Uzun müddət hesab edilirdi ki, qadının əsas vəzifəsi uşaq doğub böyütməkdir, cinsi əlaqə isə yalnız nəslin davam etdirilməsi üçündür. Beləliklə də, hamilə qadın kişi ilə, kişi isə onunla maraqlanmamalıdır. Müasir evli cütlüklərin əksəriyyəti başqa cür düşünürlər və doqquz ay ərzində cinsi münasibətə davam edirlər. Düzdür, onlar bu zaman bəzi çətinliklərlə qarşılaşırlar.

Həm qadın, həm də kişi üçün "hamilə" və "hamilə olmayan" cinsi münasibət bir-birindən əsaslı şəkildə fərqlənir. Gələcək analar yoldaşının cinsi münasibət istəyinə müxtəlif cür reaksiya göstərirlər. Bəzilərində cinsi münasibət istəyi daha da artır. Bəziləri isə cinsi əlaqəyə girməkdən bacardıqca boyun qaçırırlar.

Bunun səbəbi beş əsas problemdir ki, onları həll etməklə siz hamilə vaxtı cinsi əlaqədən zövq ala bilərsiniz.

Hamiləlik zamanı cinsi münasibətin əsas problemləri

Problem 1. Hormonal partlayış

Qadın orqanizmi güclü hormonal partlayış yaşayır, hansı ki, təbii olaraq seksual həyatda da özünü göstərir. Hamilə qadınlar öz emosiyalarına nəzarət edə bilmirlər, əhvalları dəyişkən olur. Seksual oyanıqlıq vaxtı onlar hətta ağlaya bilərlər.

Problemin həlli. Həyat yoldaşınıza aydın başa salın ki, siz indi nə hiss edirsiniz. Axı o, istəsə də hamilə qala bilməz. Aydındır ki, sizin qorxu və həyəcanlarınız barədə heç nə bilmir. Seksual harmoniyaya o vaxt çatmaq olar ki, cütlüklərin hər biri qarşı tərəfin fiziki və psixoloji tələblərinə diqqətli yanaşsınlar. Kişi üçün indi ən əsası qadının qeyri-sabit emosional vəziyyətinə və əsassız tələblərinə ciddi reaksiya verməsin. Siz isə çalışmayın ki, hisslərinizi içinizdə saxlayasınız, əks halda sizi emosiyalar təlatümü gözləyir. Həyat yoldaşınıza bütün həyacan, şübhə və qorxularınız barədə danışın. Seksual həzz yalnız o vaxt mümkündür ki, siz, həyat yoldaşınıza tamamilə inanasınız. Yaxın doqquz ay ərzində sizin əhval-ruhiyyəniz daimi dəyişəcək və siz cinsi əlaqədən hər gün yeni emosiyalar alacaqsınız. Beləliklə, dünən sizin xoşunuza gəlmədiyi üçün seksdəm imtina etməyin. Cinsi həyatın başlanğıcında olduğu kimi, sizə ən çox həzz verən şeyləri axtarın, mənfi emosiyalar yaşadanı yox.

Problem 2. Bir yataqda üç nəfər

Psixoloji amil az rol oynamır. Axı siz yataqda artıq iki deyil, üçsünüz və buna uyğunlaşmaq üçün vaxt tələb olunur. Məhz buna görə bəzi kişilər hamilə həyat yoldaşını qadın kimi deyil, ana kimi qəbul edirlər. Bəzən qadınlar cinsi əlaqədən imtina etmələrini belə izah edirlər: "mənə belə gəlir ki, uşaq daimi uşaqlıqdan məni müşahidə edir və hərəkətlərimi qiymətləndirir. Və yataqda mən sərbəstləşə bilmirəm. Elə bil sekslə camaat arasında məşğul olursan".

