Sağlam olun!

Bizim məsləhətlərlə

Keysəriyyə əməliyyatından sonrakı çapıqlar

cover
Hamı bilir ki, keysəriyyə əməliyyatından sonra qarında çapıq qalır, çünki, bu əməliyyatı icra edərkən həkimlər qarın divarında və uşaqlıqda kəsik aparırlar. Bu zaman uşağı zədəsız xaric etmək üçün kəsik bir qədər böyük alınır.

Keysəriyyə əməliyyatından sonra tikişlər: növləri

Keysəriyyə əməliyyatında kəsiyin növü bilavasitə doğuşun gedişindən asılıdır, məsələn, dölün kəskin hipoksiyasında və ya hamilədə güclü qanaxma olarsa, hakimlər korporal keysəriyyə əməliyyatı etmək qərarı verə bilərlər. Bu o deməkdir ki, kəsik qarında göbəkdən qasığa qədər vertikal keçəcək.

Uşaqlıq divarı isə boylama kəsiklə açılır. Lakin keysəriyyənin bu növü nadir hallarda aparılır, çünki, belə tikiş çox eybəcər görünür – o cox nəzərə çarpır, vaxt keçdikcə qalınlaşır və ölçüləri böyüyr.

Adətən keysəriyyə əməliyyatı Pfannenştil laparotomiyası ilə aparılır. Bu zaman dəri və dərialtı toxumalar qasıqüstü büküşlə köndələn istiqamətdə kəsilir. Kəsiyin köndələn istiqaməti və təbii dəri büküşündən keçməsi əməliyyatdan sonrakı çapığı praktiki olaraq ğörünməz edir.

Keysəriyyə əməliyyatından sonra kosmetik tikiş məhz Pfannenştil kəsiyindən sonra qoyulur. Korporal kəsikdən sonra toxumalara düşən gərginlik çox olduğu üçün ayrı-ayrı düyünlü tikişlərin qoyulması tələb olunur, kosmetik tikiş isə buna heç cür yaramır.

Uşaqlığın divarına qoyulan daxili tikişlərin isə çox müxtəlif variantları var, məsələn, aparat texnikasından istifadə etmək olar. Burada əsası uşaqlıq yarasının sağalması və qanaxmanın azalması üçün yaxşı şəraitin olmasıdır, beləki, tikişlərin bərkliyindən sonrakı hamiləliklərin nəticəsi asılıdır.

Keysəriyyə əməliyyatından sonra ağrısızlaşdırma

Bir qayda olaraq keysəriyyə əməliyyatından sonra tikişlərin çox ağrımaması üçün ağrıkəsicilər təyin olunur. Onları adətən ilk günlər istifadə edirlər, sonra tədricən imtina edirlər. Ağrıkəsicilərdən başqa infeksion ağırlaşmalardan uzaq olmaq üçün antibiotiklər də təyin oluna bilər.

Keysəriyyədən sonra həmçinin uşaqlığı yığdıran və mədə-bağırsaq traktının funksiyalarını normallaşdıran preparatlarsız da keçinmək olmur. Üçüncü gündən sonra praktik olaraq qadınların əksəriyyəti preparatlardan imtina edirlər, 6 sutkadan sonra isə tikişlər əgər sovrulan deyilsə sökülür.

Yara sağaldıqdan sonra praktik olaraq nəzərə çarpmır və anaya əlavə narahatçılıq yaratmır. Əlbəttə, o, həkimlərin məsləhətlərinə əməl edib və yaraya düzgün qulluq etsə.

Keysəriyyə əməliyyatından sonra tikişlərə necə qulluq etməli?

Doğum evində olduğunuz müddətdə yaranın işlənməsini və sarğının dəyişdirilməsini tibb personalı həyata keçirir, evə yazılarkən isə həkim sizə yaraya ev şəraitində necə qulluq etməli olduğunuzu izah edəcək.

Əsas yadda saxlamaq lazımdır ki, həkimlər yalnız tikişlər söküləndən sonrakı gün duş qəbul etməyə icazə verəcəklər. Əgər əməliyyatdan sonrakı dövrdə ağırlaşmalar yaranarsa, həkim yaranın yaxşı sağalması üçün əlavə məlhəmlər təyin edə bilər.

Əməliyyatdan sonrakı dövrdə hansı fəsadlar ola bilər?

Bunlar erkən və ya bir müddət sonra yarana bilər. Adətən erkən ağırlaşmalar özünü hələ doğum evində olarkən, tikişlər sökülənə qədər göstərir.Bunlara kiçik hematomalar və qanaxma aiddir. Siz onları asanlıqla görəcəksiniz — sarğı qanla islanacaq. Əgər bu baş verərsə tibb personallarına təcili xəbər verməlisiniz ki, yara irinləməsin.

Həmçinin tikişlərin açılması baş verə bilər. Bu ağırlaşma tikişlər söküləndən 1-2 gün sonra, yəni 7-10-cu sutkalar təhlükəlidir. Bunun olmaması üçün gərginlikdən və fiziki hərəkətlərdən uzaq olmaq lazımdır. Əgər tikişlərin hətta kiçik məsafədə aralandığını görsəniz, özünüz müalicə etməyə cəhd etməməli, dərhal həkimə müraciət etməlisiniz.

