. Son zamanlar onlara bir sıra ciddi tibbi yanaşmalar da əlavə olunub.

Uşağın cinsini hesablamaq olarmı?

Uşağın cinsin məqsədyönlü qidalanma ilə seçmək yeni fikir deyil. Əvvəllər qız istəyən analar tam ay çıxanda pəncərə qabağına şəkər, oğlan istəyəndə isə duz tökərmişlər. XX əsrin sonlarında metod bir qədər də mürəkkəbləşib. Hələ hamilə qalmazdan 2-3 ay qabaq qadın öz qida rejimini tam dəyişməlidir. Hesab edilir ki, əgər o oğlan arzulayırsa kalium və duzla zəngin olan qidalara (ət, kolbasa, balıq, çörək, kartof) üstünlük verməli, əksinə kalsium və mağnezium çox olan qidaları (süd və süd məhsulları, salat, şpinat) azaltmalıdır. Əgər qız istəyirsə, onda duzu az, maqnezium və kalsiumu bol olan qidalar yeməlidir.

Nə yeməli?

Düzdür, indiyə qədər qida rejimini dəyişməklə uşağın cinsini təyin etmək fikri yalnız heyvanlar üzərində aparılan eksperimentlərdə öz təsdiqini tapır. Amma hələ 80-ci illərin əvvəllərində bir qrup fransız alimi xəbər vermişdir ki, oğlan istəyən qadınların 78%-i öz istəklərinə çatmışdır, lakin onun nəticələrini elmi cəhətdən ciddi qəbul etmək üçün tədqiqatda iştirak edənlərin sayı az (cəmi 45 nəfər) olmuşdur. Eyni zamanda buna bənzər digər tədqiqatlarda olduğu kimi, bunda da kontrol qrupu olmamaışdır.

Bundan başqa duzla zəngin qida yuxarı təzyiqi olan qadınlar üçün təhlükəlidir. Həm də orqanizmin kalsiuma tələbatının gözlənilən hamiləliklə əlaqdar artacağı dövrdə onun miqdarını məhdudlaşdırmaq fikrini ağıllı saymaq olmaz.

Nəzəri baxımdan uğurlu metod, qadın və kişi xromosomu daşıyan spermatozoidləri bir-birindən ayıra bilən üsul ola bilər. Bu mümkündür, çünki, X (qız) və Y (oğlan) xromosomlu spermatozoidlər kütləsinə, hərəkətliliyinə və zülali quruluşuna görə bir-birindən fərqlənir.

Uşağın cinsini hesablamaq üçün təqvim və cədvəlllər

Uşağın cinsini proqnozlaşdırmaq cəhdləri çox uzun zmanlardan mövcuddur. Bu ən qədim sivilizasiyalarda daha geniş yayılçışdır. Məsələn, Cində. Hindistanda, Yaponiyada və s. Ən geniş istifadə edilən üsullardan biri də təqvimlər və cədvəllərdi. Bunların mahiyyəti ondn ibarətdir ki, müəyyən aylarda mayalanmaqla uşağın cinsini planlaşdırmaq olar. Ən çox istifadə olunan cədvəllərə Çin, Yapon və Rusiya təqvimləri aiddir. Belə təqvimlərdən biri məqalənin sonunda verilmişdir.

Yenilik...

Bir neçə il əvvəl insanların üzərində uğurla tətbiq olunan axar sitometriya üsulu — xüsusi maraq kəsb edir. Laboratoriyada mürəkkəb texniki proseduraların köməyilə X və Y xromosomlu spermatozoidlər flüoressasiyaedici boyalarla nişanlandıqdan sonra ayrılır.

Bu metodun problemi ondadır ki, bəzi hallarda genetik pozğunluqlar mümkündür. Bundan başqa, bu üsulla az spermatozoid yığmaq olur — təqribən bir neçə yüz, normada isə spermada 20-40 milyon spermatozoid olmalıdır. Bu miqdar isə yalnız bir yumurtahüceyrəni mikroinyeksiya üsulu ilə süni yolla mayalandırmağa çatır.

Hazırki dövrdə bu üsul yalnız tibbi göstərişlər əsasında (müəyyən cinslə əlaqədar irsi xəstəliklərin ötürülmə təhlükəsi olduqda) tətbiq edilir. Düzdür, xaricdə artıq bu və ya digər üsullarla uşağın cinsinin seçmə xidməti göstərən klinikalar mövcuddur. Lakin onlar təminat vermir. Pasientlər, əgər uşağın cinsi istədikləri alınmasa, abort elətdirməyəcəkləri haqda ərizə imzalayırlar. Həm də, bu, çox bahalı üsuldur.

Digər tərəfdən, məsələn Almaniyada, ailə planlaşdırılması məqsədilə spermatozoidlərin seçilməsi qanunla qadağan edilir. Etik nöqteyi nəzərdən sınaq şüşəsində mayalandırılmış yumurtahüceyrənin cinsinin seçildikdən sonra uşaqlığa yeridilməsi üsulları daha problemlidir. Belə üsullar da bəzi ölkələrdə qadağan edilib.

Uşağın cinsini planlaşdırmaq üçün yuxarıdakı cədvələ uyğun qurulmuş kalkulyatordan istifadə edə bilərsiniz:

uşağın cinsinin hesablanması çin təqvimi
Uşağın cinsinin planlaşdırılması
12

Həmçinin oxuyun:

 

Şərhlər

Hələ şərh yazılmayıb. Siz birinci ola bilərsiniz.
Qeydiyyatdan keçmisiniz? Sayta daxil ol
Qonaq
14.07.2020
Əgər bizim saytda qeydiyyatdan keçmək istəyirsinizsə, aşağıdakı formanı doldurun.

Ginekoloqa sual ver

Bizim qiymətlərimiz

Hamiləliyin hesablanması

Cinsin hesablanması

Populyar məqalələr

17 avqust 2017
Əgər aybaşı vaxtında gəlməyəndə qadın hamilə olduğunu dəqiq bilsəydi, hər şey əl...
625064 Baxış
16 aprel 2018
Normada aybaşı sikli 21 gündən 35 günə qədər davam edir. Hər bir qadın üçün bu m...
124390 Baxış
27 oktyabr 2017
Dərman abortu və ya dərmanla uşaqsalma – arzuolunmaz hamiləliyi erkən dövrlərdə ...
103691 Baxış

Son şərhlər

Qonaq - T Hamiləliyin erkən əlamətləri (VİDEO)
14 iyul 2020
Salam həkim mən səhər yuxudan dururam azca hərəkət edən kimi...

Son soruşulanlar

Boru kecmezliyi
Salam Hekim .bir defe hamileliyim olub 7il bundan once .Soradan olmayib.Hekim Bi...
3 cavab
Hamilelikde no-spa qəbulu
Salam hekim. Mən 8hefte 4gunluk hamileyem. Bugündən sol boyreyim agrimaga başlay...
1 cavab
Endometriya
Salam aybawi 1 ay gecikdikde endometriyanin qalinligi 18 mm olmasi normaldi?...
1 cavab

Konsultasiya üçün
qəbula yazılın

*Adınızı və telefon nömrənizi mütləq yazın

Qəbula yazıl

Əməliyyat uğurla başa çatdı. 20 dəqiqə müddətində sizinlə əlaqə saxlayacağıq.

Diqqət!

Saytda verilən məlumatlar yalnız informasion xarakter daşıyır. Özbaşına müalicə sizin sağlamlığınıza ziyan vura bilər! Hər bir məsələ barəsində öz müalicə həkiminizlə əlaqə saxlayın.