Problemin həlli. Bu sirr deyil ki, uşaqlar "kələmdən" tapılmır. Hər bir həyata cinsi akt başlanğıc verir. Böyük uşağın yanında cinsi əlaqə ilə məşğul olmaq mənəviyyatsızlıqdır. Lakin yaxın doqquz ay ərzində siz uşaqla vəhdət təşkil edirsiniz. Yadınızda qalsın, ana yaxşı olanda, uşağa da xoş olur. Orqazm anında partnyorlar arasında güclü energetik mübadilə baş verir. Təbii ki, döl də bunları hiss edir, hansı ki, ona və anaya yaxşı təsir göstərir. Elmi araşdırmalar göstərir ki, ana bətnində olan uşaqlar valideynlərin seksual oyunlarına reaksiya verirlər. USM müşahidəsində görünür ki, döl ana orqazmı vaxtı nizamsız hərəkətlər edir və ürək döyüntüsü tezləşir. Cinsi akt zamanı uşaqlıq yığılmağa başlayır və bu döl üçün gələcək doğuşa bir məşqdir.

Problem 3. Toksikoz

Ürəkbulanma, başgicəllənmə və yorğunluq da istəyi artırmır. Səhərlər yediyinizdən ürəyiniz bulanır, toksikoz keçən kimi yatmaq istəyirsiniz, axşama qədər isə elə yorulursunuz ki, yatmaqdan başqa heç nə haqqında düşünmək belə istəmirsiniz. Həm də, hamiləliyin xoşagəlməz əlamətlərilə kişinin sizinlə bölüşə bilməməsi sizi çox qıcıqlandırır.

Problemin həlli. Yataq oyunlarını sizin üçün ən uyğun vaxta keçirin. Axı sutkanın 24 saatı sizin ürəyiniz bulanmır. Əksər gələcək anaların fikrinə görə cinsi əlaqə üçün ən optimal vaxt — sübh tezdən, səhər yeməyinə qədər və ya gündüz yuxusundan sonradır. Öz arzularınıza zidd gedib kişiya görə uyğunlaşmayın. Ən pisi odur ki, ərinizə görə ürəyiniz bulanır, lakin seks istəyirsən. Bu zaman çalışın biləsiniz nə sizə pis təsir edir: odekalon, tütün iyi və s. və onu aradan götürün.

Problem 4. Hamilə bədən

Qadının bədəni göz önündə dəyişir: qarın həddən artıq böyüyür, döşlər ağrılı olur və oyanma vaxtı ondan süd gələ bilər. Sevimli seksual pozaları almaq gülməli ola bilər və narahatçılıq törədir. Kişinin nəvazişini almaqdansa, ən azı onu vurmaq istəyirsiniz

Problemin həlli. Öz hamilə bədəninizi sevin. Bədənin qadını qorxudan dəyişiklikləri kişi üçün əlavə ləzzət verir. Kişilərin çoxsunu hamilə qadının görünüşü güclü oyandırır. Böyük qarına görə kompleks yaşamağı qurtarın. Siz tədricən kökələcəksiniz və əriniz sizə uyğunlaşa biləcək. Yaxın doqquz ayda siz öz qarnınızla fəxr edə bilərsiniz, bütün nəvazişlər məhz ona yönələcək. Əlbəttə, qarın böyüdükcə siz uyğun seksual vəziyyət almaq üçün çalışmalı olacaqsınız. Amma seksdə rəngarəngliyi yalnız alqışlamaq olar. Hamiləlik — zərif və tələsmədən, mürəkkəb akrobatik hərəkətlərsiz cinsi əlaqə vaxtıdır. Qaldı döşlərə — əgər, ərinizin nəvazişləri sizə ağriı və ya diskomfort yaradırsa, dözmək lazım deyil. Yoldaşınıza izah edin hamilə büstlə necə rəftar etmək lazımdır. Əgər cinsi oyanma vaxtı döşdən süd gəlirsə — özünüzə qəşəng alt paltarı alın və onu yataqda çıxartmayın.

Problem 5 (əsas). Cinsi əlaqə uşaq üçün təhlükəlidir

Hesab edilir ki, hamiləlik zamanı cinsi əlaqə dölün zədələnməsinə və ya düşüyə səbəb ola bilər. Bir tərəfdən qadın ərinə xoşluq etmək istəyir, amma digər tərəfdən uşağa görə qorxu onu tam boşalmağa qoymur. Beləliklə, cavan ana həyatdan zövq almaqdansa, ya ərini cinsi həyatdan məhrum edir, ya da onun xətrinə razılaşır və övladına görə əzab çəkir.

