Sağlam olun!

Bizim məsləhətlərlə

Hormonları normada saxlamaq üçün nə yemək lazımdır!? Ginekoloqla müsahibə. Üçüncü hissə

FOTO: Hormonları normada saxlamaq üçün nə yemək lazımdır!? Ginekoloqla müsahibə. Üçüncü hissə

Müsahibənin əvvəlki hissələrində biz ginekoloq Ramilə Abbaszadə ilə hormonların vacibliyindən, onların sağlamlığa və cavanlığa təsiri barədə danışmışdıq. Həmçinin 35 yaşından sonra hər bir qadının yaxşı ginekoloq-endokrinoloqla dostlaşması barədə demişdik. Bəs biz özümüz özümüzə necə kömək edə bilərik? Bəlli olur ki, hər şey sadədir: qidalanma zamanı bəzi qaydalara əməl etmək kifayət edir.

Dr. Ramilə Abbaszadə ilə müsahibənin əvvəlki hissələrini burada oxuya bilərsiniz:

1)  Hormonların harmoniyası ömrü uzadır! Ginekoloqla müsahibə. Birinci hissə.

2)  Nə üçün 35 yaşından sonra şəkəri qida rasionundan tam çıxartmaq lazımdır? Ginekoloqla müsahibə. İkinci hissə.

Müxbir: Ramilə xanım bizə bir məsləhət verin: mətbəxdə və soyuducuda nə olmalıdır... Başqa sözlə, hormonların sağlam, normal səviyəsini saxlamaq üçün nə yemək lazımdır?

Dr. Ramilə Abbaszadə: Zülalları məhdudlaşdırmayın. Bitki və heyvani yağlar normal miqdarda olmalıdır. Mənə qadın deyəndə ki, "Nə qədər yumurta yemək olar"? Mən cavab verirəm: "10-unu yeyin! Onun ziyanı yoxdur". Bu zaman mənə etiraz edib, xolesterini yada sala bilərlər. Onda mən cavab verirəm ki, xolesterin – bütün cinsi hormonların mənbəyidir, onsuz daha da pis olar. Amma bizdə, xolesterinin səviyyəsi normadan azacıq qalxan kimi, kardioloqlar dərhal xolesterin azaldıcı preparatlar təyin edirlər, beləliklə hormonların defisitini dərinləşdirərək, qocalmanı daha da tezləşdirirlər.

"Buna görə də, xolseterindən yox, şəkərdən qorxmaq lazımdır"

Zülaldan başqa qida rasionuna göyərti, tərəvəz əlavə edin. Onları keçi kimi yeyin. Yəni nə qədər könlünüz çəkirsə, o qədər. Əsas odurki, başlayasan.

"İstənilən adət, o cümlədən qidalanma, 30-45 günə formalaşır"

Bu o demək deyil ki, nəyisə məhdudlaşdırmaq lazımdır. Onu da deyim ki, qadınların əksəriyyəti pəhrizə başlayanda, səhvə yol verirlər. Və onda görün nə alınır: qadın onu dayandıran kimi, çəkisi artır. Axı, orqanizm bilmir pəhriz nədir, o yalnız çatır-çatmır bilir. Və əgər çatmayanda orqanizm fikirləşir: "mən yəqin “əsir düşmüşəm”. Allah bilir sabah nə olacaq, buna görə də mən verilənlərin yarısına yaşayım, qalan yarısını ehtiyata keçirim!" Buna görə də, qida rasionunun kəskin məhdudləşdırılması ilə gedən pəhrizlər effektiv deyil və mənfi nəticələr verə bilər. Bəli, internetdən tapılmış hansısa pəhrizlə, qısamüddətli nəticə almaq olar, amma yalnız öz mətbəxinlə dayanıqlı arıqlamaq mümkündür.

Müxbir: Bəs meyvələr? Onlar faydalıdır, ya yox? Müxtəlif fikirlər var...

