Sağlam olun!

Bizim məsləhətlərlə

Doğuş

FOTO: Doğuş

Doğuş – yetişmiş və formalaşmış dölün uşaqlıq boşluğundan xarici mühitə normal fizioloji qovulma prosesidir.

Ümumi məlumat

Başlanma müddətinə görə vaxtında, vaxtından qabaq və gecikmiş doğuş ayırd edilir. Vaxtında doğuş hamiləliyin 38-42-ci həftəliyində baş verir. Bütün fizioloji proseslər kimi, doğuş da əsasən instinkitiv keçir və neyro-humoral üsulla requlyasiya olunur. Lakin, bu "kiçik mələyin" dünyaya gəlməsinə bir qədər kömək etmək lazımdır.

Hamiləlik və doğuş ağır işdir, hansıki öhdəsindən qadın yalnız özü gələ bilər. Bu zaman akuşerlər, ginekoloqlar və pediatrlar ana və uşağın sağlamlığını qoruyur və gözlənilməz hallarda kömək edir.

Psixoloji durum

Doğuşa düzgün münasibəti və özünəinamı qadın bütün hamiləlik boyu özünə təlqin etməlidir. Bunu gələcək analar üçün olan kurslarda və əlavə materiallarla tanış olmaqla etmək olar. Lap əvvəldən özünü elə hazırlamaq lazımdır ki, doğuş – qorxulu deyil.

Həm də özünü inandırmaq lazım deyil ki, doğuş prosesi tam ağrısızdır. Bu heç də belə deyil və hamı bunu yaxşı bilir. Çalışın fikirləşəsiniz ki, ondan sonra siz körpənizi görəcək, onu bağrınıza basıb öpəcəksiniz. Var gücünüzü toplayın və çalışın uşağınızı elə doğasınız ki, o, bu çətin dövrü rahat keçirsin.

Əslində doğuş prosesi uşaqlar üçün daha ağır və təhlükəlidir. Təsəvvür edin: uşaq sizin isti və yumşaq bədəninizdə yaşayırdı, qanla hazır qida maddələrini və oksigen alırdı, hərdən bir də əl və ayaqlarını tərpədirdi, ancaq indi o, hansısa 5-10 saat ərzində qeyri-adi hərəkətlətlərlə dünyaya gəlir, tənəffüs etməyə başlayır, qışqırır, görür, eşidir, yeyir, içir... Çalışın ona kömək edin, mane olmayın!

Təbii doğuş və ya keysəriyyə əməliyyatı?

Doğuş təbii, yəni təbii doğuş yolları ilə və cərrahi – keysəriyyə əməliyyatı olmaqla iki yerə bölünür. Keysəriyyə əməliyyatı planlı – doğuş bu zaman əvvəlcədən təyin olunur və təcili ola bilər, yəni əməliyyata göstəriş qəflətən meydana çıxır. Keysəriyyə kəsiyi cərrahi əməliyyatdır, bu zaman dölü qarnın ön divarı və uşaqlıqda olan kəsiklərdən çıxarırlar.

Keysəriyə əməliyyatı zamanı qadının həyatı və sağlamlığına olan risk, təbii doğuşdan bir neçə dəfə çoxdur. Buna görə də, digər cərrahi əməliyyatlarda olduğu kimi, keysəriyyə əməliyyatı da ciddi göstərişlər əsasında, təbii doğuş mümkün olmadıqda aparılır. Buna görə də, "mən doğmaq istəmirəm, ağrı olcaq, fiquram pozulacaq, yaxşısı keysəriyyədir" motivasiyası, heç də düzgün deyil. Həm döl, həm də hamilə üçün təbii yolla doğuş ən sağlam və təbiidir.

Harada doğmalı?

"Harada doğmalı?" – bu doğuşdan əvvəl qadının qarşısında duran ikinci ciddi sualdır.

Ən geniş və təhlükəsiz variant stasionardır, yəni doğum evi. Burada hamilə və dölün həyati funksiyaları daimi nəzarət altında olur. Stasionarda doğuşda neanatoloq iştirak edir, hansı ki, doğuşdan sonra uşağın vəziyyətini qiymətləndirir və lazım gəldikdə dərhal tədbirlər görür. Eyni zamanda yaddan çıxartmaq lazım deyil ki, doğuşda da gözlənilməz fəsadlar başa verə bilər, hansı ki, bir qayda olaraq, qəflətən baş verir və təcili tibbi yardım tələb edir.