Problemin həlli. Hamiləlik — xəstəlik deyil, ancaq ikiqat məsuliyyət, deməli ehtiyatlılıqdır. Buna görə hər ehtimala qarşı bəzi məhdudiyyətlər vardır. Seks — əlavə risk faktorudur. Əgər qadın sağlamdırsa və hamiləlik fəsadsız keçirsə, cinsi həyatdan imtina etməmək olar. Amma bu zaman öz hisslərinizə diqqət yetirməli və azacıq şübhə yarandıqda tez həkimə müraciət etmək lazımdır. Cinsi əlaqə zamanı uşağın zədələnməsindən qorxmayın: onu döl qovuğu və uşaqlıq yaxşı qoruyur, dölyanı maye isə etibarlı amortizatordur. Fikir vermək lazımdır ki, partnyorun zöhrəvi xəstəlikləri olmasın.

Cinsi əlaqə nə vaxt olmaz?

Cinsi əlaqə ilə məşğul olmaq qərarını sizi müşahidə edən həkim verməlidir. O, izah etməlidir ki, sizə nə üçün və hansı müddətə (müəyyən "kritik müddətdə" və ya hamiləliyin sonuna qədər) seks olmaz. Əgər sizə "yaşıl işıq" verilibsə, yəni həkim icazəsi alınıbsa, onda siz, bunu etmək qərarını özünüz verə bilərsiniz. Qərar versəniz, mütləq hisslərinizə qulaq asın. Əgər cinsi yaxınlıqdan sonra qarnın aşağısında və ya beldə dartıcı ağrı, qanlı ifrazat əmələ gələr və ya güclənərsə, cinsi əlaqədən imtina edib həkimlə məsləhətləşmək lazımdır. 

Lakin əgər sizin hamiləlik "yüksək risk" qrupuna daxildirsə, onda nəinki cinsi əlaqədən, hətta, cinsi oyanmadan da imtina etmək lazımdır. 

Aşağıdakı hallarda cinsi əlaqədən imtina etmək lazımdır:

• çoxdöllü hamiləlikdə (əkiz, üçəm) həkimlər qadının sağlamlığından asılı olmayaraq, 20-ci həftədən başlayaraq cinsi əlaqədən imtina etməyi tövsiyyə edirlər. Bu onunla əlaqədardır ki, çoxdöllü hamiləlikdə həmişə vaxtından qabaq doğuş riski var, seksual oyanıqlıq isə doğuş fəaliyyətini stimulyasiya edə bilər;
• əgər uşaqlıq daima tonusda olarsa. Bu halda, hamiləlik dövründən asılı olmayaraq, cinsi akt uşaqlığın yığılmasını və vaxtından qabaq doğuşu stimulyasiya edə bilər;
• əgər USM nəticələrinə görə sizdə cift gəlişi varsa, cinsi əlaqə qanaxmaya səbəb ola bilər. Bu halda həkimlər cinsi əlaqə zamanı ehtiyatlı olmağı məsləhət görürlər;
• qanaxma və ya qanlı ifrazat olarsa, həkimə gedənə qədər cinsi əlaqədən imtina etmək məsləhət görülür;
• əgər sizdə əvvəllər düşük və ya vaxtından qabaq doğuş olmuşsa və yaxud hazırda düşük təhlükəsi varsa, çox təhlükəli dövrlərdə seksual münasibətlərdən uzaq olmaq lazımdır. Bu zaman gözlənilən menstruasiya günləri, yəni hamiləlik dövrünün hər dördüncü həftəsi (4-cü, 8-ci, 12-ci, 16-cı və s.) və həmçinin əvvəlki düşüklərin vaxtı kritik sayılır.
• bütün zöhrəvi xəstəliklər vaxtı, həmçinin hamiləlik zöhrəvi xəstəlik müalicə olunan dövrdə baş verdikdə;
• doğuşun baş verə biləcək tarixindən 2-3 həftə qabaq həkimlərin əksəriyyəti cinsi əlaqədən uzaq olmağı tövsiyyə edir. Seksual oyanma zamanı qadın orqanizmi uşaqlığı yığdıran oksitosin hormonu sintez edir. Eyni təsirə kişi toxumunda olan prostaqlandin hormonu malikdir. Və beləliklə cinsi əlaqə doğuşdan bilavasitə qabaq sancı verə bilər.  Lakin, əgər qadının doğuş vaxtı keçirsə, həkimlər əksinə stimulyasiya üçün seksual nəvaziş məsləhət görürlər.

