FOTO: TOT və TVT əməliyyatları

Slinq əməliyyatları — kiçik cərrahi müdaxilə olub, qadınlarda sidikqaçırmanın müxtəlif növlərinin müalicəsində tətbiq edilir. Üsulun mahiyyəti ondan ibarətdir ki, sidik kanalının orta hissəsinin altından xüsusi sintetik lent – slinq keçirilir, hansı ki, sidik kanalı ilə sidik kisəsi arasında normal bucağı bərpa edir.

Slinqin materialı

Slinqlərin hazırlanmasında allergik reaksiya və qopma verməyən bioloji uyğun sintetik materiallar istifadə edilir. Ən geniş yayılmışı materiallara aiddir:

• Polipropilen: möhkəm, uzunömürlü, infeksiyalara dözümlü, toxumalara yaxşı uyğunlaşır.
• Poliester: yüksək elastikliyə malikdir, hansı ki, pasienti narahat eləmir və eroziya yaranma riskini azaldır.
• Polivinilidenflüorid (PVDF): yüngül, yumşaq, yaxşı biouyğunluğu və aşağı fəsad riski olan materialdır.

Slinqin materialı pasientin fərdi xüsusiyyətlərindən, sidikqaçırmanın növündən və cərrahın təcrübəsindən asılı olaraq seçilir.

Slinq əməliyyatına göstəriş və əksgöstərişlər

Göstərişlər

• Stress və ya gərginlik sidikqaçırması (fiziki gərginlik, öskürək və ya asqıraq zamanı sidikqaçırma).
• Qarışıq sidik qaçırma (stress və urgent sidik saxlamazlığı).
• Çanaq dibinin bərpası əməliyyatından sonra yaranan sidikqaçırma.

Əksgöstərişlər

• Sidik-cinsiyyət yollarının kəskin infeksiyaları.
• Hamiləlik və südvermə.
• Ağır xroniki xəstəliklər (ürək-damar, onkoloji).
• Qanın laxtalanmasının pozulması.
• Slinq materiallarına uyğunsuzluq.

Slinq əməliyyatlarının növləri

Slinqin yerləşməsi və göstərişlərə görə slinq əməliyyatlarının bir neçə növü var:

• TVT (Tension-free Vaginal Tape): ən geniş yayılmış üsuldur, bu zaman slinq uşaqlıq yolundakı kiçik kəsikdən xüsusi alətlərin köməyilə qasıq bitişməsinin arxasından keçirilərək qarnın ön divarına çıxarılır və fiksə edilir.
• TOT (Transobturator Tape): TVT-dən onunla fərqlənir ki, lent qasıq kanalının arxasından deyil, çanaq sümüyündəki qapayıcı dəlikdən keçirilib budun dibinə çıxarılır, hansı ki, sidik kisəsinin zədələnmə riskini azaldır.
• Mini-slinq: TVT-nin sadə variantı olub, sidikqaçırmanın yüngül formalarında tətbiq olunur.

Əməliyyata hazırlıq və aparılması

Əməliyyatdan öncə pasient müayinələrdən keçir: qanın və sidiyin analizini verir, kiçik çanaq orqanlarının USM-i aparılır. Əməliyyat yerli və ya ümumi anesteziya altında aparılır və təxminən 30-60 dəqiqə davam edir.

Slinq əməliyyatlarının üstünlükləri

• Az invazivdir: kəsik kiçikdir, qanitirmə azdır, stasionarda qalma müddəti qısadır.
• Yüksək effektivlik: pasientlərin 90%-ə qədəri sidikqaçırmadan tamamilə xilas olduqlarını qeyd edir.
• Tez bərpa: qadınların əksəriyyəti adi həyata 1-2 həftə ərzində qayıdır.

Risklər və ağırlaşmalar

Bütün cərrahi müdaxilələr kimi slinq əməliyyatları da müəyyən risklər törədir:

• İnfeksiya: nadir rast gəlinir, amma antibakterial terapiya tələb edir.
• Orqanların zədələnməsi: əməliyyatın gedişində sidik kisəsi, bağırsaqlar, damarlar, sinirlərin zədələnməsi mümkündür.
• Slinqin eroziyası: lentin tədricən uşaqlıq yolu və ya sidik kanalı toxumalarına daxil olmasıdır, hansı ki, təkrar əməliyyat tələb edir.

Bərpa dövrü

Əməliyyatdan sonra fiziki aktivliyi azaltmaq, ağırlıq qaldırmamaq, gigiyena qaydalarına əməl etmək tövsiyə olunur. Həkim iltihabəleyhinə və ağrıkəsici preparatlar təyin edə bilər.

Alternativ müalicə üsulları

Bəzi hallarda sidikqaçırmanı konservativ üsullarla müalicə etmək olar: çanaq dibi əzələlərini məşq elətdirməklə (Kegel gimnastikası), dərman vasitələri və fizioterapiya ilə. Lakin bu üsulların effektsizliyi zamanı slinq əməliyyatları optimal seçim olur.

Həkim və klinikanın seçim əhəmiyyəti

Slinq əməliyyatının müvəffəqiyyətli keçməsi əsasən cərrahın təcrübə və biliklərindən, eləcə də klinikanın müasir avadanlıqlarla təchiz olunmasından asılıdır. Əməliyyat qərarı verməzdən öncə ən uyğun variantı seçmək üçün bəzən başqa ixtisaslı mütəxəssislərlə konsultasiya aparmaq lazım gəlir.

Tez-tez verilən suallar

• Slinq əməliyyatı kimə lazımdır? Sidikqaçırması olan qadınlara, əgər digər müalicə üsulları kömək etməzsə.

• Əməliyyatın effekti nə qədər qalır? Əksər hallarda effekt uzun müddət qalır, lakin bəzən təkrar əməliyyata ehtiyac yaranır.
• Slinq əməliyyatından sonra hamilə qalmaq olarmı? Bəli, əməliyyat hamilə qalmağa mane olmur.

Slinq əməliyyatları – sidikqaçırmanın ən müasir və effektiv üsuludur, hansı ki, qadınlara tez bir zamanda normal həyata qayıtmağa imkan verir.