Bizim məsləhətlərlə

Sağlam olun

Doğuşdan sonra cinsi əlaqə haqqında 8 fakt

FOTO: Doğuşdan sonra cinsi əlaqə haqqında 8 fakt FOTO: Doğuşdan sonra cinsi əlaqə haqqında 8 fakt

Əksər cütlüklərdə doğuşdan sonra ilk cinsi əlaqə həyatlarındakı ən birinci intim münasibətə bənzəyir – təcrübəsiz və yöndəmsiz. Qadınların çoxsu doğuşdan sonra seks haqqında heç fikirləşmək belə istəmir və bu heç də həmişə həkimin tövsiyələrilə əlaqədar deyil. Çünki, intim həyata başlama fikri çoxlu suallar doğurur: hisslər əvvəlki kimi qalıbmı, ağrıyacaqmı, yenə hamilə qalarammı və s. Nəticədə kişilər inciyir, qadınlar isə özlərini tamamilə körpələrinə həsr edir.

Bu məqalədə biz doğuşdan sonra cinsi münasibətlər haqqında bəzi nüansları toplamışıq, hansı ki, kişilərə yeni ana olmuş qadınları başa düşməyə, qadınlara isə – intim həyata tezliklə qayıtmağa kömək edəcək.

Fakt 1. Əvvəllər bir qədər incidə bilər

Əksər qadınlar doğuşdan sonrakı ilk günlərdə intim əlaqə zamanı xoşagəlməz hisslər, hətta ağrı yaşaya bilər. Özü də, ağrıdan təkcə özü doğan qadınlar əziyyət çəkmir. Keysəriyyə əməliyyatı keçirmişlər də tez-tez belə problemlər yaşayır, baxmayaraq ki, əməliyyat vaxtı uşaqlıq yolu zədələnmir.

ABŞ mama-ginekoloqu Rebekka Butun fikrincə əsas məsələ zədədə deyil, doğuşdan sonra qadın orqanizmində gedən hormonal dəyişikliklərdədir. Belə ki, doğuşdan sonra qadın orqanizmində estrogenlərin səviyyəsi çox azalır və bütün südvermə dövründə bu səviyyədə qalır. Lakin, məhz bu hormon uşaqlıq yolu toxumalarının elastikliyinə cavabdehdir. Estrogenlərin aşağı səviyyəsi progestron və oksitosinin yüksək səviyyələri ilə birlikdə qadın orqanizmində menopauzaya bənzər əlamətlər – istilikgəlmələr, tərləmə, intim nahiyələrdə quruluq və xoşagəlməz hisslər törədir. Bu cür problemlər doğuşdan sonra 2-3 ay ərzində cavan ananı narahat edə bilər.

Adətən, doğuş fəsadsız keçmişsə, 6 həftədən sonra intim həyata qayıtmaq olar (amma ginekoloqla konsultasiyadan sonra). İlk vaxtlar uşaqlıq yolundakı xoşagəlməz hissləri azaltmaq gəlmək üçün lubrikantlardan istifadə etmək olar

Fakt 2. Siz seks istəmirsiniz – bu normaldır

Doğuşdan sonrakı ilk vaxtlar əksər cütlüklər cinsi həyat barədə heç fikirləşmir. Yuxusuzluq, tez-tez əmizdirmə, körpənin altının təmizlənməsi və s. əhvalı heç də qaldırmır. Bundan başqa, cavan analar tez-tez öz bədənlərindən utanır – hamiləlikdən sonra qarın hələ tam çəkilmir, artıq çəki və südlə dolu döşlər nəzəri cəlb edir. Hələ öz bədənlərinə öyrənməyən qadınlar, bu formada ərlərinin xoşlarına gəlmələrinə şübhə ilə yanaşırlar.

Əslində, təbiət özü doğuşdan sonra ilk vaxtlar cinsi əlaqəyə maneə yaradır. Məsələ burasındadır ki, südvermə zamanı qana çoxlu miqdarda oksitosin hormonu daxil olur. Onun köməyilə ana və körpə arasında əlaqə yaranır. Amma, bu, qadının partnyoruna qarşı cinsi meylini də azaldır. Bu mexanizm təbii kontrasepsiya rolunu oynayır: cinsi istəksizlik, doğuşdan sonra çox tez hamilə qalmağın qarşısını alır.

Diqqət! Uşağına süd verməyən qadınlar cinsi həyata daha tez qayıdır.

Fakt 3. Uşaqlıq yolu bir qədər dəyişə bilər

Qadınların çoxsu doğuşdan sonra cinsi əlaqə zamanı ərlərinin cinsi orqanının kiçildiyini hiss edir. Ancaq, əlbəttə məsələ kişilik deyil. Qadının yaşından və doğuşların sayından asılı olaraq, uşaqlıq yolu genələ bilər, hansı ki, əlaqə zamanı yaşanan hisslərə təsir edir. Mütəxəssislərin fikrinə görə, bu qrupa həmçinin keysəriyyə əməliyyatı keçirmiş qadınlar da daxildir, çünki, əzələlər hamiləlik hormonunun təsirindən genəlir.

Məsləhət! Əzələlərin tonusunu Kegel məşqləri və pilates artıra bilər – onlar çanağın dərinliyində yerləşmiş əzələləri məşq elətdirir.

