Sağlam olun!

Bizim məsləhətlərlə

Ginekoloji masaj

masage_cover

Ginekoloji masaj – tipik masaj hərəkətləri ilə qadının daxili reproduktiv orqanlarına təsir etmək prosedurudur.

Ginekoloji masaj artıq bir əsrdən çoxdur ki məlumdur və müvəffəqiyyətlə tətbiq olunur. Son vaxtlar müasir müalicə metodlarının meydana çıxması ilə əlaqədar bir qədər unudulmuşdur. Lakin son zamanlar qeyri-ənənəvi müalicə metodu kimi ona maraq xeyli artmışdır.

Hal-hazırda qeyri-aktiv həyat tərzi geniş yayıldığına görə qadınlar arasında sidik-cinsiyyət sisteminin bəzi xəstəlikləri çox geniş yayılmışdır. Qeyri-aktiv həyat tərzi çanaq orqanlarında tonusun azalmasına, qan dövranının pozulmasına, durğunluğa gətirib çıxarır. Nəticədə çanaq orqanlarının funksiyalarıının pozulması, xroniki iltihabi proseslər, sonsuzluq, bitişmələr və s. yaranır.

Orqanizmə təsiri

Ginekoloji masaj bilavasitə toxunulan orqanlarla (uşaqlıq, yumurtalıq) yanaşı qadının reproduktiv sisteminə və ümumiyyətlə orqanizminə müsbət təsir edir.

Masaj aşağıdakı məqsədlər üçün aparılır:

  • Kiçik çanaq orqanlarında qan və limfa dövranının yaxşılaşdırılması
  • Bitişmələrin dartılması və tam aradan götürülməsi
  • Uşaqlığın tonusunun artırılması, çanaq orqanlarının əzələ və bağlarının bərkidilməsi
  • Uşaqlığın anomal yerləşməsinin korreksiyası
  • İltihabi proseslərin və durğunluğun aradan qaldırılması
  • Hormonal fonun normaya gətirilməsi
  • Cinsi hissiyyatın gücləndirilməsi
  • Keçirilmiş əməliyyatların və xəstəliklərin neqativ qalıqlarının aradan qaldırılması
  • Hamiləliyi saxlamağa və doğuşa hazırlıq.

Aparılma texnikası

Ginekoloji masaj tibb müəssisəsində həkim mama-ginekoloq tərəfindən aparılır.

Pasientlə işləmək üçün ən yaxşı yer ginekoloji kresloda baxış vəziyyətidir. Bəzi problemlərdə masajı masaj stolunda diz-dirsək vəziyyətində etmək lazımdır. Hər bir halda qadının gərginləşməməsi və baş verən bütün dəyişikliklər barədə həkimə məlumat verməsi vacibdir.

Prosedur kursunu başlamazdan qabaq qadına düzgün nəfəs almaq və qarın əzələlərini boşaltmağı öyrətmək lazımdır

Masaj yeməkdən 2 saat sonra aparılır. Prosedurdan əvvəl qadın sidik kisəsini və bağırsaqlarını boşaltmalıdır.

Xarici cinsiyyət orqanları antiseptik məhlullarla işlənir. Prosedur aparılan günlər cinsi əlaqə olmasa yaxşıdır.

Uşaqlıq iki əllə masaj olunur, bir əl uşaqlığı və artımları uşaqlıq yolu tərəfdən, digər əl qarın üzərindən palpasiya edir. İlk dəqiqələrdən uşaqlıq hər tərəfdən palpasiya olunur.

Əgər yumurtalıqlarda bitişmə və çapıq varsa onlarda masaj olunmalı, bitişmələr dartılıb ləğv olunmalıdır.

Sidik kanalının xarici dəliyinə və klitora dəyilməməlidir. Uşaqlığın anomal vəziyyətlərində o, ehmalca düzəldilməlidir.

Masajın davam müddəti və periodikliyi göstərişdən və nəticədən asılıdır. Seans 2-3 və ya 10-15 dəqiqə davam edə bilər, adətən vaxt tədricən uzadılır.

Aybaşı pozğunluqlarında, yumurtalıqların disfunksiyasında, infantil uşaqlıqda prosedur hər gün aparılmalıdır.

Bir kurs 40-60 seans, 2-3 ay çəkə bilər. Hər normal aybaşı siklində hər gün və ya günaşırı olmaqla 10 gün aparılır. Aybaşı vaxtı fasilə verilir.

Seansdan sonra qadın 10-12 dəqiqə arxası üstə və ya diz-dirsək vəziyyətində qalmalıdır!

Hər 5-6 seansdan bir qadının vəziyyəti və nəticələr qiymətləndirilir.

Göstərişlər

Ginekoloji massaj qadın cinsiyyət orqanlarının müxtəlif xəstəliklərində və anomaliyalarinda tətbiq olunur. Tipik göstərişlər aşağıdakılardır:

  • bitişmə prosesləri
  • uşaqlıq və digər daxili cinsiyyət orqanlarının xroniki iltihabi prosesləri
  • uşaqlığın anomal vəziyyəti
  • uşaqlığın tonusunun azalması, damar distoniyası, fibrozu
  • uşaqlıqda durğunluq və bağ-əzələ zəifliyi ilə əlaqədar artıq hərəkətliliyi
  • qazanılmış cinsi soyuqluq, vaginizm
  • amenoreya, ağrılı aybaşı və digər aybaşı pozğunluqları
  • sonsuzluq və adəti düşüklər.

