Hər gün 9:00-dan 16:00-dək
Bazar günü işləmirik

Bizim məsləhətlərlə

Sağlam olun

Anorqazmiya – cinsi boşalmanın olmamasıdır!

FOTO:Anorqazmiya – cinsi boşalmanın olmamasıdır! FOTO:Anorqazmiya – cinsi boşalmanın olmamasıdır!

Orqazm – intim əlaqə və ya masturbasiyanın sonunda əmələ gələn, seksual oyanmanın zirvəsində olan boşalmadır. Orqazmı hiss etməmək – anorqazmiya adlanır. Bu problem adətən qadınlarda rast gəlinir. Qadın anorqazmiyasının müxtəlif səbəbləri var, amma onlar bir qayda olaraq ginekoloji deyil, psixoloji xarakter daşıyır.

Frigidlik və anorqazmiyanın fərqi nədədir?

"Frigidlik" termini məişətdə daha çox istifadə olunur və qadınlığın tam olmaması kimi başa düşülür. Belə ittihamı qadın partnyorundan cinsi akta zəif təşəbbüs göstərdikdə və ya onunla birlikdə emosional "partlayış" yaşaya bilmədikdə, eşidə bilər. Gündəlik danışıqda "anorqazmiya" demək olar ki heç istifadə olunmur.

Tibbi nöqteyi-nəzərdən bu vəziyyətlər heç də eyni deyil. Frigidlik – cinsi soyuqluq, seksual əlaqəyə tələbatın olmaması və bəzən hətta belə şeylərə tam laqeydlikdir. Qadın toxunma zamanı xarakter cinsi oyanıqlıq hiss etmir, cinsi əlaqədən imtina edir və ya ona yalnız kişiyə görə razılıq verir. Anorqazmiya frigid qadınlarda nadir hallarda rast gəlinir, amma onların bəziləri yaxın adamla əlaqədə olmaqdan mənəvi zövq alır.

Cinsi meylin tam olmaması və ya seksə nifrət hissindən adətən o qadınlar əziyyət çəkir ki, uşaq vaxtı ciddi asketik şəraitdə tərbiyə almış olsun, zorlamaya məruz qalsın və ya psixo-nevroloji pozğunluqlardan əziyyət çəkir.

Belə qadınlar müalicəyə o vaxt razılaşır ki, cinsi soyuqluq artıq ailə münasibətlərinin pozulmasına səbəb olur. Frigidlikdən can qurtarmaq çətin məsələdir, müalicə uzun müddət çəkir və az effektivdir.

Frigidlik haqqında daha ətraflı bizim başqa məqaləmizdə oxuya bilərsiniz.

Anorqazmiya zamanı müxtəlif stimulyatorların təsirindən cinsi oyanıqlıq baş verir. Lakin, cinsi əlaqə zamanı qadının keçirtdiyi xoş hisslər final boşalma ilə başa çatmır və nəticədə arzuolunan məmnuniyyəti gətirmir.

Anorqazmiya orqanizmdə müəyyən patologiyanın olması kimi birmənalı qiymətləndirilə bilməz.

Anorqazmiyanın səbəbləri

Anorqazmiyanın bütün mümkün səbəblərini fizioloji və psixoloji olmaqla iki qrupa bölürlər. Birinci qrupa cinsiyyət orqanlarının inkişaf anomaliyaları, endokrin sistemin bəzi xəstəlikləri, infantilizm (psixi inkişafın ləngiməsi), baş beyin şişləri, uzun müddət dərman qəbulu, onurğa beyninin travması, psixi pozğunluqlar (şizofreniya) aid edilir.

Cinsi həyata yenicə başlamış cavan qızlarda da orqazmın olmaması qeyri-normal hesab edilmir. Bir qayda olaraq, orqazm almaq qabiliyyəti cinsi əlaqələr zamanı təcrübə yığmaqla, bəzən isə, hətta doğuşdan sonra qazanılır.

Fizioloji səbəblərə həmçinin yuxarı yaş dövrü aiddir, hansı ki, bu zaman bütün orqanizm səviyyəsində hormonal balans yenidən qurulur.

Əksər hallarda orqazmın olmaması aşağıda sadalanan psixoloji səbəblərlə əlaqədar olur:

  • depressiv vəziyyətlər, xroniki stress, həddən artıq yorulma;
  • kontrasepsiya məqsədilə dayandırılmış cinsi əlaqədən tez-tez istifadə edilməsi;
  • arzuolunmaz hamiləlik və ya zöhrəvi xəstəlikdən qorxma və həyəcan;
  • partnyora etibarın olmaması;
  • asketik cinsi tərbiyə;
  • ağır doğuşların, ginekoloji əməliyyatların, çoxsaylı abortların nəticəsi;
  • ümumən cinsi əlaqəyə neqativ münasibət;
  • uşaq və cavan yaşlarda keçirilmiş seksual xarakterli psixi travmalar, həmçinin cinsi zorlama;
  • özünəgüvənin azalması.

