Bizim məsləhətlərlə

Sağlam olun!

Cinsiyyət dodaqlarının plastikası – labioplastika

FOTO: Cinsiyyət dodaqlarının plastikası – labioplastika Cinsiyyət dodaqlarının plastikası – labioplastika

Son onillikdə plastik əməliyyatların populyarlığı xeyli artıb. Onların qiyməti ucuzlaşıb, nəticələri yaxşılaşıb və fəsadları azalıb. Bədəninizin istənilən hissəsini, əgər xoşunuza gəlmirsə, dəyişmək olar.

İntim plastika – xüsusi tip müdaxilədir. Bu nahiyəni başqaları görmür və qadın əməliyyata təkcə kosmetik defekt səbəbindən deyil, həm də tibbi göstərişlərə görə gedir.

İntim plastika nədir?

Ginekoloji praktikada plastik əməliyyatların aparılmasına ciddi göstəriş yoxdur. Adətən qərar qəbulu pasientin öz subyektiv arzusu əsasında baş verir. Ginekoloji plastik əməliyyatlara aşağıdakılar daxildir:

  • Himenoplastika – qızlıq pərdəsinin bərpası.
  • Vaginoplastika – uşaqlıq yolu anadangəlmə olmadıqda və ya çox geniş olduqda, aparılır.
  • Klitoroplastika – klitorun ətrafındakı artıq toxumaların kəsilib atılması.
  • Labioplastika – cinsiyyət dodaqlarının plastikasına deyilir.

Əməliyyat həm yerli, həm də ümumi anesteziya altında aparıla bilər. Hansı üsulun seçilməsi patologiyanın növündən və pasientin fərdi xüsusiyyətlərindən asılıdır.

Həmçinin oxuyun: Qadın cinsiyyət sisteminin anatomiyası

Labioplastika kimə lazımdır

Ginekoloji praktikada ən çox rast gəlinən estetik problemlərdən biri – kiçik cinsiyyət dodaqlarının sallanmasıdır. Bu patologiyanın korreksiyası qadının arzusu ilə həyata keçirilir. Amma bəzən bu arzu deyil, həyati vacib olur:

  1. Orqanlar həddən artıq böyük olur, onları dartarkən 5 sm-dən çox uzanır. Bəzən elə olur ki, açılmış vəziyyətdə onların ölçüsü 15 sm-ə çatır.
  2. Böyük cinsiyyət dodaqlarının tam inkişaf etməməsi nəticəsində vulva olmur və uşaqlıq yolu açıq qalır.

Ola bilsin dəyişikliklər yalnız kosmetik defekt və ya diskomfort halları verir:

  • Yeridikdə və fiziki məşqlər zamanı sürtünmə hissi verir, hansı ki, tədricən güclənərək dözülməz həddə çatır. Dərinin uzanmış hissələri bərkiyir, quruyur.
  • Uşaqlıq yolu dəhlizinin quruluğu yüngül zədələnməyə səbəb olur, hansı ki, infeksiyanın daxil olması üçün şərait yaradır. Normada nəm mühit normal mikrofloranın həyat fəaliyyəti üçün optimaldır. Quru mühit mikrofloranın tərkibinin dəyişilməsinə və disbakteriozun inkişafına gətirir.
  • Seksual narazılıq. Kiçik cinsiyyət dodaqlarının böyük olması, cinsi hissiyyatın azalmasına gətirir. Normada seksual oyanıqlıq klitorun ereksiyasına gətirir, onun əlavə stimulyasiyası isə orqazmla başa çatır. Lakin kiçik cinsiyyət dodaqları böyük olduqda, lazımi dərəcədə həssaslığa malik olmur və ona görə də oyanma olmuya bilər.
  • Psixoloji gərginlik. Bu problemi olan qızlar hətta cinsi həyat yaşamasalar belə, qorxurlar ki, defekti həmyaşıdları məktəbdə paltardəyişmə otağında, hovuzda, dənizdə görər və bu gülünc predmeti ola bilər. Bir qədər yaşlı qadınlarda, hansı ki, kiçik cinsiyyət dodaqları doğuşdan və ya travmadan sonra böyüyür, psixoloji diskomfort adətən sekslə əlaqədar yaranır.

