Sağlam olun!

Bizim məsləhətlərlə

Mastopatiya haqqında qısa məlumat

FOTO: Mastopatiya haqqında qısa məlumat

Mastopatiya (fibroz-kistoz xəstəlik) – süd vəzilərin dishormonal xəstəliyidir ki, bu zaman onun birləşdirici və vəzli toxumaları böyüyərək bərkləşmə və müxtəlif ölçülü kistlər yaradır.

Ümumi məlumat

Bu xəstəliyi süd vəzin xoşxassəli şişi olan fibroadenomadan fərqləndirmk lazımdır. Onlar çox müxtəlif xəstəliklərdi.

Mastopatiya əsasən 30-50 yaşlarda rast gəlinir. Postmenopauzada olan və hormonal terapiya almayan qadınlar üçün bu xəstəlik xarakterik deyil.

Kliniki baxımdan mastopatiya şərti olaraq iki qrupa bölnür – düyünlü və diffuz. Düyünlü mastopatiyada süd vəzilərində düyünlər təyin olunur, diffuz formada isə aydın heç bir törəmə aşkar olunmur.

Mastopatiyanın inkişaf səbəbləri

Hesab edilir ki, mastopatiyanın əsas səbəbi hormonal fonun pozulmasıdır, hansı ki, təkcə yumurtalıq xəstəliklərində deyil, həm də qalxanvari vəz, qaraciyər və ümumiyyətlə qadın cinsi hormonlarının metabolizmində iştirak edən digər orqanların xəstəliklərində də rast gəlinə bilər. Çox vaxt mastopatiyanın səbəbini tapmaq mümkün olmur.

Mastopatiyanın əlamətləri

Mastopatiya qadına uzun müddət heç bir narahatçılıq verməyə bilər.

Amma əksər hallarda qadın həkimə aşağıdakı şikayətlərlə gəlir:

  • süd vəzilərində ağrı (daimi və ya menstrual siklə uyğun təkrarlanan);
  • süd vəzilərində bərkimə və düyünlərin (adətən onların da ölçüləri menstrual siklə uyğun dəyişir) olması.

Diaqnostika

Diaqnoz kliniki müayinələrə (ginekoloqun, mammoloqun, bəzi hallarda onkoloqun baxışı), süd vəzilərin USM-inə, mammoqrafiyaya, hormonal profilin təyininə (estrogenlərin, progestronun, prolaktinin səviyyəsi) əsaslanır.

Bəzi hallarda sitoloji müayinə üçün süd vəzi toxumasından biopsiya götürülə bilər.

Mikroskopik müayinədə xəstəliyin proliferativ (hüceyrələrin intensiv bölünməsi ilə) və qeyri-proliferativ formaları (hüceyrələr intensiv bölünmür) ayırd edilir. Proliferativ forma daha çox diqqət tələb edir, belə ki, adətən onları süd vəzin bəd xassəli şişləri ilə əlaqələndirirlər.

Siz nə edə bilərsiniz

Mastopatiyanın geniş yayılmasını nəzərə alaraq hər bir qadın onun əlamətlərini bilməli və öz döşlərini müayinə etməyi bacarmalıdır. Heç olmasa ayda bir dəfə onları diqqətlə müayinə etmək lazımdır.

Əgər şübhəli dəyişikliklər tapılarsa, onda tezliklə həkimə müraciət etmək lazımdır. Hazırda satışda mastopatiyanın müalicəsi üçün çoxsaylı qida əlavələri və homeopatik vasitələr var. Onlardan bəzilərinin həqiqətən effekti var. Ancaq özünümüalicə ilə məşğul olmaq alqışlanmır. Çünki mastopatiyanın müalicəsinə başlamazdan öncə, süd vəzi xərçəngini və digər ağır xəstəlikləri inkar etmək lazımdır.

Həkim necə kömək edəcək

Mastopatiyanın müalicəsi onun səbəblərindən asılıdır. Əgər müayinə vaxtı endokrin fonun dəyişilməsi aşkar olunarsa, müalicə taktikası hormonların səviyyəsinin korreksiyasına və endokrin xəstəliklərin müalicəsinə əsaslanır.

Eyni zamanda vitaminoterapiya, homeopatik vasitələr və fitopreparatlar, yüngül sidikqovucular (süd vəzlərində menstruasiyadan bir qədər qabaq yaranan ödemi azaldır) təyin oluna bilət. Şokaladın, kofe və çayın qəbulunu azaltmaq tövsiyyə olunur.

 

Şərhlər

Hələ şərh yazılmayıb. Siz birinci ola bilərsiniz.
Qeydiyyatdan keçmisiniz? Sayta daxil ol
Qonaq
16.12.2018

Online Konsultasiya

Bizim qiymətlərimiz

Populyar məqalələr

13 avqust 2018
Materialda Dr. Ramilə Abbaszadənin qadınlarda sidikqaçırma problemi haqqında www...
27048 Baxış
17 avqust 2017
Əgər aybaşı gecikməsinin səhəri günü qadın hamilə olduğunu dəqiq bilsəydi, hər ş...
16961 Baxış
01 noyabr 2017
Mini-abort və ya vakuum-aspirasiya – döl yumurtasını xüsusi vakuum sovurucusu il...
15427 Baxış

Son şərhlər

Ramilə Abbaszadə Ovulyasiya günlərinin təyini üsulları
13 dekabr 2018
Salam. Ondan ötrü aybaşı siklinin davam müddətini bilmək laz...
Qonaq - nezrin Ovulyasiya günlərinin təyini üsulları
12 dekabr 2018
Salam.Mən bu ayın 3-ü aybaşı olmuşam və ayın 9-u bitib indi ...
Ramilə Abbaszadə Hamiləliyin erkən əlamətləri
08 dekabr 2018
Salam. Xeyir, mayalanmanın belə əlamətləri yoxdur.

Son soruşulanlar

Usaqliq sallanmasib
Salam hekim. Menim 3 ay qisa fasilelerle agrilarim olur. İlk aylarda sidiye gede...
0 cavab
Uşaqlıq yolunun ölçüsü
Hekim salam, sualim bir az gulmeli olsada bu cavab ailem ucun maraqlidi, bilmek ...
1 cavab
Miometrit
salam.Mənim USM analizimde usaqligin ön divarında avaskulyar konturları deqiq iz...
1 cavab

Konsultasiya üçün
qəbula yazılın

Qəbula yazıl

*Adınızı və telefon nömrənizi mütləq yazın

Qəbula yazıl

Əməliyyat uğurla başa çatdı. 20 dəqiqə müddətində sizinlə əlaqə saxlayacağıq.

Diqqət!

Saytda verilən məlumatlar yalnız informasion xarakter daşıyır. Özbaşına müalicə sizin sağlamlığınıza ziyan vura bilər! Hər bir məsələ barədə öz müalicə həkiminizlə əlaqə saxlayın.

Bizim yerimiz