Araşdırmalara görə qadınlar başağrısından kişilərə nisbətən daha çox əziyyət çəkir. Menstrual miqrendə başağrısı aybaşı qanaxmasından ya 2 gün əvvəl, ya da aybaşının ilk 3 günü ərzində başlayır və heç olmasa üç tsikl ərzində müşahidə olunur.
Qadın orqanizmində hər ay hamiləliyə hazırlıqla əlaqədar dəyişikliklər gedir: ovulyasiya baş verir – yetişmiş yumurtahüceyrə yumurtalıqdan çıxır, uşaqlığın selikli qişası implantasiyaya hazırlaşır. Əgər mayalanma getməzsə, uşaqlığın daxili selikli qişası qopub düşür, menstruasiya baş verir və bundan sonra yumurtalıqlarda yeni yumurtahüceyrə yetişməyə başlayır. Qısa menstrual tsikl orqanizmdə gedən hormonal pozğunluqlarla əlaqədar olub, hamilə qalmaqla bağlı çətinliklər yarada bilər.
Normada aybaşı tsikli 21 gündən 35 günə qədər davam edir. Hər bir qadın üçün bu müddət fərqlidir, lakin əksər qadınlarda aybaşı intervalı sabit və ya 5 gündən çox olmur. Menstrual tsiklin qeyri-düzgünlüyünü vaxtında bilmək üçün, aybaşı qanaxmasının başlanğıcı həmişə menstrual təqvimdə qeyd edilməlidir.
Aybaşı pozğunluqları, demək olar ki, ginekoloqa müraciətlərin əsas səbəbidir. Üstəlik, bu problemlərlə reproduktiv yaşlarda olan bütün qadınlar qarşılaşa bilər.
Ginekoloji xəstəliklər qadınların böyük əksəriyyətində rast gəlinir. Onun əlamətləri xəstəliyin xarakter və səbəbindən bilavasitə asılıdır. Xəstəliklərin əlamətləri sizi mütləq narahat edib həkimə müraciət elətdirməlidir, çünki vaxtında aparılan müalicədən sizin sonrakı intim həyatınız, reproduktiv (çoxalma) funksiya və orqanizmin ümumi vəziyyəti asılıdır. Bu məqalədə biz sizə ginekoloji xəstəliklərin əlamətləri haqqında məlumat verəcəyik.
Yeniyetmə qızlarda cinsi inkişafın başlamasından ilk menstruasiyaya qədər bir neçə il vaxt keçir. Belə ki, menstrual tsiklin formalaşması uzunmüddətli prosesdir, hansına ki, çoxsaylı xarici amillər təsir göstərir. Amma davametmə müddəti və requlyarlığının dəyişməsi, heç də həmişə bu prosesin pozulmasından xəbər vermir.
Cinsi inkişaf və ya pubertat dövrü, qızlarda 8-13 yaşlarda (plyus-minus 1 il) başlayır. İlk menstruasiya adətən bundan 2 il sonra görünür.
Menopauza – hər bir sağlam qadının həyatında bir mərhələ olub, onun cinsiyyət sisteminin aktivliyinin yaşla əlaqədar tədricən azalması ilə xarakterizə olunur.
Bəzi qadınlarda bu zaman sinir sisteminin, daxili orqanların, maddələr mübadiləsinin pozulması olur – klimakterik sindrom inkişaf edir.
Menstruasiya (aybaşı) – hər bir qadın orqanizmi üçün çox vacib prosesdir. Bu barədə məlumatsızlıq, adətən, bizi boş şeylərdən ötrü narahat olmağa və ya ciddi problemlərə fikir verməməyə səbəb olur. Bu məqalədə biz "kritik günlərlə" bağlı bütün suallara cavab verməyə çalışıcağıq.
Qanda prolaktin hormonunun konsentrasiyasının yüksək olmasına – hiperprolaktinemiya deyilir. Hiperprolaktinemiya sindromu isə – uzun müddət prolaktinin yüksək səviyyəsi fonunda ortaya çıxan simptomlar kompleksidir və əsasən cinsiyyət sisteminin funksiyalarının pozulması ilə özünü göstərir.
Ağrılı aybaşı səbəbindən tibb müəssisələrinə müraciət edən pasientlərin yarısından çoxsunda dismenoreya aşkarlanır. Bu nədir? Dismenoreyanın (sinonimləri: alqomenoreya, ağrılı menstruasiya) yunan dilindən hərfi tərcüməsi "çətinləşmiş aybaşı qanaxması" deməkdir. Bu xəstəlik qadınlarda menstruasiya dövründə rast gəlinən bütün xoşagəlməz hissləri əhatə edir. Adətən bayılmaya meylli, vegetativ distoniyası olan, arıq insanlarda rast gəlinir.