Cinsiyyət dodaqlarının hipertrofiyasının dəqiq səbəbi bəlli deyil. Pozğunluğu genetik anomaliyalarla əlaqələndirirlər, hansı ki, bəzən avropoid irqindən olan qadınlarda rast gəlinir, lakin əsasən afrikanlarda aşkarlanır. Bəzi hallarda travmatik doğuşlar və ya genital orqanların digər zədələri, toxumaların qeyri-düzgün sağalmasına səbəb ola bilər. Klimaksa yaxınlaşan qadınlarda, problem hormonal dəyişikliklərlə əlaqədar inkişaf edir. Bunlardan başqa, dodaqların həcminin böyüməsinə hiperandrogeniya səbəb ola bilər.

Korreksiya üsulları

Mövcud problemlə əlaqədar korreksiya üçün müxtəlif yanaşmalar istifadə edilir. Çox vaxt aşağıdakılara ehtiyac yaranır:

  • kiçik cinsiyyət dodaqlarının forma və həcminin korreksiyası;
  • böyük cinsiyyət dodaqlarının həcminin korreksiyası.

Korreksiya əməliyyatları iki üsulla aparıla bilər:

  1. Klassik – ənənəvi skalpelin istifadəsilə. Bu üsulun qiyməti aşağıdır, amma bərpa dövrü uzun çəkir. Bu üsulda infeksiyalaşma riski az da olsa var.
  2. Lazer – müasir lazerin tətbiqilə aparılır, hansı ki, adi əməliyyatdan çox üstünlükləri var. Müdaxilə az travmatikdir, praktiki olaraq qansızdır. Lazerin təsir yerində çapıq toxuması əmələ gəlmir, hansı ki, dartaraq cinsiyyət dodaqlarının formasını dəyişə bilər.

Əməliyyatönü hazırlıq

Müdaxiləyə qədər standart hazırlıq tələb olunur, hansı ki, aşağıdakı müayinələri əhatə edir:

50 yaşından yuxarı qadınlar üçün terapevtin baxışı mütləqdir. Qalan hallarda, yanaşı gedən xroniki xəstəliklər olarsa, buna ehtiyac yaranır. Əlavə olaraq, digər profil həkimlərin (nevroloq, endokrinoloq) baxışı tələb oluna bilər.

Əksgöstərişlərə aiddir:

Şəkərli diabet olduqda əməliyyatdan imtina etmək lazım gələcək. Bu, patologiya zamanı orqanizmdə baş verən dəyişikliklərlə əlaqədardı: qanda şəkər yuxarı olduqda, mikrosirkulyasiya pozulur. Ona görə də hətta kiçik yaralar da uzun müddətə sağalır, bəzən isə heç sağalmır.

Cinsiyyət orqanları nahiyəsində infeksion prosesləri müalicə etmək lazımdır və yalnız bundan sonra plastika etmək olar.

Kiçik cinsiyyət dodaqlarının plastikası

Cərrahi üsul

Əməliyyatın optimal aparılma müddəti – aybaşı qurtardıqdan dərhal sonradır. Belə olduqda, növbəti aybaşıya qədər toxumalar sağalmağa imkan tapır. Proseduru ginekoloji stasionarda və ya plastik cərrahiyyə klinikasında icra edirlər. Hospitalizasiya bir neçə sutka olur.

Əməliyyatdan qabaq cərrah çizmələr aparır. Bu momenti çox vaxt pasientlə razılaşdırırlar. Bəzi qadınlar hesab edir ki, cinsiyyət dodaqlarının tam kəsilib çıxarılması daha yaxşıdır, lakin bu belə deyil. Orqanların yalnız normal – təbii anatomiyası bərpa edilməlidir. Həmçinin klitorun üstündəki dəri büküşünü də tam çıxartmaq məsləhət deyil. Yalnız əməliyyatdan sonra yaxşı effekt almaq üçün, tez-tez sonuncunun hissəvi korreksiyası aparılır.

Cizgiləmədən sonra cinsiyyət dodaqlarına ağrıkəsici məlhəm çəkilir. O, belə həssas nahiyəni anestetikin yeridilməsinə hazırlayır. 20 dəqiqə sonra keyidici vurulur.