Ginekoloji masaj haqqında çoxsaylı müsbət rəylər onun əhəmiyyətini və effektivliyini sübut edir. Əsas odur ki, onu həqiqətən profesional mama-ginekoloq aparsın.

Məhdudiyyətlər

Masaj aşağıdakı hallarda aparılmır:

  • aybaşı vaxtı
  • hamiləlik (və ya şübhə) və laktasiya vaxtı
  • doğuşdan, abortdan və ginekoloji əməliyyatlardan sonra 2 ay ərzində
  • infeksion-iltihabi xəstəliklərin kəskin fazasında, gizli infeksiyaya şübhə olduqda
  • peritonun və ginekoloji orqanların vərəmində
  • kiçik çanaq orqanlarının irinli xəstəliklərində.

Əks-göstərişlər

Ginekoloji masaja əks-göstərişlər bunlardır:

  • uşaqlığın anadangəlmə anomal vəziyyətləri
  • uşaqlıq və artımların törəmələri
  • uşaqlıq boynu eroziyası, endometriozu, qanaması
  • çanaq venalarının tromboflebiti
  • ginekoloji xəstəliklərlə yanaşı bəzi bağırsaq xəstəlikləri
  • masaj vaxtı və ya sonrakı dövrdə baş verən kəskin ağrılar.

Ginekoloji masaj və sonsuzluq

Əgər sonsuzluq bitişmə, uşaqlığın anomal vəziyyəti, amenoreya ilə əlaqədar olarsa, ginekoloji masajdan köməkçi-müalicə metodu kimi istifadə olunmalıdır.

Sonsuzluğun bütün səbəblərini manual terapiya aradan götürə bilməz!

Müalicə olunmamış xəstəliklərdən arzuolunmaz ağırlaşmaların olmaması üçün masaj kursu başa çatana qədər hamiləlikdən qorunmaq məsləhət olunur.

Nəticə

Ginekoloji masaj daha fiziloji, orqanizm üçün təbii təsir metodu olmaqla bir çox ginekoloji xəstəliklərin və anomaliyaların, o cümlədən sonsuzluğun və xroniki düşüklərin müalicəsində müvəffəqiyyətlə tətbiq olunur

Bu müasir aparatla müalicə mütodlarına gözəl alternativdir.

Bu qadın orqanizminə maksimal qoruyucu, cərrahi əməliyyatsız, antibiotik və hormonsuz təsir vasitəsidir!

Bu gün hər bir həkim-ginekoloq bir əsrlik tarixi olan bu müalicə metoduna yiyələnməli və aktiv tətbiq etməlidir.

Müalicə kursu uzun çəkə bildiyi üçün xəstələr daimi ginekoloqun nəzarətində olmalıdırlar.

Bu məqaləni qiymətləndirin:

Həmçinin oxuyun:

 

Şərhlər (0)

Hələ şərh yazılmayıb. Siz birinci olun.

Öz şərhinizi yazın

Qonaq kimi şərh yazın 0
0 simvol
Вложения (0 / 3)
Share Your Location

Online Konsultasiya

Bizim qiymətlərimiz

Populyar məqalələr

17 iyun 2017
Uşaqlığın sallanması – çanaq orqanlarının prolapsının (yerdəyişməsi, sall...
5013 Baxış
10 iyul 2017
Sidik qaçırma (və ya inkontinensiya) bəziləri tərəfindən yaşlı adamların tipik p...
2931 Baxış
14 oktyabr 2017
İki bədənin məhəbbətlə birləşməsinin zirvəsində möcüzə baş verir – yeni həyat ya...
2837 Baxış

Son şərhlər

Ramilə Abbaszadə şərh yazıb Uşağın cinsinin hesablanması cədvəli
Salam. Çox vaxt düz çıxır. Amma əlbəttə ki 100% deyil.
Ramile xanim bu teqvimin duz cixma wansi var?cun ki iki oglum var qiz isdeyirem burda da qiz cixir?x...
Qiz duwur onda cox sagolun bunun sef cixma ehtimali var, Ramile xanim
Ramilə Abbaszadə şərh yazıb Uşağın cinsinin hesablanması cədvəli
Bəli, düzdür. Avqusta qədər 21 hesablanır.
Menim yawim 21 di avqusda 22olacaq onda hal hazirda ki yawima baxim?21 re

Son soruşulanlar

Kishi sonsuzlugunu
Salam! Kishi sonsuzlugu ile bagli mutesessis meslehetine ehtiyacimiz var. Once...
1 cavab
Cinsi elaqe
Salam. Qiz uwaqi ilk defe cinsi elaqede olub.olduqu vaxti kiwinin cinsiyyeti son...
3 cavab
Hamiləliyin təqibi
Salam, Ramilə xanım. Siz hamiləlik aparırsınız?...
2 cavab

Diqqət!

Saytda verilən məlumatlar yalnız informasion xarakter daşıyır. Özbaşına müalicə sizin sağlamlığınıza ziyan vura bilər! Hər bir məsələ barədə öz müalicə həkiminizlə əlaqə saxlayın.

Bizim yerimiz