Hamiləlik vaxtı cinsi əlaqənin üstünlükləri

Hamiləlik vaxtı intim həyatın bir sıra problemlərlə yanaşı xüsusi üstünlükləri də var:

• siz tam boşalıb zövq ala bilərsiniz. Seks üçün ən yaxşı dövr hamiləliyin ikinci trimestridir: artıq toksikoz keçib, düşük təhlükəsi yoxdur, öz yeni vəziyyətinizə uyğunlaşmısınız, eyni zamanda qarnınız çox böyük deyil və doğuşa hələ çox var.
  Yadda saxlamaq lazımdır ki, hamilələr YALNIZ prezervativlə cinsi əlaqədə ola bilər! Və söhbət təkcə zöhrəvi xəstəliklərdən getmir. Birincisi, cinsi akt, mikrotravmalar verərək, adi kandidozu kəskinləşdirə bilər, hansı ki, hamiləlik dövründə onsuz da tez-tez kəskinləşir. İkincisi, "adi" mikroblar, hansı ki, sperma ilə daxil ola bilər, zöhrəvi xəstəlik törətməsə belə, bəzən iltihabi proses, məsələn sistit verə bilər. Cinsi əlaqədə mikroblar bilavasitə uşaqlıq boynuna düşüb dölün bətndaxili infeksiyalaşma riskini artırır. Ona görə hamiləlik vaxtı infeksiyalardan çox diqqətlə qorunmaq lazımdır;
• hamiləliyin ilk həftələrindən uşaqlığın və uşaqlıq yolunun qan dövranı kəskin artır. Bəzi qadınlarda orqazmın olmaması (anorqazmiya) oyanma zamanı cinsiyyət orqanlarına qanıın lazımi miqdarda gəlməməsilə əlaqədardır. Beləliklə, damar sistemində baş verən dəyişikliklər və uşaqlığın intensiv qan dövranı qadınlara orqazm keçirməyə imkan verir. Eləcə də cinsi aktdan dərhal sonra, artıq qanın getməsi bir qədər gecikir və bununla seksual gərginliyin azalmasını ləngidir. Yəni hamilələrdə orqazm nəinki tez-tez olur, həm də uzun müddət çəkir.

Əgər hər hansısa səbəbdən cinsi əlaqə ilə məşğul olmaq istəmirsinizsə, özünüzü buna hətta əriniz üçün də məcbur etməyin. Sağlam və sakit uşaq doğmaq üçün yalnız müsbət emosiyalar lazımdır. Doqquz aydan sonra hər şey artıq öz yerinə qayıdacaq.

Eyni zamanda həyat yoldaşınızı cinsi həyatdan tam məhrum etməyin. Kompromis tapmaq həmişə mümkündür.

Hamiləlik — ailə həyatında xüsusi bir dövrdü. Məhz indi, gələcək valideynlər bir-birinə qarşı mənəvi yaxınlıq və dayaq hiss etməlidirlər. Və tez-tez adi söhbət, incə nəvaziş və öpüş daha çox həzz verir, nəinki ənənəvi cinsi əlaqə. Öz həyəcanlarınız barədə yoldaşınıza danışın, bir yerdə uşaqla danışın və arzular qurun. Əgər siz bu doqquz ayı bir yerdə uğurla yaşaya bilsəniz, onda sizin mənəvi yaxınlığınız daha da artacaq, ailəniz isə möhkəm olacaq.