Bizim məsləhətlərlə

Sağlam olun!

Məsləhətli 

Hamiləliyin erkən əlamətləri (VİDEO)

FOTO: Erkən dövrlərdə hamiləliyin əlamətləri

Əgər aybaşı vaxtında gəlməyəndə qadın hamilə olduğunu dəqiq bilsəydi, hər şey əla olardı. Lakin, bu nadir hallarda belə olur və hamiləliklə əlaqədar dəyişilmiş hormonal fonun ilkin əlamətləri müxtəlif cür özünü büruzə verir.

Hər bir qadın orqanizmi unikal olduğu kimi, hamiləlik də özünü fərqli göstərir. Hətta hamiləlik əlamətlərinin 1-2 ay ərzində tamamilə olmaması da mümkündür. Buna görə də, ilk şübhələr yaranan kimi, ginekoloqa müraciət etmək lazımdır.

Yumurtahüceyrənin mayalanması ovulyasiyadan sonra 1 sutka ərzində baş verir. Hamiləliyin ilk əlamətlərini qadın ovulyasiyadan 7-10 gün sonra hiss edə bilər. Xorionik qonadotropin – XQ embrion uşaqlığa fiksasiya oldunduqdan sonra, qadının qanı və sidiyində təyin olunan hormondur. Bəzən ona "hamiləlik hormonu" da deyilir.

Hamiləliyin əlamətlərini mayalanmadan sonra bir həftədən tez aşkarlamaq mümkün deyil. Ən dəqiqi növbəti aybaşının ilk günü hamiləlik testi etməkdir. Lakin, qeyd etmək lazımdır ki, aybaşı ləngiməsinin səbəbləri də az deyil. Bunlara hormonal pozğunluq, stres vəziyyəti, idmanla aktiv məşğul olma, antibiotik, kontraseptiv və digər preparatların qəbulu aiddir.

Hər bir qadında aybaşı siklinin davam müddəti fərdidir və adətən 28-36 gün çəkir. Təqvimdə aybaşının ilk gününü qeyd etməklə ləngiməyə nəzarət etmək olar. Amma, sağlam pasientlərdə də bəzən aybaşı sikli pozula bilir. Belə qadınlar hamiləliyin ilk əlamətlərini özlərində çətin aşkarlayır.

Bazal temperaturun qalxması

Bəzi qadınlar özlərində bazal temperaturu ölçür. Onun köməyilə ovulyasiya vaxtını, yəni, hamilə qalmaq riskinin çox olduğu günləri bilmək olur. Bazal temperatur ovulyasiya gününə qədər yuxarı səviyyədə qalır. Aybaşı ləngiməsi zamanı bazal temperaturun yuxarı səviyyədə qalması, hamiləliyin ilk əlamətlərindən biri ola bilər. Bu temperatur adi termometrlə düz bağırsaqda ölçülür. BT yuxudan ayılan kimi, hələ yataqda olarkən, ölçülməlidir. Əgər termometrdə 37 dərəcə selsidən yuxarı görsəniz, hamiləlikdən şübhələnmək olar. Əgər mayalanma baş verməzsə, bazal temperatur düşür, aybaşı vaxtında gəlir.

Aybaşının olmaması

Qadınlar aybaşının vaxtında olmamasını hamiləliyin ilk əlaməti kimi qiymətləndirirlər. Lakin, ləngimə həmişə bununla əlaqədar deyil. İstənilən xəstəlik və ya stres hormonal fonu dəyişdirə bilər. Hətta qadın hamiləliyin erkən dövrlərində aybaşı da görə bilər. Hamiləliyin erkən dövründə olan belə qanaxmalar adi aybaşıdan ifrazatın rənginə və miqdarına görə fərqlənir. İlk göstəricilər – aybaşının çox azalması və menstruasiyanın tez qurtarmasıdır. Əgər qorunmamış cinsi əlaqə olmuşsa, onda belə menstruasiyaya 50% dəqiqliklə hamiləliyin başlanğıcı demək olar.

Aybaşı ləngiməsi haqqında daha ətraflı bu məqaləmizdə oxuya bilərsiniz.

