İki bədənin məhəbbətlə birləşməsinin zirvəsində möcüzə baş verir – yeni həyat yaranır. Qadının cinsiyyət yollarına 3 milyondan çox spermatozoidi olan toxum mayesi tökülür. Spermanın qidalı maddələr saxlamaqdan başqa uşaqlıq yolunun turşuluğunu azaltmaq kimi unikal xüsusiyyəti var. Bu səbəbdən spermatozoidlər qadın orqanizmində 9 günə qədər sərbəst yaşayıb, yumurtahüceyrənin yetişməsini gözləyə bilir.

Eyni zamanda qadın orqanizmində də hər şey mayalanma üçün uyğunlaşıb: cinsi akt zamanı növbəti follikulun partlaması baş verə bilər (bu səbəbdən hamiləlik menstrual tsiklin istənilən vaxtı baş verə bilər). Yumurtalıqlar tərəfindən progestron sintezi artır, hansı ki, uşaqlığın selikli qişasını rüşeymi qəbul etməyə hazırlayır.

Yumurtahüceyrənin mayalanması uşaqlıq borusunda baş verir. Yetişmiş yumurtahüceyrəni çoxsaylı spermatozoidlər əhatə edir, hansı ki, onların hər biri onun daxilinə girməyə çalışır, lakin bu yalnız birinə qismət olur (nadir hallarda ikisi və ya üçü). Spermatozoidin başı yumurtahüceyrəyə daxil olur, quyruğu isə öz funksiyasını itirərək düşür. Bu an yumurtahüceyrənin səthi dəyişir və digər spermatozoidlərin daxil olmasını qoymur.

Məhz bu zaman əsl möcüzə – yeni həyatın yaranması – spermatozoid və yumurtahüceyrənin birləşməsindən əmələ gələn iki nüvəli bir hüceyrənin bölünməsi başlayır. 2-4-8-16-32-64 hüceyrəyə bölünərək rüşeym uşaqlığa tərəf hərəkət edir və mayalanmadan 11-12 gün sonra ora düşür.

Bu dövrdə rüşeym iki bərabər olmayan hissəyə bölünür: böyük, hansı ki, uşağın bədəni formlaşır və kiçik, hansı ki, cift (rüşeymin tənəffüs, qidalanma və ifrazat orqanı) yaranır. Döl yumurtasının bu hissəsi uşaqlığa birləşərək onun selikli qişalasına 3-4 sm-ə qədər daxil olur. Bəzi hüceyrələr selikli qişadan keçib uşaqlıq damarlarına çatır. Bu yolla cift damarları ananın damarları ilə əlaqələnir.

Qeyd etmək lazımdır ki, mayalanmanın qadın orqanizmi tərəfindən heç bir əlaməti olmur. Onun baş verməsini yalnız mayalanma testi ilə və ya aybaşının ləngiməsi zamanı bilmək olar.

Oğlan yoxsa qız?

Gələcək uşağın cinsi mayalanma vaxtı bəlli olur və yumurtahüceyrəyə hansı spermatozoidin – kişi və ya qadın tipinin daxil olmasından asılıdır. İki hüceyrənin birləşməsi zamanı rüşeymə genlər (müəyyən əlamətləri təyin edən) ötürülür: anadan yumurtahüceyrə ilə, atadan isə spermatozoidlə.

Bizdən tez-tez soruşurlar ki, gələcək uşağın cinsini planlaşdırmaq olarmı. Belə fikir var ki, əgər cinsi akt ovulyasiyaya qədər olarsa, qız olacaq, sonra olarsa – oğlan. Və ya, əgər hamiləlik vaxtı müəyyən qidalar yeməklə arzu olunan cinsli uşaq doğulacaq. Həqiqətdə isə uşağın cinsinin planlaşdırılması uydurmadır.

Uşağın cinsinin planlaşdırılması – çox çətin və bahalı prosesdir, "ev şəraitində" onu etmək mümkün deyil. Cinsi yalnız süni mayalanma etdikdə planlaşdırmaq olar, spermatozoidlərin elektron mikroskopiyası ilə və ya cinsi xromosomu təyin etməklə: X və ya Y. Qalan hallarda hər şey təsadüfidir.

Həmçinin yalnız oğlan və ya qız doğulmasında günahkar qadındır fikri də ağılsızlıqdır. Müasir təbabət artıq çoxdan sübut etmişdir ki, uşaqların cinsiyyətini yalnız kişi spermatozoidi təyin edir.

İrsiyyət qanunlarını ilk dəfə Qreqor Mendel hələ XIX əsrin sonlarında formalaşdırmışdır. Bitgilərdə, heyvanlarda və insanlarda irsiyyət daşıyıcıları xüsusi cisimciklər – xomosomlardı. Hər bir insan hüceyrəsində 46 xromosom var: 44 adi və 2 cinsi.

İnsanın xromosom sxemi:

Qadın = 44+XX;
Kişi = 44+XY.

Spermatozoid yumurtahüceyrəyə daxil olarkən vacib bölünmə baş verir, hansı ki, xromosomların yarısı atılır:

Yumurtahüceyrə 44+XX (bölündükdən sonra 22+X);
Spermatozoid 44+XY (bölündükdən sonra 22+X və ya 22+Y).

Mayalanma prosesi və cinsin təyin olunması belə olur:

Yumurtahüceyrə + Spermatozoid
 (22+X) + (22+X) = 44+XX(qız rüşeymi);
 (22+X) + (22+Y) = 44+XY(oğlan rüşeymi).

 Video

Mayalanma necə baş verməsini youtube kanalımızda yerləşdirilmiş aşağıdakı videoçarxda əyani görə bilərsiniz: