Bizim məsləhətlərlə

Sağlam olun!

Aybaşı necə baş verir?

FOTO: Aybaşı necə baş verir?

Menstrual siklin mürəkkəb mexanizmini başa düşmək üçün, prosesi əvvəlindən izləmək lazımdır. Müəyyən vaxtda (hər qızın öz vaxtında) baş beyində yerləşən kiçik vəz – hipofiz özünün ilk hormonal siqnalını göndərir. Qan hipofizin hormonunu bütün orqanizmə yayır, amma onların təsirinə ən həssas üzvlər yumurtalıqlardı, hansı ki, onlar da öz növbəsində xüsusi hormonlar hazırlamağa başlayırlar.

Hər bir qız uşağının doğularkən yumurtalıqlarında 100-150 min yetişməmiş yumurtahüceyrə olur. Yumurtalıq hormonal siqnal alan kimi, yumurtahüceyrələrdən biri inkişaf etməy başlayır. Yumurtahüceyrə xüsusi kisənin – follikulun daxilində yerləşir, hansı ki, böyüyərək yumurtalığın səthinə çıxır. Menstrual siklin təqribən 8-15-ci günləri ovulyasiya baş verir: follikul partlayır və yetişmiş yumurtahüceyrə uşaqlıq borusuna düşür.

Ovulyasiya vaxtı (yəni yetişmiş follikulun partlaması) hər bir qadında fərdidir. Onu yalnız təqribi hesablamaq olar, çünki bu prosesə çox müxtəlif amillər təsir edə bilər. Onlara sinir-endokrin sistemin, qaraciyərin, böyrəklərin və s. xəstəlikləri aiddir. Stres və emosional həyəcan da ovulyasiyaya təsir edə bilər.

Yumurtahüceyrə – adi gözlə görünməsə də insan orqanizmində ən böyük hüceyrədir. Onun diametri 0,2 mm-dir. Ovulyasiyadan sonra yetişmiş yumurtahüceyrə, uşaqlıq borularının daxili səthindəki kirpiklərin hesabına uşaqlığa tərəf hərəkət edir.

Follikulun yetişməsilə eyni vaxtda, yuxarıda sadalanan hormonların təsiri altında, uşaqlığın selikli qişasında da dəyişikliklər başlayır. Onun qalınlığı 1-dən 10 mm-ə qədər artır, yeni qan və limfa damarları yaranır, yumşaq və şirəli olur və döllənməyə hazırlaşır.

Əgər cinsi əlaqə zamanı yumurtahüceyrə uşaqlıq borularında kişi cinsi hüceyrələrilə (spermatozoidlə) rastlaşıb bir-birilə birləşərsə, maylanma baş verir. Ovulyasiyadan sonrakı günlər mayalanma üçün ən uyğun dövrdür. Əgər mayalanma baş verməzsə, uşaqlığın qalınlaşmış daxili qişası qopub düşür və menstrual qanaxma baş verir. Bu sikl cinsi yetkinliyə çatmış hər bir qadında təkrarlanır. Bu səbəbdən bu prosesin ikinci adı – aybaşıdır.

Qızda menstruasiyanın başlanması onun cinsi yetkinliyə çatmasını göstərir. Bunu yaddan çıxartmaq olmaz, çünki müasir dövrdə aybaşının başlaması cinsi münaibətlərin başlanması ilə eyni vaxta düşür. Qadın orqanizmində gedən elementar prosesləri bilməmək, xoşagəlməz nəticələrə – hamiləliyə gətirib çıxara bilər.

Qadın başa düşməlidir ki, menstruasiya – onun gündəlik həyatının bir hissəsidir. Öz həyat tərzini dəyişməyə ehtiyac yoxdur, çünki bu xəstəlik deyil. Sadəcə, bu dövrdə, o, bir qədər narahatçılıq keçirir. Adi gigiyena qaydalarına əməl etməklə, qadın həmişə özünü rahat hiss edə bilər. Gimnastika və idmanla məşğul olmağı dayandırmağa ehtiyac yoxdur. Yalnız hovuza getməyi təxirə salmaq lazımdır. Demək olar ki, hətta burda da problem əsasən estetik xarakter daşıyır.

Menstruasiyanın requlyasiyası haqqında animasiyaya baxın:

Həmçinin oxuyun:

 

Şərhlər (0)

Hələ şərh yazılmayıb. Siz birinci olun.

Öz şərhinizi yazın

  1. Qonaq kimi şərh yazın 0
0 simvol
Вложения (0 / 5)
Share Your Location

By accepting you will be accessing a service provided by a third-party external to https://doctorramila.az/

Ginekoloqa sual ver

Bizim qiymətlərimiz

Hamiləliyin hesablanması

Cinsin hesablanması

Populyar məqalələr

17 avqust 2017
Əgər aybaşı vaxtında gəlməyəndə qadın hamilə olduğunu dəqiq bilsəydi, hər şey əl...
682442 Baxış
16 aprel 2018
Normada aybaşı sikli 21 gündən 35 günə qədər davam edir. Hər bir qadın üçün bu m...
167011 Baxış
27 oktyabr 2017
Dərman abortu və ya dərmanla uşaqsalma – arzuolunmaz hamiləliyi erkən dövrlərdə ...
151671 Baxış

Son soruşulanlar

Əlaqə
Salam dr dərmanla uşaq salınıb.neçə.gündən sonra əlaqədə olmaq olar ? Farmateks ...
3 cavab
sperma
salam. dokdor men sperma analizi vermek isdiyirem nece gun pehriz qalmliyam ? an...
2 cavab
Hamiləlik
Salam. Üzr istəyirəm doktor. Zobun olmağı hamiləliyə nə kimi təsiri olur və ham...
1 cavab

Konsultasiya üçün
qəbula yazılın

*Adınızı və telefon nömrənizi mütləq yazın

Qəbula yazıl

Əməliyyat uğurla başa çatdı. 20 dəqiqə müddətində sizinlə əlaqə saxlayacağıq.

Diqqət!

Saytda verilən məlumatlar yalnız informasion xarakter daşıyır. Özbaşına müalicə sizin sağlamlığınıza ziyan vura bilər! Hər bir məsələ barəsində öz müalicə həkiminizlə əlaqə saxlayın.