Doğum evini seçərkən aşağıdakı xidmətlərin olmasına diqqət yetirin: anestezioloji şöbə, uşaq reanimasiyası (hətta normal keçən hamiləlikdən sonra da uşağa təcili reanimasion tədbirlər lazım gələ bilər), qanököçürmə şöbəsi. Statistik məlumatlara fikir verin: il ərzində doğuşların sayına, ana və perinatal ölümə. Doğum evinin rahatlığı böyük əhəmiyyət daşıyır: diqqətcil personal, rahat palatalar, yaxınların içəri keçə bilməsi və s.

Evdə doğuş insanları onunla cəlb edir ki, hamilə adi şəraitdə olur, özünü sərbəst və güvənli hiss edir. Ancaq statistik olraq sübut olunmuşdur ki, evdə fəsadların sayı stasionardakına nisbətən bir neçə dəfə yuxarıdır. Bu onunla izah olunur ki, hamilə və dölün vəziyyəti dinamik müşahidə olunmur və personalın peşəkarlığının olmaması (özünüz müqayisə edin, doğum evində hər gün 20 doğuş tutan akuşeri və ayda 1-2 dəfə evdə olanı).

Amma əgər siz evdə doğmaq qərarı vermisinizsə, onda mümkün fəsdlar zamanı yaxınlıqdakı xəstəxana və ya doğum evinə çatdırılma imkanını nəzərə almalısınız. Əks təqdirdə, siz, nəinki özünüzün, həm də körpənizin həyatı ilə risk edirsiniz.

Doğuş adətən xüsusi çarpayıda, qadının arxası üstə, ayaqları bükülmüş və yanlara aralanmış vəziyyətində qəbul edilir. Yaxın şərq ölkələrində, Hindistanda qadınlar tez-tez çöməlmiş – oturaq vəziyyətdə doğurlar. Bütün dünyada bu cür doğuş son vaxtlar populyarlaşır. Öz həkim-akuşerinizlə bu barədə məsləhətləşə bilərsiniz.

Son dövrlərdə suda doğma da populyarlaşır. Bu zaman doğuşun birinci dövrünün davam müddəti qısalır və yüksək ağrısızlıq effekti yaranır. Suda doğuş üçün xüsusi hovuzdan istifadə edilir. Qeyd etmək lazımdr ki, uşağın doğulması suda yox, kresloda baş verir. Axı insan quruda yaşayır, ona görə də uşağı suda doğmamalıdır.

Doğuş ağrısı

Doğuş müxtəlif dərəcəli ağrı hisslərilə müşayiət olunur. Hər bir qadın psixoloji hazırlığından asılı olaraq, bu ağrını müxtəlif cür qəbul edir.

Bəzi hallarda qadına ağrıkəsici tələb oluna bilər. Ağrısızlaşdırma barədə iki böyük yanlışlıq mövcuddur: bu uşaq üçün təhlükəlidir; doğuş təbii olmalı, mənə ağri verməlidir.

Əslində isə, hamilə bəzən doğuşu müşayiət edən ağrıya hazır olmur. Məsələ burasındadır ki, orqanizm belə doğuşa radikal reaksiya verə bilər: məsələn, doğuş fəaliyyətini dayandır bilər. Belə vəziyyətlərdə ağrısızlaşdırma təkcə anaya kömək etmir, həm də, dölün doğuş yollarından rahat keçməsinə şərait yaradır. Özü də, indi anestezioloqların öhdəsində doğuş ağrısını götürmək üçün, bir yox, bir neçə təhlükəsiz variant var. Bu, müxtəlif sedativ vasitələr, analgetiklər və ya epidural anesteziya ola bilər. Doğuşu ağrısızlaşdırmaq üçün istifadə olunan preparatlar, doğuş fəaliyyətini zəiflətmir, uşağa mənfi təsir göstərmir.
Anesteziyanın variantlarını anestezioloqla əvvəlcədən müzakirə etmək lazımdır. Sözsüz ki, icazəniz olmadan, sizə heç kim heç bir manipulyasiya etməz. Yalnız nadir hallarda, əgər pasientin və ya onun uşağının həyatı üçün təhlükə olarsa, həkimin özbaşına bu və ya digər prosedur və ya manipulyasiyalar aparmaq hüququ var.