Həmçinin yaranın irinləməsi ola bilər. Bunun qarşısını almaq üçün doğum evində siz antibakterial terapiya alırsınız, ancaq buna baxmayaraq bəzi hallarda yara irinləyir.

Əvvəlcə qızartı və şişkinlik əmələ gəlir, ağrı hissi ola bilər, onda sarğı xüsusi antiseptik məhlullarla qoyulur, əgər xəstənin vəziyyəti ağırlaşarsa – temperaturu qalxar, ümumi halı pisləşərsə, onda həkimlər antibiotik yazıb müalicəni davam etdirmək üçün sizi ginekologiya şöbəsinə keçirə bilərlər.

Gecikmiş ağırlaşmalar

Belə ağırlaşmalar dərhal yaranmır, ola bilər bir neçə ay keçmiş olsun. Bunlardan ən çox rast gəlinəni — liqatura fistuludur. Keysəriyyədən sonra bu ağırlaşma çox qadında rast gəlinir. Orqanizm tərəfindən tikiş materialı qəbul edilmədikdə yaranır.

Liqatura fistulunun əmələ gəlmə prosesi uzundur: əvvəlcə şişkinlik, sonra qızartı və ağrı hissi əmələ gəlir, nəhayət irin axır. Yaraya diqqətlə baxdıqda, orada səbəbkarı – sapı görmək olar. Özbaşına müalicə – antiseptik məhlul və kremlərlə sarğı mənasızdır, fistula gah bağlanacaq, gah da yenidən açılacaq. Ona görə sapı çıxartmaq üçün həkimə müraciət etmək lazımdır.

Keysəriyyə əməliyyatından sonrakı çapıqların korreksiya üsulları

Adətən keysəriyyə əməliyyatında həkimlər çalışırlar ki, tikiş səliqəli alınsın və 8-12 ay sonra nəzərə çarpmasın. Lakin, əməliyyat əməliyyatdır və istənilən halda ondan sonra çapiq yaranır, kimisində az, kimisində çox nəzərə çarpir. Buna görə əməliyyatdan bir neçə ay sonra siz çapığı götürmək haqqında fikirləşəcəksiniz.

Hazırda bu problemlə xüsusi estetik klinikalarda çox effektiv məşğul olurlar, cəmi bir neçə seansa lazerin köməyilə sizi çapıq toxumadan azad edə bilərlər. Lazer korreksiyasına getməzdən qabaq həkimlə məsləhətləşmək lazımdır ki, o, tikişin vəziyyətinə görə proseduranı nə vaxt keçməyin daha yaxşı olduğunu təyin eləsin.

Həmçinin oxuyun:

 

Şərhlər

Hələ şərh yazılmayıb. Siz birinci ola bilərsiniz.
Qeydiyyatdan keçmisiniz? Sayta daxil ol
Qonaq
21.11.2018

Online Konsultasiya

Bizim qiymətlərimiz

Populyar məqalələr

13 avqust 2018
Materialda Dr. Ramilə Abbaszadənin qadınlarda sidikqaçırma problemi haqqında www...
27002 Baxış
17 avqust 2017
Əgər aybaşı gecikməsinin səhəri günü qadın hamilə olduğunu dəqiq bilsəydi, hər ş...
15013 Baxış
17 iyun 2017
Uşaqlığın sallanması – çanaq orqanlarının prolapsının (yerdəyişməsi, sall...
14833 Baxış

Son şərhlər

Qonaq - Sabina Klimaks nə vaxt və necə başlayır, nə qədər davam edir və onu necə yüngülləşdirmək olar
12 noyabr 2018
Coxsagolun hekim muselmanin sonraki agli, men narahatam cali...
Ramilə Abbaszadə Klimaks nə vaxt və necə başlayır, nə qədər davam edir və onu necə yüngülləşdirmək olar
11 noyabr 2018
Salam. Bəli klimaks ilə əlaqədar ola bilər. Baxmaq lazımdır
Qonaq - Sabina Klimaks nə vaxt və necə başlayır, nə qədər davam edir və onu necə yüngülləşdirmək olar
11 noyabr 2018
Salam anamin 48 yawi var onda isdilik ancaq bawinda olur bu ...

Son soruşulanlar

Bakirelik
Salam hekim.  Menim qizim 2.7 ayliqdi. Bu gun eynini deyisende qizliq perdesi ye...
1 cavab
Abort
Salam medikamentoz abortun qiymeti neceyedir?hansisa bir fesad ola bilermi?...
1 cavab
Cinsi elaqe
Salam. Qiz uwaqi ilk defe cinsi elaqede olub.olduqu vaxti kiwinin cinsiyyeti son...
7 cavab

Konsultasiya üçün
qəbula yazılın

Qəbula yazıl

*Adınızı və telefon nömrənizi mütləq yazın

Qəbula yazıl

Əməliyyat uğurla başa çatdı. 20 dəqiqə müddətində sizinlə əlaqə saxlayacağıq.

Diqqət!

Saytda verilən məlumatlar yalnız informasion xarakter daşıyır. Özbaşına müalicə sizin sağlamlığınıza ziyan vura bilər! Hər bir məsələ barədə öz müalicə həkiminizlə əlaqə saxlayın.

Bizim yerimiz