Dr. Ramilə Abbaszadə: Göyərtini keçi kimi yeyin, ancaq meyvələri – yox. "Meyvələr – vitamindir və onları nə qədər çox yesən – bir o qədər yaxşıdır!" – uşaq yaşlarından bu yanlış fikri bizim başımıza yeridiblər. Amma bu belə deyil! Meyvələr – fruktozadır. Fruktoza isə qlükozaya çevrilir. Qlükoza da – şəkər dediyimizdir. Bizə psixoloji olaraq elə gəlir ki, bu yaxşıdır, xeyirlidir. Lakin əslində – yaxşı heç nə yoxdur. Meyvələri zülalla əvəz edin.

"Göyərtisi çoxluq təşkil edən zülal-tərəvəz rasionu. Budur, xeyirli!"

Duz da həmçinin. Bizim millətin bəzi adət-ənənələri var. Məsələn, qışa turşu hazırlığı: pomidor, xiyar, kələm və s. Biz soyuq havada yeməkləri turşularla yeməyi xoşlayırıq. "Turşu" isə – yağ saxlayır. Həm də şəkər. Əgər qadın şişkin, ödemli görünmək istəmirsə, su içə bilər: çəkinin hər kiloqramına 35 qram. Amma duz yeməmək şərtilə! O zaman, təzyiq də olmayacaq, hansından ki, qadınlar qorxur. Axı hipertoniya tez-tez hormonların defisitinin ilk əlaməti olur. Bəzən əvəzedici hormonal preparatlarla təzyiqi salmaq olur, heç təzyiqsalıcı dərmanlara ehtiyac da olmur. Müalicəyə qədər isə öz sağlamlığını rasional qidalanma ilə qorumaq lazımdır.

Hansının ki, əsas qaydaları bunlardı:

  • duzu məhdudlaşdırmalı;
  • şəkəri məhdudlaşdırmalı;
  • su içməli;
  • çoxlu tərəvəz yeməli;
  • zülali qidalara meyl etməli.

Həmişə cavan və sağlam olun!

Həmçinin oxuyun:

 

Şərhlər

Hələ şərh yazılmayıb. Siz birinci ola bilərsiniz.
Qeydiyyatdan keçmisiniz? Sayta daxil ol
Qonaq
16.12.2018

Online Konsultasiya

Bizim qiymətlərimiz

Populyar məqalələr

13 avqust 2018
Materialda Dr. Ramilə Abbaszadənin qadınlarda sidikqaçırma problemi haqqında www...
27048 Baxış
17 avqust 2017
Əgər aybaşı gecikməsinin səhəri günü qadın hamilə olduğunu dəqiq bilsəydi, hər ş...
16964 Baxış
01 noyabr 2017
Mini-abort və ya vakuum-aspirasiya – döl yumurtasını xüsusi vakuum sovurucusu il...
15432 Baxış

Son şərhlər

Ramilə Abbaszadə Ovulyasiya günlərinin təyini üsulları
13 dekabr 2018
Salam. Ondan ötrü aybaşı siklinin davam müddətini bilmək laz...
Qonaq - nezrin Ovulyasiya günlərinin təyini üsulları
12 dekabr 2018
Salam.Mən bu ayın 3-ü aybaşı olmuşam və ayın 9-u bitib indi ...
Ramilə Abbaszadə Hamiləliyin erkən əlamətləri
08 dekabr 2018
Salam. Xeyir, mayalanmanın belə əlamətləri yoxdur.

Son soruşulanlar

Usaqliq sallanmasib
Salam hekim. Menim 3 ay qisa fasilelerle agrilarim olur. İlk aylarda sidiye gede...
0 cavab
Uşaqlıq yolunun ölçüsü
Hekim salam, sualim bir az gulmeli olsada bu cavab ailem ucun maraqlidi, bilmek ...
1 cavab
Miometrit
salam.Mənim USM analizimde usaqligin ön divarında avaskulyar konturları deqiq iz...
1 cavab

Konsultasiya üçün
qəbula yazılın

Qəbula yazıl

*Adınızı və telefon nömrənizi mütləq yazın

Qəbula yazıl

Əməliyyat uğurla başa çatdı. 20 dəqiqə müddətində sizinlə əlaqə saxlayacağıq.

Diqqət!

Saytda verilən məlumatlar yalnız informasion xarakter daşıyır. Özbaşına müalicə sizin sağlamlığınıza ziyan vura bilər! Hər bir məsələ barədə öz müalicə həkiminizlə əlaqə saxlayın.

Bizim yerimiz