Ürəkbulanma və qusma

Qadınların əksəriyyəti ürəkbulanma və əzginliyi hamiləliyin ilk əlamətləri kimi qiymətləndirir. Amma belə əlamətlər zəhərlənmələrdə, mədə-bağırsaq və qaraciyər xəstəliklərində də müşahidə olunur. Hamiləliklə əılaqədar olan ürəkbulanma adətən səhərlər olur, lakin, qanda şəkərin səviyyəsi kəskin düşərsə, gün ərzində də ola bilər. Erkən dövrlərdə toksikozun yaranma səbəbi orqanizmin zərərli maddələrdən azad olmaq istəyidir. İkinci trimestrdə isə toksikoz, qadını "yad orqanizmdən" qurtulmaq üçün narahat edir. Bəzi pasientləri toksikoz bütün hamiləlik boyu narahat edir. Bu psixoloji toksikoz adlanır. Qeyd edək ki, həm çox hamilə qalmaq istəyənlərdə, həm də hamiləlikdən həddən artıq qorxan qadınlarda səhərlər ürəkbulanma ola bilər.

Hamiləlik zamanı rast gəlinən ürəkbulanma və qusma haqqında daha ətraflı eyni adlı məqaləmizdə oxuya bilərsiniz.

Dad hissiyyatının dəyişməsi

Qanda hormonların səviyyəsinin artmasını ağızda metallik dada görə təyin etmək olar. Eyni zamanda qida məhsullarının da dadı dəyişə bilər. Qeyri-adi məhsullara meyl yarana bilər. Amma bu əlamət adətən gec dövrlərdə yaranır.

Döşlərin ağrılı olması və böyüməsi

Yeni həyat yarandıqda süd vəziləri laktasiyaya – südverməyə hazırlaşır. Döşlər bərkiyir, ağrılı olur. Adətən gilələr tündləşir və daha həssas olur. Bəzən venalar daha çox görünür, gilənin ətrafındakı areola genişlənir. Bəzi qadınlar areoladakı xırda məməciklərin böyməsini qeyd edir. Gilələrdən südün və ya sarı ifrazatın gəlməsi hamiləliyin aydın əlamətidir.

Demək olar ki, əlamətlər fərdi xarakter daşıyır bə hamilə qadın ola bilər ki, onların heç birini özündə tapa bilməsin!

Tez-tez sidiyə getmə

İmplantasiyadan bir həftə sonra bəziləri sidik ifrazının tezləşdiyini qeyd edir. Bu, XQ hormonunun ifrazı ilə izah olunur. Məhz, o, çanaq orqanlarının qan dövranını artırır. Nəticədə, sidik az olduqda da sidik kisəsinin dolma hissiyyatı yaranır, özü də qadını gecələr daha çox narahat edir. Amma tez-tez sidiyə getmə çox hallarda sistit və ya uretritlə əlaqədardır. Əsas fərq bundadır ki, belə xəstəliklərdə sidiyə getmə zamanı diskomfort və göynəmə olur.

İmplantasion qanaxma

Mayalanmadan təxminən 6-12 gün sonra cinsiyyət yollarından al rəngli qanlı ifrazat ola bilər. Onlar adi aybaşıdan rəngi ilə fərqlənir. Bu mərhələdə embrionun uşaqlıq divarına oturması baş verir. Bəzi pasientlər heç bir ifrazat görmür, bu da normal hal sayılır. Həmçinin, sarı və al rəngli kreməbənzər ifrazatlar da ola bilər. Belə rəngli ifrazatlar uşaqlıq boynunun eroziyasında da olur, hamiləlik vaxtı o kəskinləşir.

Yorğunluq və yuxululuq

Orqanizmdə baş verən dəyişikliklərlə əlaqədar maddələr mübadiləsi daha sürətli olur. Elə daimi yatmaq və ya dincəlmək istəyirsən. Əsas da gündüz vaxtı yuxu gəlir. Bu progestronun işidir, hansı ki, sedativ təsir göstərir.

Uşaqlıq yolundan gələn təbii ifrazatın artması

Bəzi hamilələrdə servikal seliyin həcmi artmış olur. Bunun da səbəbkarı progestrondur. Lakin bu göstərici dəqiq və stabil hesab edilmir.