Cərrahi müdaxilə 1 saata qədər davam edir.  Bu zaman həkim artıq toxumaları pazvari və ya V-şəkilli kəsib çıxarır, sonra yaraya sovrulan saplarla tikişlər qoyur. Bu nahiyəyə sarğı qoymağa ehtiyac yoxdur. Əks təqdirdə, o, parnik effekti yaradır, hansı ki, sağalma və bərpa dövrünü uzadır və infeksiyanın inkişafına şərait yaradır. Əlavə olaraq yaraya antibiotik tərkibli məlhəm, məsələn, Levomekol çəkilir.

Reduksion (kiçildici) plastikadan sonra uzunmüddətli hospitalizasiyaya ehtiyac olmur. Əməliyyatdan bir müddət sonra həkim yaraya baxır. Qadının vəziyyəti yaxşı olduqda, evə gedə bilər. Bir neçə gün sonra yoxlanışa gəlməlidir.

Ev şəraitində cinsiyyət dodaqları nahiyəsi işlənilir. Bunun üçün aşağıdakı antiseptik məhlullardan istifadə edilir:

  • Miramistin;
  • Yosept və ya Betadin;
  • Xlorheksidin;
  • Dioksidin;
  • Furasillin.

Yara hər dəfə tualetə getdikdən sonra və yatmazdan qabaq işlənməlidir. Adətən 1,5-2 həftə bu qaydaya əməl etmək kifayət edir.

Bəzən erkən postoperasion dövrdə cinsiyyət dodaqlarının bir-birilə bitişməsi baş verə bilər. Bunun qarşısını almaq üçün, ferment tərkibli xüsusi məlhəmlərdən istifadə edilir. İlk 4-5 sutka ərzində infeksion fəsadların qarşısını almaq üçün antibiotiklər təyin olunur.

5-7 gündən sonra təkrar baxış aparılır. Bu, sağalmanın gedişini və fəsadların olmadığını qiymətləndirməyə imkan verir. Tikişləri sökməyə ehtiyac yoxdur. Onlar özləri sovrulur, qalıqları isə düşür. Tam bərpa bir aydan tez alınmır.

Lazer plastikası

Lazer müasir texnologiya olub, kosmetologiyada, cərrahiyyədə, dermatologiyada, ginekologiyada geniş istifadə edilir. Kiçik cinsiyyət dodaqlarının lazerlə korreksiyası praktiki olaraq qansızdır.

Lazerlə korreksiyanın üstünlükləri:

  1. Toxumalarla kontakt olmur. Lazer kiçik ərazidə işıq şüası ilə təsir göstərir.
  2. Qanaxma olmur, ona görə ki, lazer eyni vaxtda damarları koaqulyasiya edir.
  3. İnfeksiyalaşma riski çox aşağıdır. Lazer şüasının infeksiyanı məhv etmək xüsusiyyəti var.
  4. Ondan sonra tikiş qoyulmur və çapıq toxuması yaranmır.
  5. Qısa sağalma dövrü – 12-14 gündən sonra yara tam sağalır.

Əməliyyatdansonrakı dövr

Əməliyyatdan sonrakı dövrün qaydaları, əməliyyatın üsulundan asılı deyil. Yalnız bərpa dövrünün davam müddəti fərqlənir. Bu dövrdə aşağıdakı məsləhətlərə əməl etmək lazımdır:

  1. İlk 2-3 gün ərzində oturmaq, bütün bərpa dövründə isə – ayağı ayağın üstünə aşırmaq olmaz.
  2. Sıx və təbii olmayan materialdan paltar geyinmək olmaz.
  3. İntim yaxınlığın hər bir növü qadağan edilir.
  4. Diqqətli gigiyena.
  5. Qaynar vanna, hamam, sauna və digər isti prosedurlardan qaçmalı.
  6. Hovuzda və açıq su hövzələrində çimmək arzuolunmazdır.

İdmanı da məhdudlaşdırırlar ki, sürtünmə zamanı tikişlər açılıb qanaxma verməsin. Birinci menstruasiya zamanı tamponlardan istifadə etmək olmaz.

Effektivliyinin qiymətləndirilməsi

Təxminən 2 ay sonra aparılan plastikanın nəticəsini qiymətləndirmək olar. Əgər asimmetriya götürülübsə və kiçik cinsiyyət dodaqları kiçilibsə – əməliyyat uğurlu hesab olunur. Düzgün aparılmış əməliyyat aşağıdakı effektləri verir:

  • cinsi əlaqə zamanı hissiyyat artır;
  • gigiyenik prosedurlar asanlaşır;
  • xoşagəlməz hisslər və psixoloji diskomfort qurtarır.

