Bizim məsləhətlərlə

Sağlam olun!

Vaginal qoxudan necə qurtulmalı?

FOTO: Vaginal qoxudan necə qurtulmalı? FOTO: Vaginal qoxudan necə qurtulmalı?

Normada vaginal ifrazatın kəskin olmayan qoxusu olur. Lakin, siz hiss etsəniz ki, qoxu kəskinləşib və ya qeyri-adidir (məsələn, balıq iyi verir), bu hansısa bir xəstəlik əlamətli ola bilər. Xoşagəlməz qoxu digər simptomlarla, məsələn, qaşınma, göynəmə və ya qıcıqlanma, ifrazatın artması ilə müşayiət oluna bilər. Əgər belə deyilsə, çox güman ki, patologiya da yoxdur. Bəzi bakteriyalar, hansı ki, həmişə uşaqlıq yolunda olur, belə xoşagəlməz iyin səbəbi ola bilər – bu halda qoxudan xalq təbabəti vasitələrilə asan qurtulmaq olar.

Diqqət! Bu məqalədəki məlumatlar yalnız tanışlıq xarakteri daşıyır. Hər hansı üsulun tətbiqindən əvvəl ьцедэй müalicə həkiminizlə məsləhətləşin!

Metod 1. İntim zonanın gigiyenası

1. Sprinsevasiya etməyin

Sprinsevasiya, hansı ki, uşaqlıq yolu su və ya xüsusi məhlullarla yuyulur, əslində lazımi bakteriyaları da çıxarır, bu da yerli immunitetin zəifləməsinə, infeksiyanın inkişafına (əgər artıq varsa) və hətta xaricdən bura düşməsinə gətirib çıxara bilər.

  • Həmçinin xüsusi spreylərdən də istifadə etmək olmaz, çünki, onlar uşaqlıq yolu divarlarını qıcıqlandırır və allergik reaksiya verə bilər.
  • Yadda saxlayın ki, uşaqlıq yolu özü özünü təmizləyir. Əgər siz intim zonanın gigiyena qaydalarına əməl edirsinizsə, uşaqlıq yolunu xüsusi təmizləmək və ya onun təbii təmizlənmə prosesinə müdaxilə etmək olmaz.

2. Duş və ya vanna qəbul edərkən genital nahiyəni yuyun

İntim nahiyəni təmiz su və ya yüngül və az qoxulu sabunla yuyun, cinsiyyət dodaqlarını unutmayın.

  • İntim gigiyena üçün sərt sabundan istifadə etməyin, çünki o intim nahiyənin zərif dərisini qıcıqlandıra bilər.

3. Pambıqdan hazırlanmış və geniş alt paltarları geyinin

Bunun nəticəsində qasıq nahiyəsinə hava yaxşı daxil olacaq, hansı ki, idmanla məşğul olduqda və ya çox tərlədikdə – vacibdir. Bu, nəmişliyin toplanmasına və zərərli bakteriyaların çoxalmasına imkan verməyərək, xoşagəlməz qoxunu azaldacaq.

  • Hətta məsləhət görülür ki, məşqdən sonra paltarlar tam dəyişilsin. Tərli paltarda çox gəzməyin, çünki bu pis qoxuya səbəb ola bilər.
  • Hər gün təmiz alt paltarı geyinin ki, bakteriyalar çoxala bilməsin və xoşagəlməz qoxu olmasın.

4. Tualetə getdikdən sonra öndən arxaya doğru yuyunun

Bakteriyaların anusdan uşaqlıq yoluna düşməsinin qarşısını almaq üçün, hər dəfə böyük bayıra getdikdən sonra öndən arxaya doğru yuyunun. Bu, xəstəliktörədən bakteriyaların uşaqlıq yoluna düşməsinin qarşısını alır, hansı ki, infeksion proses törədərək uşaqlıq yolundan xoşagəlməz qoxunun gəlməsinə səbəb olur.