Baxmayaraq ki, anorqazmiya adətən psixoloji faktorlarla əlaqədardır, qadına seksopatoloq, psixoterapevt, ginekoloq və bəzən uroloqun yardımı tələb oluna bilər.

Bəzi hallarda orqazmın olmaması kişinin cinsi əlaqə zamanı vaxtından tez boşalması ilə əlaqədar olur. Belə olduqda partnyor müalicə olunmalıdır.

Anorqazmiyanın növləri

Anorqazmiyanın bir neçə növü var. Onlarla yaxından tanış olaq.

Birincili

Nə cinsi əlaqə zamanı, nə də masturbasiya ilə orqazm almaq mümkün olmur. Adətən belə anorqazmiya frigidliyi müşayiət edir. Patologiya müxtəlif psixi və endokrin pozğunluqları olan qadınlar üçün xarakterdi. Belə vəziyyət uzun müddətli müalicə və psixoloji korreksiya tələb edir.

İkincili

Bəzən nisbi və ya hissəvi anorqazmiya adlandırılır. Qadın orqazm ala bilir, amma bu nadir hallarda baş verir. Bəzən isə tam fiziki və emosional boşalma verməyən, zəif orqazm ola bilər.

Orqazm ala bilməmək orqanizmə düşən yüksək gərginliklə əlaqədar ola bilər, məsələn, doğuş və əməliyyatdan sonra, hamiləlik vaxtı.

Bir qayda olaraq, hissəvi anorqazmiyası olan pasientlərə dərman müalicəsi tələb olunmur. Müəyyən pozalar seçməklə, tumarlama dövrünü uzatmaqla, ümumi həyəcanı götürməklə, xroniki yorğunluğu azaltmaqla problemi həll etmək olar.

Koital

Qadın cinsi əlaqə zamanı boşala bilmir, lakin, masturbasiya ilə boşalır. Anorqazmiyanın bu forması ilk seksual təcrübə toplayan yeniyetmə qızlarda olur. Problemi seksual həyata rəngarənglik qatmaqla, müəyyən pozalarda klitorun stimulyasiyasını artırmaqla aradan qaldırmaq olar.

Koital anorqazmiya orqanizmdə hormonal pozğunluq olanda, məsələn, klimaks zamanı baş verə bilər. Bu halda əvəzedici hormonal terapiya təyin olunur.

Situasion

Bəzən qadın müəyyən bir konkret şəraitdə sərbəst ola bilmədiyi üçün, boşala bilmir. Belə olduqda, orqazm almaq üçün müəyyən şərtlər lazımdır: klitorun intensiv stimulyasiyası, masturbasiya və s.

Diqqət! Statistikaya görə qadınların yalnız üçdə biri heç vaxt orqazm almaqda problem yaşamır

Müalicə prinsipləri

Anorqazmiyanın dərman müalicəsində aşağıdakı qrup preparatlar istifadə olunur:

  • hormonal preparatlar – qanda estrogen və testosteronun səviyyəsini artırır;
  • antidepressant və trankvilizatorlar – həyəcanı, panikanı, depressiyanı, qıcıqlanmanı götürmək üçün (Stimuloton, Fenazepam);
  • jenşen bitkisinin siropu – mərkəzi sinir sisteminə oyandırıcı təsir göstərir;
  • vitamin kompleksləri – ümumi tonuslandırıcı və immunomdulyator effekt üçün;
  • sintetik preparatlar – libidonu artırır və oyandırıcı təsir göstərir.

Hormonal terapiya – cinsi infantilizm və aybaşı pozğunluğu olduqda, məqsədyönlüdür.

Anorqazmiyanın müalicəsində ən çox istifadə edilən preparatlara – Qadın Viaqrası aiddir. Belə təbii vasitələrin tətbiqi cinsi meyl və seksual enerjini artırır, orqazmı rəngarəng edir.

