Bizim məsləhətlərlə

Sağlam olun!

Doğuşdan sonra qalan qarnın yığılması

FOTO: Doğuşdan sonra qalan qarnın yığılması FOTO: Doğuşdan sonra qalan qarnın yığılması

Doğuşdan sonra bədən quruluşu heç vaxt əvvəlki kimi olmayacaq? Bu sual çoxlarını narahat edir. Əvvəlcədən qeyd edək ki, doğuşdan sonra qarnın çəkilməsinə bütün qadınlar nail ola bilər. Bunu necə etmək barədə aşağıda danışılacaq.

Nə üçün doğuşdan sonra qarın öz-özünə çəkilmir?

Hamiləlik zamanı orqanizmdə bir qədər yağ yığılması xoşagəlməz olsa da, təbii prosesdir. Orqanizm öz piy ehtiyatını artırır ki, ana müəyyən səbəblərdən hətta yemək yeyə bilməsə belə, uşaq acından ölməsin. Bu, aclıqdan qədim qorunma mexanizmidir və biz onu heç cürə dəyişə bilmərik. Qadınların əksəriyyətində piy məhz qarın nahiyəsində yığılır. Niyə məhz orada toplanmasını da alimlər izah edə bilir: bu piy dölyanı maye ilə birlikdə dölü balış kimi xarici təsirlərdən qoruyur.

Doğuşdan sonra qarın adətən öz-özünə çəkilmir. Hamiləlikdən sonra toxumalar həddən artıq gərilir, məşq etməmiş əzələlər isə tonusunu itirir və qarın presini normal vəziyyətdə saxlaya bilmir. Yəni, ideal fiquranı bərpa etmək üçün çox səy göstərməli olduğunuzu başa düşməyiniz lazımdır.

Qarını ev şəraitində qısa müddət ərzində necə əritmək olar

Qısa müddət dedikdə – bir neçə ay nəzərdə tutulur. Birincisi hamiləlik zamanı böyümüş uşaqlığın normal ölçülərə qayıtması üçün müəyyən zaman tələb olunur. İkincisi, hamiləlik zamanı və doğuşdan sonra hormonal status dəyişmiş olur və aydındır ki, onun normallaşması üçün də müəyyən vaxt tələb olunur. Üçüncüsü, qadına doğuşdan dərhal sonra ağır məşqlər etmək olmaz, bu, uşaqlığın sallanması ilə nəticələnə bilər. Bundan əlavə, doğuşdan sonrakı ilk aylar qanaxma da mümkündür. Buna görə də, səbirli olub addım-addım hərəkət edəcəyik.

Təbii doğuşdan sonra qarını necə yığmalı: təlimat

Birinci addım. Laktasiyanı nizamlayın

Onun piyə nə dəxli var? Bilavasitə, aşağıda izah edilir:

  1. Ana südü ilə qidalanma zamanı oksitosin hormonu istehsal olunur. O, uşaqlığı aktiv yığılmağa məcbur edir və deməli onun ölçüləri kiçilir. Özü də, oksitosin tərkibli preparatlar qarında ağrı verdiyi halda, orqanizmin özünün sintez etdiyi hormon adətən problem yaratmır.
  2. Ana südü ilə qidalandırdıqda qadın gündə 500 kkal enerji itirir. Bu, orta intensivlikli qaçışdan pis deyil.
  3. Ana südü ilə yedizdirmə süni qidalandırmadan asandır və çox vaxt tələb eləmir. Butulka və əmzikləri yumaq lazım deyil, qidanı hazırlayıb və isti saxlamağa ehtiyac yoxdur. Ana südü ilə qidalandırma yarım il ərzində sizi demək olar uşağın yedizdirilməsi ilə bağlı problemlərdən xilas etmiş olur. Pediatrın təyin etdiyi pəhrizi gözləyin, uşaqda allergiya və sancı verə biləcək qidalardan uzaq durun və hər şey qaydasında olacaq! Bu səbəbdən nə qədər istəyirsiniz gəzə bilərsiniz.

Ana südü ilə qidalanma barədə daha ətraflı eyni adlı məqaləmizdə oxuya bilərsiniz. 

