Sağlam olun!

Bizim məsləhətlərlə

Kişi sonsuzluğu nədir

cover

El arasında geniş yayılmış "əgər qadın hamilə qala bilmirsə, demək özü günahkardır" fikri çox yanlışdır. Alimlər artıq çoxdan sübut etmişlər ki, sonsuzluq kişilərdə qadınlardan az rast gəlinmir. Əgər bir il ərzində qorunmadan requlyar cinsi həyat yaşamaqla mayalanma baş tutmazsa, onda kişinin reproduktiv sistemində problemin olma ehtimalı təxminən 45% təşkil edir.

Cütlüyün sonsuzluğa görə müayinəsi

Müalicə başlamazdan öncə, sonsuzluğun səbəblərini aydınlaşdırmaq üçün hər iki fərd lazımi müayinələrdən keçməlidirlər. Sonsuzluğun səbəbi tapıldıqdan sonra, həkimlər çalışırlar ki, onu aradan götürsünlər. Məsələn, mayalanmaya uşaqlıq borularındakı bitişmələr maneçilik törədərsə, cərrahi yolla onların keçiriciliyi bərpa edilir. Əgər səbəb spermatozoidlərin sayının azlığındadırsa - kişiyə uyğun müalicə təklif olunur.

Yeri gəlmişkən kişinin çoxalma qabiliyyəti tamamilə spermanın miqdarından və keyfiyyətindən asılıdır, nəinki onun seksual aktivliyindən. Hər saniyə kişi orqanizmində mindən çox spermatozoid əmələ gəlir. Cinsi yetkinlik başlayandan ölənə qədər bu proses dayanmadan davam edir. Və bunlar hamısı ondan ötrüdür ki, nə vaxtsa ən sürətli və həyat qabiliyyətli spermatozoid qadının yumurtahüceyrəsinə çatsın və onu mayalandırsın.Lakin təəssüf ki, bu prosesi poza bilən çoxsaylı xəstəliklər və qeyri-əlverişli amillər mövcuddur.

Kişi sonsuzluğunun əsasında üç problem durur

  • spermatozoidlərin yararsızlığı (onların hərəkətliliyinin və həyat qabiliyyətinin pozğunluğu);
  • onların sayının kəskin azalması;
  • onların toxumdaşıyıcı yollarla keçməsinin pozulması.

Mütəxəssislərin hesablamalarına görə bunları 10-dan çox səbəb törədə bilər.

Kişi sonsuzluğunun ən çox rast gəlinən səbəbləri:

  1. Varikosele (15% halda) - xaya venalarının genəlməsi. Varikoselenin nəticəsində xayalarda temperatur qalxır, onların fəaliyyətı pozulur və spermatozoidlər zədələnir.
  2. Kişi cinsiyyət orqanlarının travma və defektləri (xayaların enməməsi və burulması) - 10-12%.
  3. İnfeksion xəstəliklər - 10% halda. İlk növbədə cinsi yolla ötürülənlər: qonoreya, sifilis, xlamidioz, trixomoniaz və s. Amma kişilərə bütün cinsi infeksiyalardan da pis adi uşaq xəstəliyi - parotit (el arasında "qulaqdibi" və ya "svinka" kimi tanınan) təsir edir.
  4. Kişi sidik-cinsiyyət orqanlarının iltihabı, məsələn prostatit və ya uretrit.
  5. Seksual pozğunluqlar: ereksiyanın pozulması, vaxtından qabaq boşalma və s.
  6. İmmunoloji pozğunluqlar: immunitet pozulduqda orqanizmdə öz spermatozoidlərini zədələyə bilən xüsusi maddələr əmələ gəlir.
  7. Hormonal pozğunluqlar, məsələn, kişi cinsi hormon - testosteronun defisiti.
  8. Nəhayət, kişi sonsuzluğunu bir sıra xarici amillər törədə bilər: psixotrop maddələr (spirt, tütün, medikamentlər), pis ekologiya (radiasiya, pestisidlər, vitamin C və sink çatmazlığı) və hətta öz orqanizmilə ehtiyatsız davranma (həddən artıq sıx paltar, tez-tez saunaya getmək, idmanda həddən artıq yüklənmə) və s.

Yeni metodlar

Əgər hətta sonsuzluğun səbəblərini aradan götürmək mümkün olmasa da, müasir metodların köməyilə uşaq mayalandırmaq şansı yenə də qalır:

  • yumurtalıqların stimulyasiyası (ovulyasiyanın pozulması və ya olmamasında tətbiq edilir);
  • aşılama (kişilərdə cinsi zəiflik zamanı, spermatozoidlərin sayının və aktivliyinin azalmasında, qadın orqanizminin sperma komponentlərinə allergik reaksiyasında tətbiq edilir);
  • Ekstrakorporal mayalanma - EKM (yumurtahüceyrənin sınaq şüşüəsində mayalandırılması və bilavasitə uşaqlıq boşluğuna qoyulması);
  • ICSI - (EKM-in bir növüdür, spermatozoidin nüvəsi bilavasitə yumurtahüceyrənin sitoplazmasına yeridilir);
  • sperma donorluğu;
  • oositlərin donorluğu (donor yumurtahüceyrə istifadə edilir);
  • surroqat analıq (bu halda EKM aralıq metod kimi istifadə edilir).

İmkanlar çoxdur. Baxmayaraq ki, uğurlu nəticəyə 100%-lik zəmanət yoxdur, lakin müasir təbabətin nailiyyətləri çox insanlara valideynlik hissləri bəxş etmişdir.

 

Şərhlər

Hələ şərh yazılmayıb. Siz birinci ola bilərsiniz.
Qeydiyyatdan keçmisiniz? Sayta daxil ol
Qonaq
16.10.2018
Əgər bizim saytda qeydiyyatdan keçmək istəyirsinizsə, aşağıdakı formanı doldurun.

Online Konsultasiya

Bizim qiymətlərimiz

Populyar məqalələr

13 avqust 2018
Materialda Dr. Ramilə Abbaszadənin qadınlarda sidikqaçırma problemi haqqında www...
26918 Baxış
17 iyun 2017
Uşaqlığın sallanması – çanaq orqanlarının prolapsının (yerdəyişməsi, sall...
14076 Baxış
17 avqust 2017
Əgər qadın aybaşı gecikməsinin səhəri günü hamilə olduğunu dəqiq bilsəydi əla ol...
12417 Baxış

Son şərhlər

Ramilə Abbaszadə Uşağın cinsinin planlaşdırılması
25 sentyabr 2018
Salam. XQ analizi versəniz hər şey bəlli olar.
Qonaq - Lalə İsayeva Uşağın cinsinin planlaşdırılması
25 sentyabr 2018
Salam axırıncı aybaşım sentyabrın 1i baslamışdı,8 sentyabr i...
Ramilə Abbaszadə Mayalanma necə baş verir?
23 sentyabr 2018
Salam. Xeyr, təəssüf ki mayalanmanın baş vermə ehtimalı 100%...

Son soruşulanlar

Abort
Salam medikamentoz abortun qiymeti neceyedir?hansisa bir fesad ola bilermi?...
1 cavab
Cinsi elaqe
Salam. Qiz uwaqi ilk defe cinsi elaqede olub.olduqu vaxti kiwinin cinsiyyeti son...
7 cavab

Diqqət!

Saytda verilən məlumatlar yalnız informasion xarakter daşıyır. Özbaşına müalicə sizin sağlamlığınıza ziyan vura bilər! Hər bir məsələ barədə öz müalicə həkiminizlə əlaqə saxlayın.

Bizim yerimiz