Doğuş prosesi

Doğuş üç dövrdən ibarətdir: Doğuşun birinci – sancı dövründə uşaqlıq boynunun açılması baş verir. Doğuşun ikinci – qovma və ya gücənmə dövründə uşağın doğulması baş verir. Doğuşun üçüncü – son dövründə, ciftin doğulması baş verir. Sancılar – uşaqlığın requlyar yığılması olub, qarnın aşağısında və/və ya beldə ağrılarla müşayiət ounur. Başlanğıcda sancılar zəif olur, bir neçə saniyə çəkir və aralarındakı müddət 10-12 dəqiqə təşkil edir. Bəzən sancılar dərhal başlayır, 5-6 dəqiqədən bir olur, lakin çox da güclü olmur. Tədricən sancılar tezləşir, güclənir, davamlı və ağrılı olur. Adətən ilk dəfə doğan qadınlarda sancı 10-12 saat, təkrar doğanlarda isə 6-8 saat davam edir.

Bəzən doğuş dölyanı mayenin axması ilə başlayır. Bu zaman, təcili doğum evinə getmək lazımdır.

Doğum evinə düşdükdən sonra, tibb personalının bütün göstərişlərinə əməl edin. Həkimlərə arxayın olun. Bu insanlar yüzlərlə doğuş qəbul edib, sizə və körpənizə ziyan verə biləcək heç nə məsləhət görməzlər. Əgər qadın doğuşa hazırdırsa, pozitiv durumdadırsa, öz bədənini və uşağını hiss edirsə, həmçinin həkimlərə inanıb onların göstərişlərinə əməl edirsə, onun doğuşu çox güman ki, yüngül, ağrısız keçəcək və özündən sonra ən gözəl xatirələr saxlayacaq.

Həmçinin oxuyun:

 

Şərhlər

Hələ şərh yazılmayıb. Siz birinci ola bilərsiniz.
Qeydiyyatdan keçmisiniz? Sayta daxil ol
Qonaq
21.11.2018

Online Konsultasiya

Bizim qiymətlərimiz

Populyar məqalələr

13 avqust 2018
Materialda Dr. Ramilə Abbaszadənin qadınlarda sidikqaçırma problemi haqqında www...
27000 Baxış
17 avqust 2017
Əgər aybaşı gecikməsinin səhəri günü qadın hamilə olduğunu dəqiq bilsəydi, hər ş...
15012 Baxış
17 iyun 2017
Uşaqlığın sallanması – çanaq orqanlarının prolapsının (yerdəyişməsi, sall...
14833 Baxış

Son şərhlər

Qonaq - Sabina Klimaks nə vaxt və necə başlayır, nə qədər davam edir və onu necə yüngülləşdirmək olar
12 noyabr 2018
Coxsagolun hekim muselmanin sonraki agli, men narahatam cali...
Ramilə Abbaszadə Klimaks nə vaxt və necə başlayır, nə qədər davam edir və onu necə yüngülləşdirmək olar
11 noyabr 2018
Salam. Bəli klimaks ilə əlaqədar ola bilər. Baxmaq lazımdır
Qonaq - Sabina Klimaks nə vaxt və necə başlayır, nə qədər davam edir və onu necə yüngülləşdirmək olar
11 noyabr 2018
Salam anamin 48 yawi var onda isdilik ancaq bawinda olur bu ...

Son soruşulanlar

Bakirelik
Salam hekim.  Menim qizim 2.7 ayliqdi. Bu gun eynini deyisende qizliq perdesi ye...
1 cavab
Abort
Salam medikamentoz abortun qiymeti neceyedir?hansisa bir fesad ola bilermi?...
1 cavab
Cinsi elaqe
Salam. Qiz uwaqi ilk defe cinsi elaqede olub.olduqu vaxti kiwinin cinsiyyeti son...
7 cavab

Konsultasiya üçün
qəbula yazılın

Qəbula yazıl

*Adınızı və telefon nömrənizi mütləq yazın

Qəbula yazıl

Əməliyyat uğurla başa çatdı. 20 dəqiqə müddətində sizinlə əlaqə saxlayacağıq.

Diqqət!

Saytda verilən məlumatlar yalnız informasion xarakter daşıyır. Özbaşına müalicə sizin sağlamlığınıza ziyan vura bilər! Hər bir məsələ barədə öz müalicə həkiminizlə əlaqə saxlayın.

Bizim yerimiz