5. Gigiyenik bez və tamponları hər 4-6 saatdan bir dəyişin

İntim zonanın gigiyenası menstruasiya vaxtı daha vacibdir, buna görə də tampon və bezləri müntəzəm dəyişin – bunu 4-6 saatdan bir etmək məsləhət görülür. Yalnız bu yolla pis qoxudan qorunmaq və uşaqlıq yolunun selikli qişasının qıcıqlanmasının qarşısını almaq olar.

  • Tamponun tez-tez dəyişilməsi zəmanət verir ki, siz bunu unutmayacaqsınız, çünki bu uşaqlıq yolundan xoşagəlməz qoxulara səbəb ola bilər.

Metod 2. Pəhriz və xalq təbabəti üsulları

1. Uşaqlıq yolunun normal mikroflorasını bərpa etmək üçün yoqurt yeyin

Yoqurtda təbii probiotiklər var, hansı ki, təkcə uşaqlıq yolundan deyil, həm də, bütün orqanizmdə mikrofloranı balanslaşdırmağa imkan verir. Əgər siz maya göbələyindən əziyyət çəkirsinizsə, probiotikli yoqurtu hər gün yeyin – bu, göbələk mənşəli qoxudan qurtulmağın ən yaxşı üsuludur.

  • Yoqurtun diri və aktiv mikrob saxladığından əmin olun, normal mikrofloranı yalnız bu cür bərpa etmək olar.

2. Vaginal qoxuya səbəb ola biləcək qidalardan imtina edin

Bəzi qida və içiklər vaginal ifrazatın qoxusunu dəyişə bilər. Əgər siz xoşagəlməz vaginal qoxudan əziyyət çəkirsinizsə, kofe və alkoqoldan imtina edin. Həmçinin soğan, ədviyyat, qırmızı ət və süd məhsullarının çox istifadəsi məsləhət görülmür.

  • Amma nəzərə alın ki, vaginal ifrazatın qoxusunun dəyişməsi üçün, bu məhsullardan çox istifadə olunmalıdır. Bu qida və içkiləri qida rasionundan çıxartmaqla, vaginal qoxunun azaldığından əmin ola bilərsiniz.

3. Duz və sirkə əlavə edilmiş vanna qəbul edin

Daha populyar vasitələrdən biri yarım stəkan sirkə və bir o qədər də duz əlavə edilmiş, isti vanna qəbul etməkdir. Bu. xoşagəlməz vaginal qoxudan qurtulmağa və uşaqlıq yolunun pH-nın bərpasına kömək edəcək.

  • Bu üsul qısamüddətli effektivliyə malikdir, çünki, vaginal qoxudan tam azad olmağa imkan vermir.

4. Otlardan ibarət bioəlavələr istifadə edin

Bəzi ot əsaslı bioəlavələr, məsələn, Femanol, vaginal qoxunu azaltmağa və bakterial vaginoz kimi bəzi vaginal infeksiyaların qarşısını almağa imkan verir. Belə qida əlavələrinin tərkibində sarımsaq, biotin, selen, südturşusu bakteriyaları olur. Hesab edilir ki, onlar vaginal mikrofloranı bərpa edir və immun sistemi gücləndirir.

  • Qeyd edək ki, bu cür ot əsaslı qida əlavələrinin effektivliyi sübut olunmamışdır, buna görə də onlardan ehtiyyatla istifadə edin.

Metod 3. Qoxunun səbəblərinin araşdırılması

1. Əgər ifrazat balıq iyi verirsə, rəngi – boz və ya ağdırsa, sidik ifrazı zamanı göynəmə hissi varsa – ginekoloqa müraciət edin

Adətən bu simptomlar bakterial vaginozda rast gəlinir. Onun səbəbləri bilinmir, yalnız o bəllidir ki, bu zaman şərti-patogen floranın həddən artıq çoxalması baş verir.

  • Əksər qadınlarda bakterial vaginozun xoşagəlməz qoxudan başqa simptomu olmur. Baxış zamanı ginekoloq dərhal bakterial vaginozun olmasını təsdiq edə bilər.
  • Bəzi hərəkətlər, məsələn, qorunmamış cinsi əlaqə və sprinsevasiya bakterial vaginozun inkişaf riskini artıra bilər.

