Sağlam olun!

Bizim məsləhətlərlə

Qızların inkişafı və cinsi yetkinliyi

FOTO: Qızların inkişafı və cinsi yetkinliyi

İlk menstruasiya – qızın həyatında yetkinliyə doğru vacib mərhələlərdən biridir. Onun üçün artıq yeniyetməlik  – tez və hərtərəfli inkişaf dövrü başlayır. Aydındır ki, menstruasiya cinsi inkişafın yeganə deyil, yalnız ilk əlamətidir.

Qızın cinsi inkişafı xüsusi qadın hormonları ilə idarə olunur. Uşağın orqanizmi böyüdükcə bu hormonların istehsalı artır və 8-10 yaşında artıq təsirlərini göstərə bilir. Qızlar qəflətən böyüməyə başlayır, ətrafları o qədər uzanır ki, bədən quruluşundakı tarazlıq pozulur. Tez böyümə dövründə yanaqların uşaqlara xas dolğunluğu itir, xarici görünüşdəki dəyişiklər artıq qızın yeniyetməyə çevrildiyini deməyə imkan verir. Bədən forması girdələşir, vücud artıq qadınınkına bənzəyir.

Adətən ilk menstruasiya başlayana qədər, süd vəzləri böyüyür. Areola piqmentləşir. Döşlər cinsi inkişaf prosesində bədənin digər hissələrinə uyğun şəkildə böyüyür. Süd vəzləri yetkinlik yaşlarında, yəni 18-19 yaşında tam formalaşır.

Qızlar büstqalter geyinməyə tələsməməlidirlər. Belə ki, çox erkən geyinilmiş büstqalter vəzin normal inkişafını poza bilər. O uyğun ölçüdə seçilməli, döşləri təbii vəziyyətində saxlamalı və sıxmamalıdır. Döşlərin böyüməsilə demək olar ki eyni vaxtda və ya bir qədər tez qasıq nahiyəsində, qoltuqaltı nahiyələrdə, sonra isə ətraflarda tüklənmə başlayır. Başda saçlar qalınlaşır, rəngini bir qədər dəyişir və parıldamağa başlayır.

Sadalananlardan başqa orqanizmdə digər dəyişikliklər də baş verir. Dəri dəlikləri genəlir, piy və tər vəzləri daha aktiv işləyir ki, tez böyüyən dəri qurumasın. Əgər ifrazat həddən çoxdursa, dəliklərin ağzı tutulur və üzdə, boyunda, çyinlərdə və kürəkdə sızanaqlar (akne) yaranır. Adətən sızanaqlar 14-15 yaşında əmələ gəlir. Onlar çox vaxt aybaşıdan qabaq və ya sinir gərginliyi zamanı artır. Cinsi inkişaf başa çatdıqdan sonra sızanaqlar öz-özünə itib gedir.

Diqqət! Sızanaqları sıxmaq olmaz!

Çünki, tamamilə əks nəticə alınar. Sızanaqlar irinləyər, qaysaqla örtülər və izi ömür boyu qala bilər. Yalnız isti su və sabunla tez-tez yuyunmaq olar ki, dəri dəliklərini bağlayan piy təmizlənsin. Əgər sızanaqlar sizi çox narahat edirsə, dermatoloq və ya kosmetoloqa müraciət etmək olar. Onlar belə xoşagəlməz əlamətlərlə mübarizə aparmağın üsul və vasitələrini yaxşı bilir.

Sinir sisteminin oyanaqlığı, qandövranının və ürək fəaliyyətinin sürətlənməsi ilə əlaqədar hətta ən yüngül həyəcanlanma – qorxu, sevinc, utanma dəri damarlarının genəlməsinə səbəb olur. Əsas da, bu, özünü yanaqlarda göstərir. Qızlar tez qızarır, sonra avazıyır və əksinə. Qəfləti qızarma – cinsi inkişafın əsas xarakter əlamətidir.

Qeyd etmək lazımdır ki, bu dövrdə mədə şirəsi yaradan vəzlər də aktiv işləməyə başlayır. Bu iştahı və uyğun olaraq qəbul edilən qidanı artırır, çünki tez böyüyən orqanizmə plastik material və enerji lazımdır.