Soyuqdəymə əlamətləri, əzginlik

Hamiləliyin normal gedişində immunitet azalır. Bu, ondan ötrüdür ki, orqanizm dölü yad cisim kimi qəbul etməsin. Bu dövrdə asqırma, burun tutulması, boğazda qıcıqlanma yaranır. Bəzən bədən temperaturu qalxır. Bu zaman güclü təsir edən preparatların istifadəsi məsləhət deyil. Uşağı qorumaq üçün xalq təbabəti vasitələrinə üstünlük verilməlidir.

Emosional dəyişikliklər

Hamiləliyin lap əvvəllərindən qadın orqanizmində emosional sıçrayışlar yaranır. Əvvəllər qadlının əhvalı şən olur, sonralar isə dəyişərək kövrək və küsəyən olur. Tez-tez əsəbiləşir və ətrafdakılara hirslənir. Bu səbəbdən yaxın adamlarla münasibət pozulur.

Beldə və qarnın aşağısında ağrı

Erkən dövrlərdə bəzi qadınlar qarnın aşağısında və bel nahiyəsində ağrı hiss edir. Bu əlamət sistit, ağır fiziki gərginlik və pielonefrit nəticəsində ola bilər. Həmçinin bu, düşük təhlükəsindən xəbər verə bilər. Əgər qarnın aşağısındakı sancı qanaxma ilə müşayiət olunarsa, onda, mütləq qaydada həkimə müraciət etmək lazımdır!

Bunlardan başqa digər əlamətlər də ola bilər

  1. İshal və ya qəbizlik – hormonların artması nəticəsində bağırsaq tez boşalır və pis işləməyə başlayır. Orqanizm bu üsulla çalışır ki, uşaq üçün yer azad etsin. Bu köp, qəbizlik, hərdən ishal verir. Əgər siz uşaq gözləyirsinizsə, xalq təbabətinin hamilələr üçün olan xüsusi vasitələrindən istifadə edin. Bəzilərində babasil yaranır. O, adətən ikinci və üçüncü trimestrdə narahat edir. Lakin əvvəl doğmuş qadınlar artıq hamiləliyin ilk həftələrindən narahatçılıq hiss edir.
  2. Yuxusuzluq və narahat yuxu – bəzi qadınlar yuxu problemi yaşayır. Yuxu çox erkən gəlir. Lakin, hətta gecə yaxşı dincəldikdən sonra da yorğunluq və əzginlik keçmir.
  3. İy problemləri – hamiləlik zamanı iylər bəzən heç dözülməz olur. Hətta əvvəllər zövq verən yemək hazırlığı prosesi, indi ikrah hissi yarada bilər.
  4. Sızanaqların yaranması – sizin üzünüzdə əvvəllər olmayan sızanaqlar əmələ gələ bilər. Bu proses də hormonal fonun dəyişməsilə əlaqədardır.
  5. Miqren və başağrıları – orqanizmdə hormonların kəskin artması nəticəsində başağrıları ola bilər. Bu, hamiləliyin aydın əlaməti deyil. Adətən birinci trimestrin sonuna ağrı azalır.
  6. Yeni məhsullara meyl, iştah və tüpürcək ifrazının artması — hamilə qadınların tez-tez bəzi məhsullara tələbatı artır. Bu, həmişə turşu olmur, başqa yeyilməyən məhsullara da müəyyən meyl yaranır. Siz tomat şirəsi, bal, qarpız və ya mel istəyə bilərsiniz. Orqanizm çalışır ki, qidalı maddə və vitaminlərə tələbatını ödəsin və uşağı sona qədər saxlasın.
  7. Əllərin zəif ödemi – progestronun təsirindən su və duz bədəndə qalır. Bu, əllərdə bir qədər ödem verir, əlləri yumruq kimi yığdıqda barmaqların qalınlaşdığını görmək olar.
  8. Uşaqlıq nahiyəsində diskomfort – bəzən hamiləlik baş tutduqdan sonrakı 2 həftə müddətində, qadınlar uşaqlıq nahiyəsində diskomfort hiss edir.