Fakt 4. Cinsi əlaqə indi əvvəlkindən daha vacibdir

Mütəxəssislərin fikrinə görə doğuşdan sonra cinsi əlaqə hər iki partnyor üçün çox vacibdir. Əgər doğuşdan sonra intim həyat olmazsa, cütlüklər çox tez bir zamanda özlərini bir dam altında yaşayan qonşular kimi hiss edəcək. Bu isə öz növbəsində incikliklərə, mübahisələrə və hətta ayrılığa ən qısa yoldur. İntim münasibətlər cütlüyə sadəcə ata və ana deyil, həm də sevgili olduqlarını xatırladacaq. Əgər qadın cinsi həyata hələ hazır deyilsə, kişi onu tələsdirməməlidir. Yoldaşınıza başa salın ki, indi sizin üçün nəvaziş, öpüş, qucaqlama daha vacibdir. Sonra tədricən daha dərinliklərə getmək olar. Körpəni hərdən-bir baba-nənəsinin yanında qoyub, romantik görüş təşkil etmək də pis olmaz.

Fakt 5. Fürsəti buraxmamalı

Cavan valideynlər – məşğul insanlardı. Amma bu məşğuliyyətin arasında özünə vaxt ayırmaq da çətin deyil. Mütəxəssislər bundan ötrü hər bir fürsətdən maksimum istifadə etməyi məsləhət görür. Bu cür gözlənilməz yaxınlıq anları münasibətlərə pikantlıq qatır və çoxdan unudulmuş hissləri bərpa edə bilər.

Fakt 6. Gün işığında əlaqə

Səhərdən axşama qədər körpə və ev işləri ilə məşğul olduqdan sonra gənc ana özünü yatağına birtəhər çatdırır, cinsi yaxınlıq heç yadına belə düşmür. Məcburən kişi ilə yaxınlıqdan imtina etməli olur. Bu isə, zaman keçdikcə cütlüklər arasındakı münasibətləri zəiflədir. Belə hallarda vəziyyətdən yaxşı çıxış yolu – körpənin gündüz yuxusu vaxtı ola bilər. İstirahət günləri isə, uşağı nənələri gəzdirə bilər ki, nəhayət valideynlər özlərinə vaxt ayıra bilsin!

Fakt 7. Bu, siz fikirləşdiyinizdən yaxşı ola bilər

Doğuşdan sonrakı dövrdə cinsi münasibətlərdə olan çətinliklərə baxmayaraq, çoxları cinsi əlaqə zamanı əvvəlkindən daha yaxşı həzz aldıqlarını qeyd edir. Uşağın doğulması daha çox qadına təsir göstərir. Onda öz bədənini hiss etmək dəyişir və intim orqanlar nəvazişə daha həssas olur.

Diqqət! Ana olmuş əksər qadınlar əvvəlkindən daha güclü orqazm aldıqlarını qeyd edir.

Fakt 8. Siz yenə cinsi əlaqə ilə məşğul olmaq istəyəcəksiniz

Əgər uşaq doğulduqdan sonra qadın cinsi həyat yaşamaq istəməsə belə, zaman keçdikcə o buna qayıdacaq. Ola bilsin, bundan ötrü çox vaxt tələb olunsun. Amma, tezliklə körpəni sancılar narahat etməyəcək, səhərə qədər öz beşiyində sakit yatacaq və valideynləri yenə dostları ilə görüşə biləcəklər.

Bu yolu keçmiş qadınların fikrincə ən çətini birinci doğuşdan sonra olur. Və qeyd edək ki, uşağın çox olması seksin az olması demək deyil. Sadəcə hansısa anda başa düşürsən ki, uşaqlar doğulduqca intim yaxınlıq üçün ideal şərait tez-tez yaranmaya bilər. Buna görə də, əlverişli şərait və zaman düşən kimi, özünə və həyat yoldaşına həzz verməyi unutmayın.

Həmçinin oxuyun:

 

Ginekoloqa sual ver

Bizim qiymətlərimiz

Hamiləliyin hesablanması

Cinsin hesablanması

Populyar məqalələr

07 aprel 2022
Molyar hamiləlik və ya beçəxor — patoloji hamiləliyin bir növü olub, döl yumurtasının nadir rast gəl...
701 Baxış
22 may 2022
Doğuşa qədər inkişafın əsas əlamətlərindən biri uşağın tərpənişləridir. Spontan hərəkətlər artıq emb...
427 Baxış
04 may 2022
Qadınlarda ən təhlükəli xəstəlik – bədxassəli şişdir. Onun profilaktikası iki istiqamətdə aparılır: ...
316 Baxış

Konsultasiya üçün
qəbula yazılın

*Adınızı və telefon nömrənizi mütləq yazın

Qəbula yazıl

Əməliyyat uğurla başa çatdı. 20 dəqiqə müddətində sizinlə əlaqə saxlayacağıq.

Diqqət!

Saytda verilən məlumatlar yalnız informasion xarakter daşıyır. Özbaşına müalicə sizin sağlamlığınıza ziyan vura bilər! Hər bir məsələ barəsində öz müalicə həkiminizlə əlaqə saxlayın.