Hər gün 9:00-dan 16:00-dək
Bazar günü işləmirik

Bizim məsləhətlərlə

Sağlam olun

Dərman abortu (VİDEO)

FOTO: Medikamentoz abort

Dərman abortu və ya dərmanla uşaqsalma – arzuolunmaz hamiləliyi erkən dövrlərdə xüsusi antigestagen dərmanların köməyilə, cərrahi müdaxilə etmədən pozmağa imkan verən yeni üsuldur.

Dərman abortu üçün işlədilən preparatlarda xüsusi maddə – mifepriston olur, hansı ki, hamiləliyi qoruyan progestron hormonunun təsirini blokada edir. Onun təsir mexanizmi döl qişalarının uşaqlıq divarından soyulmasına əsaslanır. Əzələ yığılmalarını artırmaq üçün xüsusi maddələr – prostaqlandinlər təyin olunur. Uşaqlıq əzələləinin intensiv yığılması nəticəsində döl yumurtası uşaqlıq boşluğundan çölə atılır. Demək olar ki, qadında süni düşük baş verir. Statistikaya görə, medikamentoz abortun effektivliyi 95-98%-ə çatır.

Dərman abortunun üstünlükləri

  • dərman abortunu hamiləliyin ən erkən mərhələlərində aparmaq olar, yəni, aybaşı ləngiməsinin ilk günündən 42-ci gününədək (yəni 6 həftəyə qədər). Sonra onun effektivliyi kəskin azalır!
  • dərman abortu cərrahi müdaxilə deyil! Qadın yalniz həkimin nəzarəti altında mifepriston tərkibli xüsusi preparat qəbul etməlidir;
  • uşaqlıq və boynu mexaniki təsirə məruz qalmır və bu səbəbən onların zədələnmə riski yoxdur;
  • narkoza ehtiyac olmur;
  • dərman abortunun mənfi nəticələri hamiləliyin digər pozulma üsullarına nisbətən bir neçə dəfə aşağıdır.

Dərman abortuna əksgöstərişlər

  • kəsikin/xroniki böyrək və qaraciyər çatmazlığı;
  • uşaqlıqdankənar hamiləliyə şübhə;
  • 42 gündən artıq (6 həftədən çox) hamiləlik;
  • uşaqlıqdaxili kontrasepsiya fonunda baş vermiş hamiləlik;
  • kortikosteroid preparatlarla uzunmüddətli müalicə;
  • mifepristona fərdi həssaslıq;
  • porfiriya;
  • uşaqlıq mioması;
  • ağır anemiya;
  • hemostazın pozğunluqları (eyni zamanda əvvəl aparılmış antikoaqulyant terapiyası);
  • qadın cinsi orqanlarının iltihabi xəstəlikləri;
  • mədə-bağırsaq orqanlarının iltihabi xəstəlikləri.

Ehtiyatla

  • 35 yaşından yuxarı siqaret çəkən qadınlar;
  • uşaqlıqda postoperasion çapıq;
  • arterial hipertenziya (hipertoniya xəstəliyi);
  • laktasiya (ana südü ilə qidalanmanı 14 gün müddətinə kəsmək lazımdır).

Dərman abortu necə aparılır

İlkin baxış

İlk dəfə qəbulda ginekoloq qadına baxır, hamiləlik diaqnozu qoyur və onun müdətini təyin edir. Həkim dəqiq bilməlidir ki, medikamentoz aborta əksgöstəriş yoxdur və pasientə qərar qəbul etmək üçün vaxt verməlidir.

Abortun birinci mərhələsi

Hamiləliyi pozmaq üçün pasient elə həkimin qəbulunda 600 mq mifeproston (3 tablet) qəbul edir və 2 saat müddətində müşahidədə qalır. Sonra o, abortun ikinci mərhələsi üçün preparatları və lazımi məsləhətləri alır.

Abortun birinci mərhələsində qarnın aşağısında spastik ağrılar və cinsiyyət yolundan ifrazat ola bilər, hansı ki, normal sayılır.

Abortun ikinci mərhələsi

Mifepriston qəbulundan 36-48 saat sonra qadın evdə həkimin verdiyi dərmanları (Mizoprostol, Mirolyut və ya digərləri) qəbul edir.

Bu mərhələdə qadınların əksəriyyətində döl yumurtasının uşaqlıqdan qovulması baş verir. Bütün gün ərzində ev şəraitində olmaq daha yaxşı olar. Hər bir qadında ağrı sindromunun və qanlı ifrazatın intensivliyi fərdi xarakter daşıyır. Həkim məsləhətlərinə əməl etmək və yalnız icazə verilən ağrıkəsicilərdən istifadə etmək çox vacibdir.

Yoxlanış

Mifepriston qəbulundan 7-14 gün sonra təkrar baxış və kontrol USM aparılır. Lazım gəldikdə qanda xorionik qonadotropin – XQ-nin miqdarı təyin olunur. Əgər abort effektsiz olarsa (natamam abort və ya davam edən hamiləlik), onda, vakuum aspirasiya aparılır.

DİQQƏT!!! Medikamentoz abortdan dərhal sonra kontrasepsiya istifadə edilməlidir, belə ki, növbəti hamiləlilk sonrakı aybaşıya qədər ola bilər.

Dərman abortu üçün preparatlar

Medikamentoz abort üçün lazım olan preparatlar yalnız bu tip xidmətləri göstərməyə lisenziyası olan tibb müəssisələrində olur. Heç vaxt aşağıda sadalanan preparatları naməlum yerlərdən almayın! Yadda saxlayın, medikamentoz abortu yalnız sertifikatlı həkim-ginekoloq aparmalıdır.

Videomaterial

Dərman abortu haqqında bizim youtube kanalımızda yerləşdirilmiş videoçarxa baxın:

Həmçinin oxuyun:

 

Ginekoloqa sual ver

Bizim qiymətlərimiz

Hamiləliyin hesablanması

Cinsin hesablanması

Konsultasiya üçün
qəbula yazılın

*Adınızı və telefon nömrənizi mütləq yazın

Qəbula yazıl

Əməliyyat uğurla başa çatdı. 20 dəqiqə müddətində sizinlə əlaqə saxlayacağıq.

Diqqət!

Saytda verilən məlumatlar yalnız informasion xarakter daşıyır. Özbaşına müalicə sizin sağlamlığınıza ziyan vura bilər! Hər bir məsələ barəsində öz müalicə həkiminizlə əlaqə saxlayın.

*Adınızı və telefon nömrənizi mütləq yazın

Mesaj göndərildi

Mesajınız uğurla göndərildi. 20 dəqiqə ərzində sizinlə əlaqə saxlayacağıq.