İkinci addım. Gəzinti

Bəs niyə idman yox? Birincisi, ona zaman lazımdır, hansı ki, qadında demək olar ki, heç vaxt olmur. İkincisi, əgər qadın idmançı deyilsə, ilk vaxtlar ciddi gərginlik ona ağır olar. Orqanizmin bərpası və minimal tonusa gəlməsi üçün vaxt lazımdır. Həmçinin yağın bir qədər azalması, qarın presi ilə işləməyə şərait yaradar. Buna görə də, gəzin. Körpəsi olan qadın üçün bu ideal məşqdir. Biz hətta yaza bilərdik ki, "mümkün qədər çox gəzin", lakin, ilk vaxtlar birdən-birə çox gəzmək yəqin ki, alınmaz. Başlanğıcda bacardığınız qədər gəzməlisiniz. Amma, yadda saxlayın ki, yükü tədricən artırmaq lazımdır. Və yaxşı olar ki, bunu evdə etməyəsiniz, kolyaska ilə çölə çıxasınız, bu cür daha çox enerji yandırmış olarsınız.

55 kiloqram çəkisi olan qadın sürətdən, hava şəraiti və relyefdən asılı olaraq saatda 120-180 kkal enerji sərf edir. Amma bu rəqəmlər fərdidir, daha dəqiq bilmək üçün fitnes-treker və ya smart-saatlardan istifadə etmək olar. Onlar həmçinin addımları sayır: bəllidir ki, sağlam adam tonusda qalması üçün gün ərzində 10 000 addım atmalıdır. Əlbəttə, dincələrək yavaş-yavaş gəzməklə lazımi nəticəyə çatmaq olmaz. Əgər arıqlamaq məqsədiniz ciddidirsə, hər dəfə ən azı iki saat gəzməlisiniz.

Bundan ötrü yaxşı laktasiya olmalıdır ki, gəzməyi uzun müddət dayandırmadan uşağı yedizdirmək imkanı olsun. Həmçinin, gəzərkən az da olsa qarın presi işləyir. Bu yolla onu çox əziyyət çəkmədən daha ciddi məşqlərə hazırlamaq olar.

Üçüncü addım. Qaçış

Daha intensiv kardioməşqlərə başlayın. Və yaxşısı qaçışdır. O, gəzməkdən çox vaxt tələb etmir: həftədə 3 dəfə bir saat olmaqla qaçış kalorinin ciddi itirilməsinə səbəb olacaq. Amma əsasən, o, ürək-damar sistemini daha güclü məşqlərə hazırlayır. Xüsusi kolyaskalardan istifadə etməklə idman yerişi ilə qaça bilərsiniz.

Əvvəllər bir neçə ay gəzmisinizsə, sizin orqanizm artıq idman yerişinə hazırdır. Əgər bir saat qaça bilmirsinizsə, yeriməyə keçin, sonra yenə qaçın, amma, dayanmayın. Yedizdirən analar üçün yaxşı büstqalterlər var, hansı ki, döşləri yaxşı vəziyyətdə saxlayır və ağrımağa qoymur.

Əgər qaçış alınmırsa, onda, üzgüçülük və ya digər kardial məşqlərdən istifadə edə biləsiniz. Amma onda uşağı kimin yanında qoymaq kimi məsələni həll etməli olacaqsınız.

Dördüncü addım. İdman məşqləri

Ona başlamazdan əvvəl, həkimlə məsləhətləşmək yaxşı olar. Çünki, yuxarıda qeyd etdiyimiz kimi, doğuş vaxtı uşaqlıq sallanması baş verər və siz onu hiss etməyə bilərsiniz. Bundan başqa, qarnın aşağısında ağrılar, seks zamanı xoşagəlməz hisslər və ya öskürək və gücənmə zamanı sidikqaçırma ola bilər. Bütün bu simptomlar həmişəlik deyil, əsas odur ki, vaxtında bərpaedici gimnastika və müalicəyə başlayasan. Müalicə qurtarandan sonra, həkim yəqin ki, məşqlərə icazə verəcək.

Qarnın çəkilməsinə yönəlmiş komplekslər çoxdur, amma biz sizə elə məşqlər seçmişik ki, bir tərəfdən effektivdir, digər tərəfdən az vaxt tələb edir. Onların hamısını ev şəraitində etmək mümkündür.

