Yeni tədqiqat göstərmişdir ki, böyük yaşlı insanların dörddə biri intim gigiyena vaxtı özlərini yaralayır.

Amerikan alimlər qrupunun məqaləsi JAMA Dermatology jurnalında dərc olunmuşdur.

Tədqiqatçılar 18-65 yaş arası 7 600 amerikalı arasında (təxminən 4 200 qadın və 3 400 kişi) genital nahiyənin gigiyenası ilə əlaqədar sorğu keçirmişlər. Rəyi soruşulanların 76%-i xəbər vermişdir ki, ömründə heç olmasa bir dəfə bu və ya digər üsullarla qasıq tüklərindən azad olmuşdur. Onların arasında qadınlar kişilərə nisbətən çoxluq təşkil edir. Özünü qırxanların əksəriyyəti bunu sərbəst etmişdir. İştirakçılar ən çox bu məqsədlə adi və ya elektrik ülgüclərindən istifadə etmişlər. Həmçinin qayçı, mum və lazer epilyasiyası tətbiq edilmişdir.

Respondentlərin 26%-i təmizləmə zamanı zədələndiklərini qeyd etmişlər. Ən çox rast gəlinən zədələnmələr — yaralar (61%), ikinci yerdə — yanıqlar (23%), üçüncü yerdə isə — dəri qıcıqlanması və səpgilər (12%) durur. Yaralananların 9%-ində infeksiya inkişaf etmişdir, 1,5%-inə isə tibbi yardım göstərilmişdir: 49 nəfər antibiotik qəbul etməli olmuşdur, 36 halda isə ya irin boşaldılmış ya da yaraya tikiş qoyulmuşdur.

Kişilər ən çox xayalıq nahiyəsini, ikinci yerdə – penisi, üçüncü yerdə isə – qasığı zədələmişlər. Qadınlarda birinci yerdə qasıq, ikinci yerdə – budun daxili səthi, üçüncü yerdə isə – vagina durur. Həm kişilərdə, həm də qadınlarda dərinin zədələnmə riski qırxma tezliyindən və qırxılacaq tüklərin miqdarından bilavasitə asılıdır.