Əgər əməliyyatdan sonra kobud çapıq əmələ gələrsə, hissiyyat tam itər və ya ağrı yaranarsa, yarada infeksion proses başlayarsa – əməliyyat qeyri-effektiv sayılır.

Böyük cinsiyyət dodaqlarında əməliyyatlar

Böyük cinsiyyət dodaqları dəri büküşləri olub, dərialtı piy toxuması ilə doludur. Əksər qadınlarda onlar kiçikləri örtür. Lakin bəzən onun forması da dəyişir. Çox vaxt kiçik cinsiyyət dodaqlarının hipertrofiyası ilə birgə rast gəlinir.

Böyük cinsiyyət dodaqlarının korreksiyası, həm onların böyüdülməsi, həm də kiçildilməsi istiqamətində ola bilər. Böyüdülmə iki cərrahi üsulla ola bilər:

  1. Öz toxumaları ilə lipofillinq.
  2. Kontur plastikasının (dermal gelin yeridilməsi) aparılması.

Bu əməliyyatları anadangəlmə anomaliyalarda, yaşla əlaqədar və posttravmatik dəyişikliklərdə aparmaq olar.

Lipofillinq aşağıdakı ardıcıllıqla keçir:

  1. Pasientin bədənində çox piy toplanan nahiyələr təyin edilir.
  2. Yerli keyitmə altında bu nahiyələrdən (qarından, sarğı nahiyələrindən (yanlarından) və ya dizlərindən) piy toxuması alınır – liposaksiya edilir.
  3. Material laboratoriya şəraitində təmizlənilir.
  4. Alınmış suspenziya böyük cinsiyyət dodaqlarına yeridilir.

Öz toxumasından istifadə metodu ona əsaslanır ki, vurulan materialda hüceyrələrin bir hissəsi sağ qalıb aktiv piy toplayacaq və orqanın formasını dəyişəcək. Lakin başa düşmək lazımdır ki, toxumalarda lipositlərin maksimum 70%-ə qədəri sağ qala bilər. Qalanları məhv olur. Qalmış hüceyrələr böyüyə bilər, ancaq çox vaxt bu asimmetriyaya gətirib çıxarır.

Dermal dolğuların – gelin isitfadəsi daha effektivdir. Onu orqanizm qəbul edir və allergiya yaratmır. Kliniki müayinələr üsulun təhlükəsizliyi və yüksək effektivliyini təsdiq etmişdir.

Həm lipofillinqdə, həm də kontur plastikasında adətən hər 2 ildən bir, təkrar korreksiya aparmaq lazım gəlir.

Böyük cinsiyyət dodaqlarının kiçildilməsini iki üsulla aparmaq olar:

  1. Liposaksiya – dərialtı piyi sovurmaqla – liposaksiya etməklə.
  2. Artıq toxumaları cərrahi üsulla kəsib götürməklə.

Birinci üsulda artıq toxuma kiçik dəliklərdən çıxarılır. Ikincidə isə – skalpelin köməyilə. Qeyd edək ki, bu nahiyənin qan təchizatı yaxşı olduğu üçün, yara tez sağalır, çapıq toxuması isə formalaşmır. Bu müdaxilələrin hər biri yerli keyitmə altında aparılır.

 

Şərhlər (0)

Hələ şərh yazılmayıb. Siz birinci olun.

Öz şərhinizi yazın

  1. Qonaq kimi şərh yazın 0
0 simvol
Вложения (0 / 5)
Поделиться вашим местоположением

By accepting you will be accessing a service provided by a third-party external to https://doctorramila.az/

Ginekoloqa sual ver

Bizim qiymətlərimiz

Hamiləliyin hesablanması

Cinsin hesablanması

Konsultasiya üçün
qəbula yazılın

*Adınızı və telefon nömrənizi mütləq yazın

Qəbula yazıl

Əməliyyat uğurla başa çatdı. 20 dəqiqə müddətində sizinlə əlaqə saxlayacağıq.

Diqqət!

Saytda verilən məlumatlar yalnız informasion xarakter daşıyır. Özbaşına müalicə sizin sağlamlığınıza ziyan vura bilər! Hər bir məsələ barəsində öz müalicə həkiminizlə əlaqə saxlayın.