Qadının cinsiyyət orqanları — ideal balanslaşdırılmış sistem əmələ gətirir, lakin təmizlik dalınca qaçaraq, biz tez-tez həddən artıq səy göstəririk. Baxaq görək, bu niyə yaxşı deyil və ümumiyyətlə genital orqanlara necə qulluq etmək lazımdır.

"Mən vaginamı yumuram" — amerikalı Stivinin (YouTube kanalında seksual savadlılıq mövzusunda bloq aparır) videosu belə başlayırdı, hansı ki, altında 7 minə qədər şərh yazılmışdı.

Bu 2014-cü ildə olmuşdu, hazırda belə məsələlər internetdə geniş müzakirə mövzusudur. Bunlara tez-tez mütəxəssislər də qoşulur.

Bizim orqanizmimizdə ən çirkli yer — ağız boşluğudur, lakin qadınlar nədənsə məhz vaginanı yumağa çalışırlar. Demək olar ki, o nahiyənin çirkli olmasına heç bir səbəb yoxdur, yalnız kişilər tələb edirlər ki, vaginadan çiçək ətri gəlsin.

Gəlin arqaşdıraq görək, sağlamlığı qorumaq üçün genital orqanlara necə qulluq etmək lazımdır.

1. Uşaqlıq yolu — ideal balanslaşdırılmış sistemdir

"Million illər ərzində, bədənin bu hissəsi özünün yüksək effektli təmizlik sisteminin yaradıb", — The Daily Mail qəzetinə britaniyalı ginekoloq-konsultant, doktor Ostin Uqvumadu (Austin Ugwumadu) deyir.

Amerikalı ginekoloq, doktor Alissa Dvek (Alyssa Dweck) təsdiq edir: "uşaqlıq yolu inanılmaz dərəcədə özünü təmizləyən mühitdir. Onun infeksiyalardan qorunmaq üçün turş mühit yaratmaq xassəsi var".

İel tibb məktəbinin mamalıq, ginekologiya və reproduktiv elmlər üzrə professoru, doktor Meri Jeyn Minkinin (Mary Jane Minkin) fikrincə, vaginanı sadəcə olaraq sakit buraxmaq lazımdır: "sizin hərəkətləriniz uşaqlıq yolunda turşu balansını pozur və təbii qoruyucu bakterial floranı məhv edə bilər, hansı ki, sağlamlıq üçün vacib lazımdır".

Qeyd edək ki, uşaqlıq yolunda pH-ı 3.8-4.4 arasında dəyişən turş mühit var. İntim gigiyena üçün istifadə edilən vasitələr turş (pH 3.5-ə qədər) və neytral (pH 5-ə qədər) olur.

Tibb elmləri namizədi Tatyana Rumyanseva yazır: "bir tədqiqatda göstərilir ki, bakterial vaginozun sandart müalicəsinə turş pH-lı gel əlavə etdikdə residivlərin sayı azalır. Lakin bir araşdırma ilə heç vaxt uzunmüddətli nəticə çıxartmaq olmaz. Hətta biz belə tədqiqatlara inansaq belə, gellər yalnız residivləşən bakterial vaginozu olan qadınlara lazımdır".

Neytral pH-lı gigiyenik vasitələrin istifadəsi isə prinsipcə mənasızdır.

Onlar haqqında Rumyanseva belə deyir: "Onların intim sağlamlıq üçün nə xeyri, nə də ziyanı var. Əksinin isə sübutu yoxdur".

Və yəqin ki, belə vasitələr sizə uyğun gələ biləcək adi duş gelindən və ya sabundan dəfələrlə bahadır. Rumyanseva əlavə edir ki, "indi bazarda neytral pH-lı çoxlu gigiyenik vasitələr var ki, onları ayrı-ayrı hissələrə deyil, bütün bədən üçün istifadə etmək olar".

2. Sprinsevasiya — ziyandır

Qadın forumları və hətta ginekoloqlar da məsləhət görürlər ki, uşaqlıq yolu profilaktik məqsədlə periodik olaraq antiseptiklə, məsələn xlorheksidinlə yuyulmalıdır. Bilin, bunu etmək olmaz.

Sprinsevasiya adətən daha çox ziyan verir, nəinki xeyir. O, laktobakteriyalar da daxil olmaqla "yaxşı" mikrobları öldürə bilər, hansı ki, bizə pH balansını saxlamaq üçün lazımdır. Sprinsevasiya üçün satılan komplektlərin bəzilərində aromatik əlavələr və ya antiseptiklər var, hansı ki, selikli qişanı ciddi şəkildə qıcıqlandıra bilər.