Hamiləliyin mümkün əlamətləri

Qadın ola bilər ki özündə heç bir əlamət hiss etməsin, amma, elə də ola bilər ki bütün hamiləlik dövründə toksikozdan, yuxusuzluqdan, tez-tez sidik ifrazı və qəbizlikdən əziyyət çəksin. Ümumiyyətlə, hamiləliyin ən etibarlı əlamətləri bunlardır: döşlərin böyüməsi, aybaşı ləngiməsi, ürəkbulanma, səhərlər başgicəllənmə. Ginekoloq baxış zamanı uşaqlığın böyüməsini və boynunun yumşalmasını təyin edir. Eyni zamanda, uşaqlıq boynu və yolunun divarlarının sianozunu da, təyin edə bilər.

Etibarlı göstəricilər

Hamiləliyin olmasını 100% təyin etmək üçün qan və sidik analizini vermək lazımdır. Hamiləlik testi gözlənilən menstruasiyanın ilk günündən müsbət nəticə verə bilər. Lakin, testlər yalan nəticələr də verə bilir. Əgər qadında böyrək xəstəlikləri varsa, testin vaxtı keçibsə və ya təzə sidik istifadə edilməyibsə – düzgün nəticə verməyəcək. Həmçinin testdən əvvəl çoxlu maye qəbul edilmişsə, nəticə səhvən mənfi də ola bilər.

Əgər hamiləliyə şübhəniz varsa, onda test aparın. Proseduru səhərlər təzə sidiklə etmək lazımdır. Yaxşısı gözləyib aybaşı ləngiməsindən bir neçə gün sonra aparmaqdır, onda nəticə daha dəqiq olar. Hamiləliyin baş tutmasından 1-2 həftə sonra qanda və sidikdə XQ təyin edilir. Qanda xorionik qonadotropinin (XQ) təyini, erkən mərhələlərdə daha dəqiqdir. Qeyd edək ki, hamiləliyin üçüncü həftəsindən USM vasitəsilə uşaqlıq boşluğunda döl yumurtasını təyin etmək olur.

Videomaterial

Hamiləliyin erkən əlamətləri barədə youtube kanalımızda yerləşdirdiyimiz videoçarxa baxın:

 

28

Həmçinin oxuyun:

 

Şərhlər 2366

Qonaq - Qonaq в 30.03.2020 14:53

Həkim birdə salam bayaq yazmışdlm deməlu usm kağızında yazıbki 3-4 həftəlik hamiləlikdi sol yumurtalıq 18mm bu nə deməkdi mənim folekulum solda idi qeyd edim birdəki həkim keçən həftə uzidə olmuşam 3-4 həftə göstərdi ama həmin gün xq analizi 4 həftəni keçmişdi 5 həftə içindəydi

Həkim birdə salam bayaq yazmışdlm deməlu usm kağızında yazıbki 3-4 həftəlik hamiləlikdi sol yumurtalıq 18mm bu nə deməkdi mənim folekulum solda idi qeyd edim birdəki həkim keçən həftə uzidə olmuşam 3-4 həftə göstərdi ama həmin gün xq analizi 4 həftəni keçmişdi 5 həftə içindəydi
Ramilə Abbaszadə в 30.03.2020 15:11

18 mm nəyə yazıblar deyə bilmərəm. Amma nə UZİ, nə də XQ hamiləlik müddətini dəqiq göstərmir. Bu səbəbdən onları müqayisə etmək düzgün deyil. Hamiləlik sonuncu aybaşının ilk günündən hesablanır.

18 mm nəyə yazıblar deyə bilmərəm. Amma nə UZİ, nə də XQ hamiləlik müddətini dəqiq göstərmir. Bu səbəbdən onları müqayisə etmək düzgün deyil. Hamiləlik sonuncu aybaşının ilk günündən hesablanır.
Qonaq - Rehimova в 30.03.2020 14:04

Salam dr. Son aybawim 27 yanvar olub. 2 aydir aybawi olmura.. test edirem menfi cixir. Ola bilerki hamilelik olsun gostermesin? Ama hec bir elameti yoxdu

Salam dr. Son aybawim 27 yanvar olub. 2 aydir aybawi olmura.. test edirem menfi cixir. Ola bilerki hamilelik olsun gostermesin? Ama hec bir elameti yoxdu
Ramilə Abbaszadə в 30.03.2020 15:09

