Uşaqlıq yolunun lazerlə daraldılması — heç bir cərrahi əməliyyat aparılmadan uşaqlıq yolu divarlarının elastikliyinin artırılması prosedurudur.
Lazer uşaqlıq yolu divarlarına təsir edir. Onun təsiri altında toxumalar qızır, selikli qişa və onun altındakı strukturlar qalınlaşır.
İstifadə olunan lazerin müxtəlif növləri var:
- neodim lazeri;
- erbiy lazeri;
- CO2 lazeri.
Ən yaxşısı sonuncudur. CO2 lazeri toxumaların ən optimal dərinliyinə yayılır, nəticədə onların cavanlaşması və tonusunun yaxşılaşması prosesi digər alternativ üsullara nisbətən daha effektiv və tez baş verir. Bizim klinikada CO2 fraksion lazer cihazı istifadə edilir.
Uşaqlıq yolunun lazerlə daraldılmasına göstərişlər
Prosedur həm doğmuş, həm də doğmamış qadınlarda aparıla bilər. İntim cavanlaşma proseduruna əsas göstərişlər aşağıdakılardır:
- selikli qişanın quruluğu;
- gərginlik sidikqaçırması;
- doğuşun nəticələri — toxumaların boşalması, çapıqlar və s.;
- klitorun ətrafında artıq dəri;
- anorqazmiya və libidonun azalması;
- uşaqlıq yolu divarlarının sallanması və atrofiyası;
- vulva nahiyəsində dərinin qaralması.
Uşaqlıq yolunun lazerlə daraldılmasına hazırlıq
Prosedurdan bilavasitə əvvəl konsultasiya aparılır. Həkim baxış zamanı istənilən nəticəni almaq üçün təqribən neçə seans lazım gəldiyini təyin edir. Bir sıra diaqnostik müayinələr – floraya görə uşaqlıq yolundan yaxma götürülür və kiçik çanaq orqanlarının USM-i aparılır.
Uşaqlıq yolunun lazerlə daraldılması necə aparılır
Prosedur ginekoloji kresloda aparılır, pasientə heç bir ağrı və narahatçılıq vermir. Prosedur zamanı toxumalarda kəsik aparılmır. Həkim göstərişə görə cihazın güc parametrlərini seçdikdən sonra, lazerin xüsusi ginekoloji ucluğunu uşaqlıq yoluna yeridir. Prosedurun davam müddəti orta hesabla 1 saatdır.
Uşaqlıq yolunun daraldılması bir neçə kursda həyata keçirilir. Seansların sayı uşaqlıq yolunun atrofiya dərəcəsindən asılıdır. Əksər hallarda 1-4 seans kifayət edir. Prosedurlar 1 aylıq fasilə ilə aparılır. Alınmış nəticəni saxlamaq üçün lazer terapiyanı təkrarlamaq məsləhət görülür.
Lazerlə daraltmadan sonra bərpa dövrü
Prosedur stasionarda qalmağı tələb eləmir. Pasientlər müalicə qurtardıqdan sonra evə göndərilir. Bərpa dövrü qısadır və 10 gün ərzində cinsi həyat yaşamaq olmaz. Bu dövr ərzində həmçinin saunaya, hamam və hovuza getmək olmaz. İntim gigiyena qaydalarına əməl etmək lazımdır.
Lazerlə daraltmadan sonra mümkün fəsadlar
Qarnın aşağısında aybaşı ağrılarına bənzər ağrılar normal hesab edilir. Onları azaltmaq üçün ağrıkəsici preparatlar qəbul etmək olar. Diskomfort 2 gün ərzində keçir. Prosedurdan sonra sulu və azqanlı axıntı ola bilər, hansı ki, 10 gün çəkə bilər. Növbəti aybaşı daha gur və vaxtından əvvəl başlaya bilər.
Uşaqlıq yolunun lazerlə daraldılmasına əksgöstərişlər
- hamiləlik və südvermə;
- ginekoloji xəstəliklər;
- uşaqlıq boynunun törəməsi;
- onkoloji xəstəliklər;
- erkən zahılıq dövrü;
- cinsi yolla ötürülən infeksiyalar.
Prosedura heç bir yaş məhdudiyyəti yoxdur. Pasientin istəyi ilə həm cavan yaşlarda, həm də 60 yaşında aparıla bilər.
Uşaqlıq yolunun lazerlə daraldılmasında ağrısızlaşdırma üsulu
Prosedur narkoz tələb eləmir və yerli infiltrasion anesteziya altında aparılır.
Uşaqlıq yolunun lazerlə daraldılması ilə eyni vaxtda aparılması mümkün olan prosedurlar
Maksimal estetik nəticəyə çatmaq üçün proseduru intim ağartma və foto- və lazerepilyasiyası ilə eyni vaxtda aparmaq məqsədəuyğundur.
Lazerlə uşaqlıq yolunun daraldılmasının effekti
Prosedurdan sonra uşaqlıq yolu dar və daha həssas olur. Selikli qişa mikrotravmalara daha davamlı və bərk olur, divarlar elastikləşir və cavanlaşır. Prosedurdan sonra uşaqlıq yolunda seliyin ifrazı artır, quruluq və qaşınma hissi itir. Lazer təkcə uşaqlıq yolu divarının atrofiyasını korreksiya etmir, həm də sidikqaçırma kimi delikat problemi həll edir.
Qeyd etmək lazımdır ki, prosedurdan sonra çapıq əmələ gəlmir və uşaq doğumuna mane olmur. Alınmış nəticə 2 ilə qədər qalır.