Bu preparatların buraxılış forması – tabletlərdi. Onu nəzərdə tutulan cinsi əlaqədən bir saat qabaq qəbul edirlər, təsir müddəti bir neçə saatdır. Qeyd etmək lazımdır ki, belə vasitələr klimaksda olan, yeni doğmuş, əməliyyatdan sonra hissiyyatı azalmış qadınlara məsləhət görülür. Əgər orqazmın olmaması psixoloji problemlərlə əlaqədardırsa, onu dərman tətbiq etmədən həll etmək olar.

Qadın Viaqrasının əksgöstərişləri var:

  • ürək-damar sisteminin patologiyası;
  • arterial təzyiqin yüksək və ya aşağı olması;
  • böyrək və qaraciyər xəstəlikləri;
  • əvvəllər keçirilmiş infarkt və ya insult;
  • ağır psixi pozğunluqlar;
  • qan xəstəlikləri.

Dərman terapiyasını yalnız həkim müayinə aparıb, problemin səbəbini aşkarladıqdan sonra təyin edir. Özünümüalicə sağlamlıq üçün təhlükəlidir və geriyədönməz dəyişikliklər törədə bilər!

Digər müalicə üsulları

Dərman müalicəsindən başqa, hidromasaj, elektrostimulyasiya, psixoterapevtik korreksiya problemin effektiv həlli üsullarındandır. Kiçik çanaq orqanları ilə əlaqədar fizioloji problemlər olduqda, Kegel gimnastikası təyin etmək olar. Bu məşqlər kiçik çanaqda durğunluğu götürür, qandövranını gücləndirir, cinsiyyət orqanlarına qanın gəlməsini artırır və beləliklə cinsi meyli gücləndirir.

Ginekoloji masaj, isti mineral sularla gündəlik sprinsevasiya və həmçinin vaginal palçıq tamponları yaxşı təsir göstərir. Qeyd etmək lazımdır ki, digər palçıq prosedurları əks effekt verir və cinsi meyli azaldır.

Anorqazmiyanın bütün növlərində psixoterapiya böyük əhəmiyyətə malikdir. Geniş yayılmış və effektiv üsullara autotreninq və hipnoz aiddir. Bu üsullar cinsi yaxınlıq istəyini və cinsi orqanların həssaslığını artırır.

Xalq təbabəti

Xalq təbabəti cinsi istəyi və seksual həzzi artıran bir sıra vasitələr təklif edir. Onlara aiddir:

  • şalfey siropu – xırdalanmış ota qaynamış su əlavə edib dəmləyir və hər gün yarım stəkan olmaqla iki həftə ərzində qəbul edirlər;
  • nanə yarpaqları – relaksasiya verir, həyəcan və oyanıqlığı azaldır, bitkinin yarpaqlarını dəmləyib çaya və vannaya əlavə edirlər;
  • zəncəfil kökü – libidonu artırır, güc və cəsarət verir, bitkinin xırdalanmış kökünü salata, çaya, şirniyyata əlavə edirlər;
  • “müqəddəs Viteks” – hormonal fonu bərpa etmə qabiliyyətinə görə cinsi hissiyyatı arıtmaq üçün tətbiq edilir, bitkinin qurudulmuş meyvələrinə qaynamış su əlavə edib dəmləyirlər.

Normal iş və dincəlmə rejiminin bərpası, idmanla məşğulolma, zərərli vərdişlərdən imtina, zülal və vitaminlərlə zəngin qidaların qəbulu, anorqazmiyaya səbəb ola biləcək xəstəliklərin vaxtında aşkar edilib müalicəsi – qısa müddət ərzində cinsi istək və orqazmı bərpa edir.

Əgər pasient həkimin bütün məsləhətlərinə əməl edərsə və seksopatoloqla psixoloq hər iki partnyorla birlikdə məşğul olarsa, anorqazmiyanın proqnozu qənaətbəxş hesab olunur.

Həmçinin oxuyun:

 

Ginekoloqa sual ver

Bizim qiymətlərimiz

Hamiləliyin hesablanması

Cinsin hesablanması

Konsultasiya üçün
qəbula yazılın

*Adınızı və telefon nömrənizi mütləq yazın

Qəbula yazıl

Əməliyyat uğurla başa çatdı. 20 dəqiqə müddətində sizinlə əlaqə saxlayacağıq.

Diqqət!

Saytda verilən məlumatlar yalnız informasion xarakter daşıyır. Özbaşına müalicə sizin sağlamlığınıza ziyan vura bilər! Hər bir məsələ barəsində öz müalicə həkiminizlə əlaqə saxlayın.

*Adınızı və telefon nömrənizi mütləq yazın

Mesaj göndərildi

Mesajınız uğurla göndərildi. 20 dəqiqə ərzində sizinlə əlaqə saxlayacağıq.