Salam, xanım. XQ analizi verin, bəlli olsun

Salam, xanım. XQ analizi verin, bəlli olsun
Qonaq - Ayka в 30.03.2020 11:53

Salam həkim. Mən keçən ay 27ci günü aybaşı oldum. Bugündə aybaşının 25ci günüdü. Test etdim lap solğun xət var zorla görünür. Ola bilərmi hamiləlik olsun ama hələ göstərməsin. Heçbir ürəkbulanma falan yoxdu

Salam həkim. Mən keçən ay 27ci günü aybaşı oldum. Bugündə aybaşının 25ci günüdü. Test etdim lap solğun xət var zorla görünür. Ola bilərmi hamiləlik olsun ama hələ göstərməsin. Heçbir ürəkbulanma falan yoxdu
Ramilə Abbaszadə в 30.03.2020 13:56

Salam. Bəli, ola bilər. Aybaşı ləngiməsini gözləyin

Salam. Bəli, ola bilər. Aybaşı ləngiməsini gözləyin
Qonaq - Qonaq в 30.03.2020 08:22

Sabah 5 həftə olacaq mədəm tez tez köpür ürək bulanma verir mənə hamiləlikdən ola bilər bu ?

Sabah 5 həftə olacaq mədəm tez tez köpür ürək bulanma verir mənə hamiləlikdən ola bilər bu ?
Ramilə Abbaszadə в 30.03.2020 10:39

Salam, bəli

Qonaq - Qonaq в 30.03.2020 08:20

Salam həkim mən 4 həftəlik hamilə olanda usmə düşdüm usm kağızında 18 mm ölçü yazılıb bu nəyin ölçüsdür?

Salam həkim mən 4 həftəlik hamilə olanda usmə düşdüm usm kağızında 18 mm ölçü yazılıb bu nəyin ölçüsdür?
Ramilə Abbaszadə в 30.03.2020 10:39

Salam, xanım. Çox şey ola bilər. Baxmaq lazımdır

Salam, xanım. Çox şey ola bilər. Baxmaq lazımdır
Qeydiyyatdan keçmisiniz? Sayta daxil ol
Qonaq
30.03.2020

Ginekoloqa sual ver

Bizim qiymətlərimiz

Hamiləliyin hesablanması

Cinsin hesablanması

Populyar məqalələr

17 avqust 2017
Əgər aybaşı vaxtında gəlməyəndə qadın hamilə olduğunu dəqiq bilsəydi, hər şey əl...
446480 Baxış
16 aprel 2018
Normada aybaşı sikli 21 gündən 35 günə qədər davam edir. Hər bir qadın üçün bu m...
89577 Baxış
27 oktyabr 2017
Dərman abortu və ya dərmanla uşaqsalma – arzuolunmaz hamiləliyi erkən dövrlərdə ...
77791 Baxış

Son şərhlər

Qonaq - Dəniz Hamiləlik zamanı qarında ağrılar – səbəbi nədir?
30 mart 2020
Salam həkim hamiləlik zamanı bədəndə səpkilər qaşınma ola bi...
Ramilə Abbaszadə Hamiləliyin erkən əlamətləri (VİDEO)
30 mart 2020
18 mm nəyə yazıblar deyə bilmərəm. Amma nə UZİ, nə də XQ ham...
Ramilə Abbaszadə Hamiləliyin erkən əlamətləri (VİDEO)
30 mart 2020
Salam, xanım. XQ analizi verin, bəlli olsun

Son soruşulanlar

Salam Ramile xanim
Salam Ramile xanim Menim folekulum gec yetiwir Yetishen zamanda tedbirleri ali...
0 cavab
?
Salam men 5gün klomifen qebul etdim bu gün aybaşimin 12ci günüdü ovulyasya testi...
7 cavab
Fol turşusu
Salam doktor, 3 aydır aileliyem hamilelikden önce fol turşusu qebul etmek olarmı...
1 cavab

Konsultasiya üçün
qəbula yazılın

Qəbula yazıl

*Adınızı və telefon nömrənizi mütləq yazın

Qəbula yazıl

Əməliyyat uğurla başa çatdı. 20 dəqiqə müddətində sizinlə əlaqə saxlayacağıq.

Diqqət!

Saytda verilən məlumatlar yalnız informasion xarakter daşıyır. Özbaşına müalicə sizin sağlamlığınıza ziyan vura bilər! Hər bir məsələ barəsində öz müalicə həkiminizlə əlaqə saxlayın.