Ev şəraitində edilən məşqlər

1. Taxta

Ən yaxşı məşqlərdən biridir, hansı ki, onurğanın ətrafında olan dərin əzələləri belə işlədir. Əgər onu müntəzəm şəkildə edə bilsəniz, həm bel ağrılarından azad olarsınız, həm də hamiləlik vaxtı formasını itirmiş sarğı nahiyələri bərpa olar.

Qarnıüstə uzanmalısınız, 90 dərəcə bükülmüş əllərinizə və uzanmış ayaqlarınıza dayaq verərək döşəmədən bədəninizi qaldırmalısınız. Bu zaman bədən taxta kimi düz qalmalıdır.

Taxta məşqini yazıldığı kimi icra etməlisiniz, əks təqdirdə heç başlamaya bilərsiniz, çünki, bir əhəmiyyəti olmayacaq. Çalışın bu vəziyyətdə heç olmasa 30 saniyə qala biləsiniz.

Üç yanaşma edin. Əgər əvvəllər belə məşq heç etməmisinizsə, nəzərinizə çatdırırıq ki, bu, çox ağır və çətin məşqdir, güc və iradə tələb edir. Məşq zamanı diqqətinizi toplayın və yada salın ki, yaxın keçmişdə siz bundan da ağır şeylər etmisiniz – hamiləliyi sona qədər çatdıraraq, uşaq doğmusunuz. Belə adama heç bir "taxta" çətin ola bilməz!

2. Yan taxta

Əvvəlkinin bir növüdür, yalnız bir əl və bir ayağın köməyilə edilir. Bu da çox ağır, lakin, çox effektiv məşqdir.

Əvvəlcə üç gəlişə 30 saniyə edilir, sonra müddət artırılır. Yükü artırmaq üçün əlavə olaraq, dayaqda iştirak etməyən ayağınızı yuxarı qaldıra bilərsiniz.

3. Çanağın qaldırılması və ya çanaq körpüsü

Arxasıüstə uzanıb, ayaqlarınızı diz oynaqlarında bükün. Kürəyinizi döşəməyə yapışdırıb çanağınızı qaldırmağa çalışın. Bu məşqi ləng edin, birdən-birə olmaz, əks təqdirdə, başqa əzələlər gərginləşəcək, lazımilər yox. Çanağı bu vəziyyətdə 10 saniyə saxlayın. Heç olmasa 10 dəfə təkrar edin, sonra 30-a çatdırın.

Əgər bu vəziyyətdə ayağınızın birini uzatsanız effekt daha yaxşı olar. Alınsa elə ayağı uzanmış vəziyyətdə qalın. Çətindir, amma çox xeyirlidir, Həm də, sağrılar üçün. Aydındır ki, ayaqları bir müddətdən sonra dəyişmək lazımdır.

4. Divara söykənməklə oturub-durmaq

Divara söykənib ayaqlarınızı çiyinləriniz enində qoyun. Sonra bir addım qabağa gəlin və divarla yavaş-yavaş aşağı sürüşün, çəkinizi yalnız ayaqlarınızla saxlayın. Əllər gərginləşməməlidir. Stulda oturmağa oxşar səviyyəyə qədər enin. Sonra, yuxarı qalxaraq əvvəlki vəziyyətə qayıdın. 2 dəfə yaxınlaşmaqla 15 dəfə təkrarlayın.

Məşqi nəfəsi alıb eyni vaxtda qarını çəkməklə etmək lazımdır. Əslində başqa cür heç alınmayacaq da.

Gördüyünüz kimi, bu məşqlərin heç biri sizdə relyef əzələlərini məşq elətdirmir. Əgər siz oğlanlardakı kimi pres yığmaq istəyirsinizsə, yenə də bu məşqlərdən başlayın. Onlar sonradan pres üçün yaxşı başlanğıc olacaq.

Kardioməşqləri də yaddan çıxartmayın, onlar ürəyi məşq elətdirir və qarnı effektiv götürür.