2. Əgər ifrazatın iyi xoşagəlməz, rəngi isə – sarı və ya yaşıl olarsa, həkimə müraciət edin

Bəzən qadınlar sidik ifrazı zamanı ağrı hiss edir. Bütün bunlar trixomoniaz – cinsi yolla keçən infeksiyanın simptomlarıdır. Adətən trixomoniazla xəstə olan kişilərdə hər-hansı simptom olmur, buna görə də trixomoniaz diaqnozunda hər iki partnyor müalicə olunmalıdır.

  • Yalnız təhlükəsiz sekslə məşğul olun, prezervativlərdən istifadə edin – bu, trixomoniazla yoluxma riskini azaldacaq.

3. Əgər ifrazat ağ rəngdə və qatı konsistensiyada olarsa, həkimə müraciət edin

Bəzi hallarda sidik ifrazı və cinsi əlaqə zamanı qaşınma, ağrı və göynəmə hissi ola bilər. Bu simptomlar kandidozdan xəbər verir, hansı ki, uşaqlıq yolunda maya göbələyinin inkişafı zamanı olur.

4. Kəskin qoxusu olan çoxsulu ifrazata fikir verin

O, menstruasiya vaxtı və ya ondan qabaq baş verən hormonal dəyişikliklərin əlaməti ola bilər. Siz bu iyi hormonal dəyişikliklər səbəbindən xoşagəlməz kimi qəbul edirsiniz.

  • Yaş və digər xəstəliklərdən asılı olaraq, belə effektlər menopauzada da olur. Menopauzada olan qadınlarda hormonal dəyişikliklər zamanı güclü qoxu verən çoxsulu ifarazat ola bilər.

5. Məşq və tərləmədən sonra olan qoxuya fikir verin

Siz tərlədikdə vaginal qoxu da xoşagəlməz olur. Xarici cinsiyyət üzvlərində apokrin vəzlər var, hansı ki, qoltuqda, döş gilələrində, qulaq keçəcəklərində, göz qapaqlarında və burun qənədlərində də olur. Bu vəzlər yağlı maye ifraz edir, dəridə olan bakteriyalar isə onu parçalayır və nəticədə xoşagəlməz qoxu yaranır.

  • Dar və sıx paltar geyinmək qoxunu daha da artırır, çünki o, tər və mikrobları dəridə saxlayır. Əgər sizdə artıq çəki varsa, dəri büküşləri qasıq nahiyəsində temperaturu verməyə mane ola bilər.

6. Tamponu vaxtında dəyişməyi unutmayın

Əgər siz tamponu çıxartmağı unutmusunuzsa, o, menstrual qanın toplanmasına və bakteriyaların çoxalmasına səbəb ola bilər. Bu, uşaqlıq yolunun selikli qişasını qıcıqlandıraraq, qaşınma və göynəmə, həmçinin çox xoşagəlməz qoxu verə bilər.

  • Əgər tamponu çıxartmağı unutmusunuzsa, təcili surətdə ginekoloqa müraciət etməlisiniz. Ginekoloq tamponu ehtiyyatla çıxaracaq və onun törətdiyi infeksiya və iltihaba qarşı müalicə təyin edəcək.

Metod 4. Tibbi yardıma müraciət

1. Əgər hesab edirsinizsə ki, sizdə bakterial vaginoz var, ginekoloqa müraciət edin

Həkim kresloda baxış aparıb, ginekoloji yaxma götürəcək və yalnız bundan sonra, infeksiyanın öhdəsindən gəlmək üçün, tablet və ya krem təyin edəcək.

  • Metronidazolun tablet və ya gelindən istifadə etmək olar. Onun əvəzinə həmçinin Klindamisin təyin edilə bilər – o vaginal krem şəklində olur. Nəhayət, həkim oral qəbul edilən Tinidazol təyin edə bilər.
  • Bu preparatlarla müalicə vaxtı alkoqol qəbul etmək olmaz.
  • Bakterial vaginozun əlamətlərinin 3-12 ay sonra təkrar gəlməsi tez-tez olur. Əgər vaginoz əlamətləri yenidən qayıdıbsa, müalicə həkiminizlə başqa müalicə variantları haqqında danışın.

