Bizim məsləhətlərlə

Sağlam olun

Hamiləlikdə qəhvəyi axıntı

FOTO: Hamiləlikdə qəhvəyi axıntı FOTO: Hamiləlikdə qəhvəyi axıntı

Hamiləlik – əsl kəşflər dövrüdür. Təəssüf ki, onların hamısı xoşagələn olmur. Tez-tez hamilə qadınlar qəhvəyi axıntı ilə rastlaşır. Belə ifrazata diqqət yetirməmək olmaz – əksər hallarda bu cür axıntı hansısa xəstəliyin inkişaf etməsindən xəbər verir. Hamiləlik vaxtı qəhvəyi axıntının səbəbləri nədir? Ən çox rast gəlinən vəziyyətlər barədə sizə məlumat verməyə çalışacağıq.

Adətən qəhvəyi axıntı hamiləliyin pozulma riskinin yuxarı olmasından xəbər verir, buna görə də, həkimə vaxtında müraciət etmək hamiləliyin qalma şansını artırır.

Hamiləlikdə qəhvəyi axıntının növləri

Hamiləliyin erkən dövrlərində qəhvəyi axıntı

Əgər hamiləliyin erkən dövrlərində qəhvəyi axıntıdan söhbət gedirsə, çox güman ki, qadın orqanizmi uşaqlıq boynunda qalmış qandan azad olmağa çalışır. Başqa səbəb də ola bilər, məhz uşaqlıq boynunun həssaslığının yüksək olmasından – nəticədə transvaginal USMcinsi əlaqədən sonra az miqdarda qəhvəyi axıntı ola bilər. Adətən, o, bir neçə gün ərzində özbaşına keçib gedir. Bu halda müalicə tələb olunmur.

Açıq-qəhvəyi axıntı

Açıq -qəhvəyi ifrazat insanın papilloma virusunun və ya başqa infeksiyaların simptomu ola bilər. Əgər zöhrəvi xəstəliklərdən şübhələnirsinizsə, dərhal yaxma götürülməlidir – gecikdirmək olmaz, özünüzün və uşağınızın həyatını təhlükəyə ata bilərsiniz.

Sarı-qəhvəyi axıntı

Əgər hamiləlik zamanı ifrazat sarı-qəhvəyi rəngdədirsə, bu da uşaqlıq yolunda infeksiya olmasının əlamətlərindən biridir. Əgər yaxmada infeksiya çıxmazsa, sarımtıl-qəhvəyi axıntının səbəbi kiçik çanaq orqanlarının iltihabı – salpingit və ya adneksit ola bilər.

Tünd-qəhvəyi axıntı

Tünd-qəhvəyi ifrazat implantasion qanaxmaya görə də ola bilər, hansı ki, sonuncu aybaşıdan bir ay və ya mayalanmadan iki həftə sonra müşahidə olunur. Bu, normal haldır və heç bir müalicə tələb eləmir.

Amma, tünd-qəhvəyi ifrazat molyar hamiləlikdə də ola bilər, hansı ki, embrionun düzgün inkişaf etməməsi səbəbindən inkişaf edir.

Yaxmaşəkilli qəhvəyi ifrazat

Əgər qəhvəyi ləkə yaxmaşəkillidirsə – bu halda uşaqlıqdankənar hamiləlikdən şübhələnmək olar. Bu, təhlükəli vəziyyətdir və hər bir halda hamiləlik pozulmalıdır.

Qırmızı-qəhvəyi axıntı

Qırmızı-qəhvəyi rəngli ifrazat da təhlükəlidir. Beləki, çox vaxt açılış təhlükəsinin əlaməti olur. Qırmızı rəng adətən döl yumurtasının uşaqlıq divarından soyulmasını göstərir. Əgər belə ifrazat qarnın aşağısında ağrı, ürəkbulanma, qusma, başgicəllənmə ilə müşayiət olunursa, təcili surətdə həkimlə əlaqəyə girib xəstəxanaya getmək lazımdır.

Qəhvəyi rəngli ləkə

Qəhvəyi rəngli ləkə qadın orqanizmində gedən hormonal disbalans nəticəsində ola bilər və adətən progestron çatmamazlığını göstərir. Bu səbəbdən qanda progesteronu təyin etmək çox vacibdir. Çox güman ki, analizin nəticələrilə tanış olduqdan sonra həkim sizə Düfaston preparatı təyin edəcək. Qorxuya düşüb özünümüalicə ilə məşğul olmaq olmaz – bütün hormonal preparatları yalnız müalicə həkimi seçməlidir.

Selikli-qəhvəyi axıntı

Əgər qadının daxili cinsiyyət orqanları çox həssas olarsa, cinsi əlaqədən sonra selikli-qəhvəyi axıntı ola bilər.

Çəhrayı-qəhvəyi axıntı

Çəhrayı-qəhvəyi rəngli ifrazat uşaqlıq boşluğunda gizli qanın olmasını göstərə bilər. Əgər bu cür ifrazat intensiv olarsa, təcili şəkildə müalicə həkiminizlə əlaqə saxlamalısınız.

Xülasə...

Hamiləlik zamanı qəhvəyi ifrazat normal deyil (yalnız son aybaşıdan bir ay sonra olan implantasion qanaxmadan başqa). Bu səbəbdən, onun barəsində müalicə həkiminizə xəbər verməkdən çəkinməyin. Mama-ginekoloq ifrazatın xarakterinə uyğun müayinə təyin edib və onun səbəbini araşdırdıqdan sonra, lazımi müalicəni yazacaq.

Yadda saxlayın ki, hamiləlikdə qəhvəyi axıntı orqanizmdə olan hansısa pozğunluqdan xəbər verir və vaxtında verdiyiniz reaksiya həm özünüzün, həm də uşağın sağlamlığını qorumağa kömək edəcək.

Həmçinin oxuyun:

 

Ginekoloqa sual ver

Bizim qiymətlərimiz

Hamiləliyin hesablanması

Cinsin hesablanması

Populyar məqalələr

07 aprel 2022
Molyar hamiləlik və ya beçəxor — patoloji hamiləliyin bir növü olub, döl yumurtasının nadir rast gəl...
701 Baxış
22 may 2022
Doğuşa qədər inkişafın əsas əlamətlərindən biri uşağın tərpənişləridir. Spontan hərəkətlər artıq emb...
427 Baxış
04 may 2022
Qadınlarda ən təhlükəli xəstəlik – bədxassəli şişdir. Onun profilaktikası iki istiqamətdə aparılır: ...
316 Baxış

Konsultasiya üçün
qəbula yazılın

*Adınızı və telefon nömrənizi mütləq yazın

Qəbula yazıl

Əməliyyat uğurla başa çatdı. 20 dəqiqə müddətində sizinlə əlaqə saxlayacağıq.

Diqqət!

Saytda verilən məlumatlar yalnız informasion xarakter daşıyır. Özbaşına müalicə sizin sağlamlığınıza ziyan vura bilər! Hər bir məsələ barəsində öz müalicə həkiminizlə əlaqə saxlayın.