Keysəriyyə əməliyyatından sonra qarını necə götürməli

Keysəriyyə əməliyyatından sonrakı addımlar təbii doğuşdakı kimidir, yalnız bir fərqlə – onlara daha çox vaxt tələb olunur. Əməliyyat vaxtı kəsilmiş toxumalar bərpa olunmalıdır. Bir qədər səbirli olun: əgər bir neçə həftədən sonra sizdə ağrı yoxdursa, bu hələ bərpa olunmaq deyil. Tam bərpa getməmiş gərgin məşqlərə başlasanız, tikişlərin açılma riski var. Bu isə – ölümcül təhlükədir!

Amma gəzə bilərsiniz. Nə qədər bacarırsınız, o qədər də gəzin – əvvəllər evdə, sonra isə vəziyyət yaxşılaşdıqca, küçəyə çıxın. Ağrıya qədər çatdırmayın – toxumaların bərpa olunmasına mane olmayın! Kilometrajı ağrılar azaldıqca tədricən artırın.

Adətən mütəxəssislər ağır idman hərəkətlərinə keysəriyyə əməliyyatından ən tezi yarım il sonra başlamağı məsləhət bilir. Əgər tələsirsinizsə, həkimə müraciət edin ki, uşaqlıqdakı çapığı müayinə etsin. Bunu USM ilə edirlər. Amma, ən yaxşısı – gəzməkdir. Qaçmağa hazır olan kimi, orqanizminiz bunu bildirəcək.

Nəticə

Doğuşdan sonra qarnın düz olması üçün dərhal idman zallarına qaçmaq lazım deyil. Əvvəlcə ürək-damar sistemini nizamlayın. Kolyaska ilə gəzin, bir neçə aydan sonra qaçın. Sonra əzələ korsetini möhkəmləndirə bilərsiniz. Bəli, bu vaxt tələb edir, amma, sizin hədiyyəniz təkcə düz qarın deyil, həmçinin sağlam bel və gözəl sarğılar olacaq.

1

Həmçinin oxuyun:

 

Şərhlər

Hələ şərh yazılmayıb. Siz birinci ola bilərsiniz.
Qeydiyyatdan keçmisiniz? Sayta daxil ol
Qonaq
02.12.2020
Əgər bizim saytda qeydiyyatdan keçmək istəyirsinizsə, aşağıdakı formanı doldurun.

By accepting you will be accessing a service provided by a third-party external to https://doctorramila.az/

Ginekoloqa sual ver

Bizim qiymətlərimiz

Hamiləliyin hesablanması

Cinsin hesablanması

Populyar məqalələr

17 avqust 2017
Əgər aybaşı vaxtında gəlməyəndə qadın hamilə olduğunu dəqiq bilsəydi, hər şey əl...
658220 Baxış
16 aprel 2018
Normada aybaşı sikli 21 gündən 35 günə qədər davam edir. Hər bir qadın üçün bu m...
150261 Baxış
27 oktyabr 2017
Dərman abortu və ya dərmanla uşaqsalma – arzuolunmaz hamiləliyi erkən dövrlərdə ...
133297 Baxış

Son şərhlər

Qonaq - Aysu Hamiləliyin erkən əlamətləri (VİDEO)
01 dekabr 2020
Həkim salam. Hamilə qalmaq istəyirəm Saça rəng qoydurmağın z...

Son soruşulanlar

.....
Salam Ramila doctor uzr istirem men 11 noyabr aybasi olmusam 27 gunden bir olura...
3 cavab
Boyrek
Salam doktor 4 ayliq hamileyem. 1 satdan bir sidiye gedrem. Bir saat kecmemis bo...
1 cavab
Mini abort
SALAM MƏN AXIRINCI DƏFƏ 10.10.2020 DƏ AYBAŞI OLMUŞAM.19.11.2020 DƏ UZİ DƏ OLDUM....
1 cavab

Konsultasiya üçün
qəbula yazılın

*Adınızı və telefon nömrənizi mütləq yazın

Qəbula yazıl

Əməliyyat uğurla başa çatdı. 20 dəqiqə müddətində sizinlə əlaqə saxlayacağıq.

Diqqət!

Saytda verilən məlumatlar yalnız informasion xarakter daşıyır. Özbaşına müalicə sizin sağlamlığınıza ziyan vura bilər! Hər bir məsələ barəsində öz müalicə həkiminizlə əlaqə saxlayın.