Hər gün 9:00-dan 16:00-dək
Bazar günü işləmirik

Bizim məsləhətlərlə

Sağlam olun

Tibbi və ya cərrahi abort – uşaqlığın qaşınması

FOTO: Tibbi (cərrahi) abort

Tibbi və ya cərrahi abort — arzuolunmaz hamiləliyin 6-8 həftəliyində pozulmasıdır. Bu əməliyyat o vaxt edilir ki, çox vaxt keçmiş olsun və hamiləliyi daha təhlükəsiz üsullarla – dərmanla və ya mini-abortla pozmaq mümkün olmasın.

Tibbi abortu adətən stasionar şəraitində, sertifikasiyadan keçmiş həkim edir. Əvvəlcə həkim xüsusi alətlərin köməyilə uşaqlıq boynunu genəldir. Sonra küretlə (ucunda ilgəyi olan bıçağa bənzəyir) döl yumurtasını uşaqlıq boşluğundan qaşıyır. Döl yumurtası ilə birlikdə cift və uşaqlığın selikli qişası da çıxarılır. Əgər əməliyyatın gedişində hətta kiçik qalıq qalarsa belə, fəsadlar ola bilər. Həkimin hazırlıq səviyyəsindən asılı olmayaraq, ağır fəsadlar təəssüf ki, tez-tez rast gəlinir.

Tibbi abortun çatışmazlıqları

  • əməliyyat ümumi narkoz altında aparılır, hansı ki, ürəyə və bütün orqanizmə mənfi təsir göstərir;
  • uşaqlıq boynunun genəldilməsi onun əzələ aparatının zədələnməsinə və sonrakı hamiləliklərdə düşüklərə səbəb olur;
  • qaşınma "kor-koranə" aparılır, ona görə də uşaqlıq divarlarının zədələnmə riski çox yuxarıdır;
  • qadının bütün orqanizmi üçün ağır nəticələr verir;
  • tibbi abortdan sonrakı fəsadlar tez-tez sonsuzluqla nəticələnir.

Tibbi aborta hazırlıq

İlk öncə qadın ginekoloqa müraciət etməlidir ki, hamiləliyin olması təyin edilsin. Ola bilər ki, aybaşının ləngiməsi yumurtalıq funksiyalarının pozulması ilə əlaqədardır. Hamiləliyin olması xüsusi ekspres-testlə və ya USM-lə (vaginal qəbuledicilə) təyin edilir. Həkim dəqiq bilməlidir ki, uşaqlıqdankənar hamiləlik yoxdur!

Sonra həkim xüsusi analizlər (qanın sifilisə, SPİD-ə görə analizləri, uşaqlıq yolundan və uretradan ginekoloji yaxma) təyin edir. Bundan başqa, qanda hemoqlobin və leykositlər təyin olunmalıdır. Həmçinin yaxşı olar ki, ginekoloji USM keçilsin.

DİQQƏT!!!
Əgər birinci hamiləlikdirsə, əvvəlcədən qan qrupu və rezus-faktor təyin olunmalıdır.

Əgər hər şey normal olarsa, ginekoloq sizi tibbi aborta gondərir. Bizim ölkədə bu göndərişlə dövlət xəstəxanalarında pulsuz abort elətdirmək olar. Bundan başqa, özəl klinikaların əksəriyyətində bu xidmət göstərilir.

DİQQƏT!!!
Əgər siz hamiləliyi pozmaq üçün özəl klinikaya müraciət edirsinizsə, onda klinikanın stasionar və reanimasiya şöbələrinin olmasına əmin olmalısınız. Çünki problem yarananda sizə kömək edə bilsinlər.

Abortariyada abortu edəcək həkim qadını əlavə müayinə edir və analizlərilə tanış olur. O, həmçinin sonuncu menstruasiyaya görə hamiləliyin müddətini təyin edir və xüsusi tibbi kartanı doldurur. Qadın mümkün ola biləcək fəsadlar barədə məlumatlandırılır və ondan əməliyyata yazılı razılıq alınır.

Sonra qadınla anestezioloq söhbət edir və əvvəl aldığı narkozlar barədə maraqlanır. Anesteziyanın aparılmasına yazılı razılıq alır. Yalnız belə hazırlıq mərhələsindən sonra əməliyyata başlanılır.

DİQQƏT!!!
Sadalanan bu məsələlər həll olunmadan abort etmək olmaz! Əgər sizinlə belə hazırlıq tədbirləri aparılmırsa, onda o həkimdən ürəklə ayrılmaq olar!

Tibbi (cərrahi) abortdan sonra

Tibbi abortdan sonra mütləq USM və ya histeroskopiya aparmaq lazımdır ki, abortun tam aparılması təsdiqlənsin. Əgər abort yaxşı aparılmışdırsa, onda qadını əməliyyatxanadan palataya köçürürlər. Qanaxmanın profilaktikası məqsədilə qarına buz qoyulur. Əməliyyatdan sonra 3-4 saat ərzində qadın həkimlərin nəzarəti altında qalmalıdır. Problem yoxdursa, yoxlandıqdan sonra evə yazılır.

DİQQƏT!!!
Əgər abortdan sonra kontrol USM aparılarsa, siz, bir çox fəsadlardan qorunmuş olarsınız. Bundan başqa həkimlərdən mütləq birdəfəlik alətlərlə işləməyi tələb edin.

Qadınların çoxsunda tibbi abortdan 2-3 gün sonra aybaşı qanına bənzər ifrazat gələ bilər, lakin bu menstruasiya deyil, orqanizmin abortdan sonrakı hormonal dəyişikliklərə özünəməxsus reaksiyasıdır.

DİQQƏT!!!
Əgər abortdan sonra qarnın aşağısında ağrı və cinsiyyət yolundan qanlı ifrazat olarsa, mütləq həkimə müraciət edin. Bu, uşaqlıqda qalıq qalmasına işarə ola bilər.

Əməliyytdan iki həftə sonra yoxlanmaq üçün mütləq ginekoloqun qəbuluna gəlmək lazımdır. O, abortun orqanizmə vurduğu "zərəri" təyin edib, xüsusi bərpaedici müalicə təyin edəcək. Bundan başqa, qadın abortdan sonra özünü qorumaq üçün xüsusi tədbirlərə əməl etməlidir.

Bizim qiymətlərimizlə tanış olun.

Həmçinin oxuyun:

 

Ginekoloqa sual ver

Bizim qiymətlərimiz

Hamiləliyin hesablanması

Cinsin hesablanması

Konsultasiya üçün
qəbula yazılın

*Adınızı və telefon nömrənizi mütləq yazın

Qəbula yazıl

Əməliyyat uğurla başa çatdı. 20 dəqiqə müddətində sizinlə əlaqə saxlayacağıq.

Diqqət!

Saytda verilən məlumatlar yalnız informasion xarakter daşıyır. Özbaşına müalicə sizin sağlamlığınıza ziyan vura bilər! Hər bir məsələ barəsində öz müalicə həkiminizlə əlaqə saxlayın.