Menarxe ilk aybaşı dövrünə deyilir. O, qızın tam inkişaf etməsinin əsas göstəricilərindən biridir. Normada menstruasiyanın başlama vaxtı çox dəyişkəndir. Əksər qızlarda bu 12-13 yaşlarda baş verir, amma daha erkən (10-11) və ya gec yaşlarda (14-15) başlaması da, həmişə normadan kənaraçıxma sayılmır.
Cavan analara həmişə doğuşdan sonra aybaşının nə vaxt başlayacağı maraqlıdır. Bərpa dövründə tsiklin davam müddəti, xarakter və intensivliyi dəyişir, hamiləlikdən əvvəlkinə nisbətən daha çox və ya daha az ağrılı ola bilir. Bu normaldır. Amma, bəzi hallarda ginekoloqun konsultasiyası tələb olunur.
Aybaşı qanaxmasının həcmi və davam müddəti orqanizmin fərdi xüsusiyyətlərilə əlaqədardır. Lakin, bütün qadınlar üçün normal menstruasiyanın əsas göstəriciləri bunlardır: davam müddəti 3-5 gün, ağrısız və ya çox az ağrılı, gündəlik itirilən qanın həcmi 50-100 ml-dən çox olmamalıdır.
Predmenstrual sindrom (PMS) – menstruasiyadan bir neçə gün əvvəl (2-10 gün) başlayan və onun ilk günlərində itən əlamətlər kompleksidir. Siklin başqa günləri PMS simptomları olmur. Bu sindromda sinir-psixi, vegetativ-damar və mübadilə pozğunluqları baş verir. Praktik olaraq hər bir qadın bütün həyatı boyu heç olmasa bir dəfə PMS əlamətləri ilə qarşılaşmış olur. Lakin PMS hər on qadından birində ağır keçir.
Cinsi yetişmə, qızlarda qadın fenotipinə uyğun ikincili cinsi əlamətlərin əmələ gəldiyi, keçid dövrüdür. Yetişmə prosesi sinir və endokrin sistemlər tərəfindən idarə olunur. Lakin bəzən müxtəlif xarici və daxili amillərin təsiri nəticəsində, cinsi inkişafın ləngiməsi sindromu inkişaf edir. Bu patologiyanın səbəblərini vaxtında aşkarlamaq, korreksiyasına isə mümkün qədər tez başlamaq lazımdır ki, orqanizm öz həqiqi yaşına vaxtında çatsın.
Ovulyasiya kalkulyatoru – ovulyasiya günlərinin təqvim üsulu ilə təyininə əsaslanır. Ovulyasiya günlərini nə üçün bilmək lazımdır? Bunu bilmək, hamilə qalmağa çalışan qadınlara lazım olduğu kimi, eyni zamanda hamilə qalmaq istəməyən qadınlara da vacibdir. Bu tarixi bilməyin bir neçə üsulu vardır. Onlardan biri də təqvim üsuludur.
Menstrual tsiklin mürəkkəb mexanizmini başa düşmək üçün, prosesi əvvəlindən izləmək lazımdır. Müəyyən vaxtda (hər qızın öz vaxtında) baş beyində yerləşən kiçik vəz – hipofiz özünün ilk hormonal siqnalını göndərir. Qan hipofizin hormonunu bütün orqanizmə yayır, amma onların təsirinə ən həssas üzvlər yumurtalıqlardı, hansı ki, onlar da öz növbəsində xüsusi hormonlar hazırlamağa başlayırlar.
Menstruasiya dövründə cinsiyyət üzvlərinin gigiyenasına xüsusi diqqət yetirilməlidir. Düşünürəm ki, xarici cinsiyyət orqanların requlyar yuyulması və alt paltarının dəyişdirilməsinin vacibliyini xatırlatmağa ehtiyac yoxdur. Mən, burada yalnız gigiyenik vasitələrin seçimi barədə məsləhətlərimi vermək istəyirəm.
Əməliyyat uğurla başa çatdı. 20 dəqiqə müddətində sizinlə əlaqə saxlayacağıq.
Saytda verilən məlumatlar yalnız informasion xarakter daşıyır. Özbaşına müalicə sizin sağlamlığınıza ziyan vura bilər! Hər bir məsələ barəsində öz müalicə həkiminizlə əlaqə saxlayın.