Uşaqlıq yolu özü özünü təmizləyir, onu su, sirkə və ya başqa məhlullarla yumağa ehtiyac yoxdur.

Alt paltarına çıxan ifrazat qıcıqlandırır, amma bu çirk və ya xəstəlik əlaməti deyil. Bu, orqanizmin sağlam, normal funksiyasıdır.

İfrazata vaginal "barometr" kimi baxmaq olar. Əgər əminsinizsə ki, sizdə xəstəlik yoxdur, ifrazat isə dəyişməmişdir, onda bu bir qayda olaraq estrogenlərin, qandövranının və vaginal pH-ın normal səviyyəsi deməkdir. Bu o deməkdir ki, uşaqlıq yolu sağlamdır və özünü zərərverici amillərdən təmizləyə bilir.

Lakin, əgər siz ifrazatın miqdarının, rənginin və ya iyinin dəyişməsini hiss etsəniz, onda həkimə müraciət etmək lazımdır. Bu infeksya əlaməti ola bilər.

3. Vulvanı yumaq lazımdır, lakin çox güman ki, siz onu düzgün etmirsiniz

Əgər uşaqlıq yolu özünü təmizləməyə qadirdisə, vulvanı cinsiyyət dodaqları da daxil olmaqla — yumaq lazımdır.

Vulvanın büküşlərində bakteriyalar və smeqma — dəri yağının və ölmüş epitel hüceyrələrinin toplantısı ola bilər. Bunu yumaq lazımdır, amma çox güman ki, siz bundan ötrü həddən ziyadə səy göstərirsiniz. Süngərlə çox sürtmək olmaz. Əgər sabun yoxdursa, adi su ilə də bunu asanlıqla etmək olar.

Kəskin qoxulu sabun vulvada qıcıqlanma və allergik reaksiya verə bilər.

"Biz orqanizmdə ən həssas toxumalar haqqında danışırıq, buna görə də, parfümeriya nə qədər az olarsa, bir o qədər yaxşıdır", — doktor Minkin deyir.

Ekspertlər yumşaq, zəif iyli sabunlar məsləhət görürlər, adi qliserin və ya kastil yağı (zeytun yağı əsasında) da bu işə yarıyar.

Eyni zamanda vulvanı hər gün sabunla yumaq mütləq deyil. "Dərinin həddən artıq təmizlənməsi onun müdafiə qatını poza bilər", — doktor Dvek deyir. Hətta, əgər siz gündə iki dəfə duş qəbul edirsinizsə və ya hər dəfə seksdən sonra yuyunmalı olursunuzsa da, çalışın sabunu bir dəfə istifadə edəsiniz.

Sonra isə genital nahiyəni dəsmalla bərk sürtmak lazım deyil — belə incə həssas orqanlar üçün bu çox kobuddur. Təmiz dəsmalla bir neçə dəfə yumşaq toxunmaq kifayət edir.

4. Vanna aromatizatorları ilə ehtiyyatlı olmalı

Aromatik şamlarla isti vanna — yaxşı relaksasiya verir. Amma aromatik vasitələrdən vannaya əlavə etmək istəsəniz, bu sizin vaginanın xoşuna gəlməz.

Doktor Minkin hesab edir ki, vanna aromatizatorları köpüklər kimi, uşaqlıq yolunun pH-ını dəyişə bilər. Xatırladırıq ki, bu, sizi qıcıqlanma və ya infeksiyaya qarşı daha həssas edə bilər.

Amma bu o demək deyil ki, vanna üçün olan bütün vasitələri atmaq lazımdır. Sadəcə onların istifadəsini ayda bir-iki dəfəyə qədər azaldın. Əgər sizdə qaşınma və ya qıcıqlanma varsa, aromatizatorlardan istifadə etməyin. Həmçinin nəzarət edin görün, belə xoşagəlməz hisslər yeni vasitələrin istifadəsindən sonra da yaranırmı.

5. Hər vaginanın öz unikal qoxusu var və bu da normaldı

Tez-tez narahatçılığa səbəb məhz qoxudur, lakin bu çirklilik göstəricisi deyil. Bu yalnız onu göstərir ki, sizdə vagina var.

Hər bir vaginanın öz unikal ətri var, hansı ki, menstrual tsikldən və qidadan asılı olaraq dəyişə bilər. Və bu tamamilə normaldır.