Müasir dövrdə televiziya və digr KİV-lər qız və qadınlara "barbi" vücudunu etalon kimi aşılayır. Qızların çoxsu bu səbəbdən, hələ tam cinsi yetkinləyə çatmamış, özlərini müxtəlif pəhrizlərlə üzürlər. "Top model" olmaq arzusu onların fikirlərini dumanlandırır. Az qidalanma və ya arıqlama üçün müxtəlif dərman preparatlarının qəbulu, cinsi inkişafı ləngidir, bütöv orqanizmin fəaliyyətini pozur. Bunun nəticəsində qızlarda menstrusiya funksiyası pozulur, hansı ki, çox çətin müalicə olunur.

Mən bütün qadınlardan xahiş edirəm ki, öz sağlamlıqlarına ciddi yanaşsınlar!

Əsas da bu cavan qızlara aiddir, hansı ki, orqanizmləri inkişaf edir və hələ tam formalaşmayıb. Normal balanslaşdırılmış qidalanma, aktiv həyat tərzi, yaxşı yuxu – siz həmişə gözəl görünəcək və özünüzü yaxşı hiss edəcəksiniz!

Cinsi inkişaf dövründə orqan və sisitemlərin əksəriyyəti xüsusi intensivliklə inkişaf edir. Bunlara skelet, əzələlər, ürək-damar sistemi, ağciyərlər, qaraciyər, böyrəklər aiddir. Cavan qızın bədəni sanki təlatüm keçirir. Qızın cinsi orqanları tədricən vacib hadisəyə – ilk menstruasiyaya hazırlaşır. Adətən bu 11-15 yaşlarında baş verir. Hər bir qızda menstruasiyanın başlama vaxtı fərdidir və irsiyyətdən asılıdır. Məsələn, əgər sizin ananızda, xalanızda və ya böyük bacınızda ilk aybaşı 14 yaşında başlayıbsa, çox güman ki, sizdə də həmin yaşda başlayacaq.

İlk vaxtlar aybaşı qeyri-requlyar olur. Lakin zaman keçdikcə sikl formalaşmalıdır. Əgər 1 il müddətində sikl requlyar olmazsa, onda mütləq ginekoloqa müraciət etmək lazımdır!

Həmçinin oxuyun:

 

Şərhlər

Hələ şərh yazılmayıb. Siz birinci ola bilərsiniz.
Qeydiyyatdan keçmisiniz? Sayta daxil ol
Qonaq
16.12.2018

Online Konsultasiya

Bizim qiymətlərimiz

Populyar məqalələr

13 avqust 2018
Materialda Dr. Ramilə Abbaszadənin qadınlarda sidikqaçırma problemi haqqında www...
27048 Baxış
17 avqust 2017
Əgər aybaşı gecikməsinin səhəri günü qadın hamilə olduğunu dəqiq bilsəydi, hər ş...
16961 Baxış
01 noyabr 2017
Mini-abort və ya vakuum-aspirasiya – döl yumurtasını xüsusi vakuum sovurucusu il...
15429 Baxış

Son şərhlər

Ramilə Abbaszadə Ovulyasiya günlərinin təyini üsulları
13 dekabr 2018
Salam. Ondan ötrü aybaşı siklinin davam müddətini bilmək laz...
Qonaq - nezrin Ovulyasiya günlərinin təyini üsulları
12 dekabr 2018
Salam.Mən bu ayın 3-ü aybaşı olmuşam və ayın 9-u bitib indi ...
Ramilə Abbaszadə Hamiləliyin erkən əlamətləri
08 dekabr 2018
Salam. Xeyir, mayalanmanın belə əlamətləri yoxdur.

Son soruşulanlar

Usaqliq sallanmasib
Salam hekim. Menim 3 ay qisa fasilelerle agrilarim olur. İlk aylarda sidiye gede...
0 cavab
Uşaqlıq yolunun ölçüsü
Hekim salam, sualim bir az gulmeli olsada bu cavab ailem ucun maraqlidi, bilmek ...
1 cavab
Miometrit
salam.Mənim USM analizimde usaqligin ön divarında avaskulyar konturları deqiq iz...
1 cavab

Konsultasiya üçün
qəbula yazılın

Qəbula yazıl

*Adınızı və telefon nömrənizi mütləq yazın

Qəbula yazıl

Əməliyyat uğurla başa çatdı. 20 dəqiqə müddətində sizinlə əlaqə saxlayacağıq.

Diqqət!

Saytda verilən məlumatlar yalnız informasion xarakter daşıyır. Özbaşına müalicə sizin sağlamlığınıza ziyan vura bilər! Hər bir məsələ barədə öz müalicə həkiminizlə əlaqə saxlayın.

Bizim yerimiz