2. Həkimin trixomoniazəleyhinə təyin etdiyi müalicə kursunu keçin

Trixomoniaz diaqnozunu təsdiqləmək üçün vaginal ifrazatdan yaxma götürülür. Müalicə məqsədilə Metronidazol və ya Tinidazolun birdəfəlik meqadozası təyin olunur. Eyni zamanda, sizin seksual partnyorunuz da trixomoniaz əleyhinə müalicə almalıdır.

  • İnfeksiyanın müalicəsindən sonra bir həftə ərzində cinsi əlaqədən imtina edin. Bundan başqa Metronidazol və Tinidazolla müalicə zamanı 72 saat ərzində alkoqol içmək qadağandır.

3. Əgər sizdə göbələk infeksiyası varsa, müalicə üçün ginekoloqa müraciət edin

Ginekoloji baxışdan və vaginal yaxma götürdükdən sonra, həkim diaqnozu təsdiq edə bilir.

  • Göbələk infeksiyasının yüngül və fəsadsız formalarında həkim 1-3 gün ərzində çəkilən göbələkəleyhinə krem və ya məlhəm, tablet və ya şam təyin edə bilər.
  • Göbələk infeksiyasının fəsadlı keçən ağır formalarında həkim 7-10 gün ərzində vaginal krem, məlhəm, tablet və ya şamlar təyin edə bilər. Mikrofloranın böyüməsinə nəzarət etmək və residivlərin qarşısını almaq məqsədilə həkim pasienti dispanser müşahidəyə də götürə bilər.
1

Həmçinin oxuyun:

 

Şərhlər

Hələ şərh yazılmayıb. Siz birinci ola bilərsiniz.
Qeydiyyatdan keçmisiniz? Sayta daxil ol
Qonaq
02.04.2020

Ginekoloqa sual ver

Bizim qiymətlərimiz

Hamiləliyin hesablanması

Cinsin hesablanması

Populyar məqalələr

17 avqust 2017
Əgər aybaşı vaxtında gəlməyəndə qadın hamilə olduğunu dəqiq bilsəydi, hər şey əl...
462905 Baxış
16 aprel 2018
Normada aybaşı sikli 21 gündən 35 günə qədər davam edir. Hər bir qadın üçün bu m...
91180 Baxış
27 oktyabr 2017
Dərman abortu və ya dərmanla uşaqsalma – arzuolunmaz hamiləliyi erkən dövrlərdə ...
78515 Baxış

Son şərhlər

Ramilə Abbaszadə Aybaşı ləngiməsi – səbəbləri, norma və patologiyası
01 aprel 2020
Spiralların keyfiyyətliləri var. Onlar çox qalır.
Qonaq - Sevinc Abortun fəsadları
01 aprel 2020
Salam hakim,man iki gundu abort olmusam,sinamda barklik var,...
Qonaq - irade Menstruasiya – aybaşı haqqında qısa məlumat
01 aprel 2020
hekim neden subhelenmek olar?qorxulu bir sey var. cox sag o...

Son soruşulanlar

Hamilelik
Salam hekim menim oglumun 15 yawi var,indi ilk defediki oglumdan sonra 15gunluk ...
1 cavab
Kiçik cinsiyyet dodaglari
Salam kiçik cinsiyyet dodağlarinin dartilmiş veziyyetde 3 santimetre yaxin olmas...
2 cavab
Hamilelik
Salam .men hamileyem 37 heftelik .sağrı gelişi. 3cu hamilelik ve birnci hamiıelk...
1 cavab

Konsultasiya üçün
qəbula yazılın

Qəbula yazıl

*Adınızı və telefon nömrənizi mütləq yazın

Qəbula yazıl

Əməliyyat uğurla başa çatdı. 20 dəqiqə müddətində sizinlə əlaqə saxlayacağıq.

Diqqət!

Saytda verilən məlumatlar yalnız informasion xarakter daşıyır. Özbaşına müalicə sizin sağlamlığınıza ziyan vura bilər! Hər bir məsələ barəsində öz müalicə həkiminizlə əlaqə saxlayın.