Onu xüsusi parfumer vasitələri ilə maskalamaq lazım deyil, bu vulvanı çox qıcıqlandırır.

Öz iyini yadda saxlamaq lazımdır ki, onun dəyişməsini, əsas da digər əlamətlərlə, məsələn qaşınma ilə birgə rast gəldikdə tuta biləsən. Bu həkimə getmək üçün səbəbdir.

6. Ətirli bezləri atmaq lazımdır

Aromatlaşdırılmış bez və tamponların mürəkkəb tərkibi var və belə maddələr vulva və vaginanın həssas toxumalarının yaxınlığında olmamalıdır.

Doktor Dvek deyir: "aromatlaşdırılmış tamponlar uçaqlıq yolunun pH balansını pozar, qıcıqlanma və allergik reaksiyalara səbəb ola bilər, ona görə yaxşı olar ki, ətri olmayan vasitələrdən istifadə edilsin".

Qalan hallarda əhəmiyyəti yoxdur nə istifdə edilir: təbii yoxsa süni örtüklü, plastik applikatorla və ya kartonla. Əsas odur ki, gigiyenik vasitə parfümsüz olsun.

7. Keyfiyyətli və rahat alt paltarı — bu çox vacibdir

Yəqin ki sizin bədəni çox sıxan super narahat alt paltarınız var, hansı ki, atmağa əliniz gəlmir.

Sizə narahatçılıq verən alt paltarlarından can qurtarmağın artıq vaxtı çatıb.

Ekspertlər pambıqdan hazırlanmız alt paltarları məsləhət görürlər. Amma rahat olan və dərini tənəffüs etməyə imkan verən strinq və ya pantalonları – fərqi yoxdur, geyinə bilərsiniz.

Əgər genital orqanlara hava dəymirsə, bu maya göbələklərinin inkişaf riskini artırır. Onlar isti və nəm yerlərdə çoxalır, buna görə də bütün günü havakeçirməyən alt paltarlarında oturmaq yaxşı deyil.

8. Gündəlik istifadə olunan əksər kosmetik vasitələr qıcıqlanma verir

"Vulvanın qıcıqlanmasının əsas səbəbi gündəlik istifadə etdiyimiz kosmetik vasitələrə həssaslıq və ya allergiyadır. Onlar qaşınma və anomal ifrazat verə bilər", — doktor Dvek deyir.

Bunlara sizin vulva və ya vagina ilə kontakttda olan lasonlar, sabun, kremlər, spreylər, duş üçün gel və s. aiddir.

Əgər nəm salfetlər intim gigiyena üçün istifadə edilərsə, qıcıqlanma verə bilər.

"Nəm salfetlərdən ehtiyatlı olun: onların tərkibindəki kimyəvi maddələr vulvadan arxa keçəcəyə qədər səpgi verə bilər", — doktor Dvek deyir.

Öz təhlükəsizliyiniz üçün iysiz vasitələr alın. Ətirli lasonları isə əl və ayaqlarınız üçün istifadə edin.

9. Vulvanı requlyar olaraq dəri xərçənginə görə yoxlayın

Genital nahiyəyə günəş işığının düşməməsi o demək deyil ki, orada dəri xərçəngi əmələ gələ bilməz.

Buna görə də həkimlər vulva və ətraf dərini güzgü ilə yoxlamağı məsləhət görürlər. Bu, dəyişiklikləri vaxtında aşkarlamağa kömək edir. Yeni xalları, ləkələri, tez-tez zədələnən hissələri qeyd edin.

Əgər təəccüblü nəsə aşkar etsəniz, onda həkimə müraciət edin.

Nəticə

Beləliklə, aşağıdakıları yadda saxlayın:

1. Uşaqlıq yolu özü özünü təmizləyir.
2. Sprinsevasiyanın ziyanı xeyrindən çoxdur.
3. Vulvanı gündə bir dəfədən çox olmayaraq adi su və ya ətirsiz sabunla yumaq lazımdır.
4. Vanna üçün aromatik və rəngləyici vasitələrdən çox istifadə etməyin.
5. İfrazat — normaldır. Onun dəyişməsinə nəzarət edin.
6. Vaginanın təbii qoxusu — bu da normaldı, ona sprey püskürmək lazım deyil. Qoxunun dəyişməsinə nəzarət edin.
7. Rahat alt paltarları geyinin.
8. Aromatik bez və tamponlardan istifadə etməyin.
9. Vulvanı və ətraf dərini periodik olaraq dəri şişinə görə yoxlayın.