Qəbula yazıl

*Adınızı və telefon nömrənizi mütləq yazın

Uğurlu tamamlama

Mesajınız uğurla göndərildi. 20 dəqiqə ərzində sizinlə əlaqə saxlayacağıq.

Sağlam olun!

Bizim məsləhətlərlə

Məsləhətli 

Hamiləliyin erkən əlamətləri

FOTO: Erkən dövrlərdə hamiləliyin əlamətləri

Əgər aybaşı gecikməsinin səhəri günü qadın hamilə olduğunu dəqiq bilsəydi, hər şey əla olardı. Lakin bu nadir hallarda belə olur və dəyişilmiş hormonal fonun ilkin əlamətləri müxtəlif cür özünü göstərir.

Necə ki, hər bir qadın unikal orqanizmdir, hamiləlik də özünü fərqli göstərir. Hamiləliyin əlamətlərinin 1-2 ay ərzində tamamilə olmaması da mümkündür. Buna görə də ilk şübhələr yaranan kimi ginekoloqa müraciət etmək lazımdır.

Yumurtahüceyrənin mayalanması ovulyasiyadan sonra 1 sutka ərzində baş verir. Hamiləliyin ilk əlamətlərini qadın ovulyasiyadan 7-10 gün sonra hiss edə bilər. Xorionik qonadotropin – XQ, embrion uşaqlığa fiksasiya olduqdan sonra qadının qanı və sidiyində təyin olunan hormondur. Bəzən ona "hamiləlik hormonu" da deyirlər.

Hamiləliyin əlamətlərini bir həftədən tez tapmaq mümkün deyil. Ən yaxşısı növbəti aybaşının ilk günü hamiləlik testi etməkdir. Lakin qeyd etmək lazımdır ki, aybaşı ləngiməsinin səbəbləri də az deyil. Bu hormonal pozğunluq, stres vəziyyəti, idmanla aktiv məşğul olma, antibiotik, kontraseptiv və digər preparatların qəbulu ola bilər.

Hər bir qadında aybaşı siklinin davam müddəti fərdidir və adətən 28-36 gün çəkir. Təqvimdə aybaşının ilk gününü qeyd etməklə ləngiməyə nəzarət etmək olar. Amma sağlam pasientlərdə də bəzən aybaşı sikli pozula bilir. Belə qadınlar hamiləliyin ilk əlamətlərini özlərində çətin aşkarlayırlar.

Bazal temperaturun qalxması

Qadınların çoxsu özlərində bazal temperaturu ölçməli olurlar. Onun köməyilə ovulyasiya vaxtını bilmək olur. Yəni, hamilə qalmaq riskinin çox olduğu günləri. Bazal temperatur ovulyasiya gününə qədər yuxarı qalır. Aybaşı ləngiməsi zamanı bazal temperaturun yuxarı qalması hamiləliyin ilk əlamətlərindən ola bilər. Bu temperatur adi termometrlə düz bağırsaqda ölçülür. BT yuxudan ayılıb hələ yataqda olarkən dərhal ölçülməlidir. Əgər termometrdə 37 dərəcə selsidən yuxarı görsəniz, hamiləlikdən şübhələnmək olar. Mayalanma baş verməzsə, bazal temperatur düşür, aybaşı vaxtında gəlir.

Aybaşının olmaması

Qadınlar aybaşının vaxtında olmamasını hamiləliyin ilk əlaməti kimi qiymətləndirirlər. Lakin ləngimə həmişə bununla əlaqədar deyil. İstənilən xəstəlik və ya stres hormonal fonu dəyişdirə bilər. Hətta qadın erkən dövrlərdə aybaşı da görə bilər. Hamiləliyin erkən dövründə olan belə qanaxmalar adi aybaşıdan ifrazatın rənginə və miqdarına görə fərqlənir. İlk göstəricilər – aybaşının çox azalması və menstruasiyanın tez qurtarmasıdır. Əgər qorunmamış cinsi əlaqə olmuşsa, onda belə menstruasiyaya 50% dəqiqliklə hamiləliyin başlanğıcı demək olar. Yenə də, əgər qadın orqanizmində hormonal dəyişikliklər baş vermişsə, belə az aybaşı asan izah oluna bilər.

Aybaşı ləngiməsi haqqında daha ətraflı eyni adlı məqaləmizdə oxuya bilərsiniz.

Ürəkbulanma və qusma

Qadınların əsas hissəsi səhərlər ürəkbulanma və əzginliyi yeni vəziyyətin ilk əlamətləri kimi müşahidə edirlər. Amma belə əlamətlər həmçinin zəhərlənmədə, mədə-bağırsaq və qaraciyər xəstəliklərində olur. Hamiləlik vaxtı ürəkbulanma adətən səhərlər olur, lakin qanda şəkərin səviyyəsi kəskin düşərsə gün ərzində də ola bilər. Erkən dövrlərdə toksikozun yaranma səbəbi orqanizmin zərərli maddələrdən azad olmaq istəyidir. İkinci trimestrdə isə toksikoz, qadını "yad orqanizmdən" qurtulmaq tələbatına görə narahat edir. Bəzi pasientləri toksikoz bütün hamiləlik boyu narahat edir. Bu psixoloji toksikoz adlanır. Qeyd edək ki, həm çox hamilə qalmaq istəyənlərdə, həm də hamiləlikdən həddən artıq qorxan qadınlarda səhərlər ürəkbulanma ola bilər. Amma yeni həyat hələ doğulmayıb.

Hamiləlik zamanı rast gəlinən ürəkbulanma və qusma haqqında daha ətraflı eyni adlı məqaləmizdə oxuya bilərsiniz.

Dad hissiyyatlarının dəyişməsi

Siz, ola bilər ki, hormonların səviyyəsinin artmasını ağızda metallik dada görə təyin edə biləsiniz. Qida məhsulların dadı dəyişə bilər. Qeyri-adi məhsullara meyl yaranacaq. Lakin bu əlamət adətən gec dövrlərdə yaranır.

Döşlərin ağrılı olması və böyüməsi

Yeni həyat yaranmağa başladıqda döş vəziləri laktasiyaya – süd verməyə hazırlaşır. Döşlər bərkiyir, qadın ağrı hiss edir. Adətən gilələr tündləşir və daha həssas olur. Bəzən venalar daha çox görünür, gilənin ətrafındakı areola genişlənir. Bəzi hamilələr areoladakı xırda şişkinliklərin böyməsini qeyd edirlər.. Gilələrdən südün – bulamanın və ya sarı ifrazatın gəlməsi hamiləliyin aydın əlamətidir. Demək olar ki, əlamətlər fərdi xarakter daşıyır bə hamilə qadın ola bilər ki, onların heç birini özündə tapa bilməsin!

Tez-tez sidiyə getmə

İmplantasiyadan bir həftə sonra bəziləri tez-tez sidiyə getmə qeyd edirlər. Bu XQ hormonunun ifrazı ilə əlqədardır. Məhz o çanaq orqanlarının qan dövranını artırır. Nəticədə sidik az olduqda da sidik kisəsinin dolma hissiyyatı yaranır, əsas da bu, qadını gecələr daha çox narahat edir. Amma tez-tez sidiyə getmə çox hallarda sistit və ya uretritlə əlaqədardır. Əsas fərq bundadır ki, belə xəstəliklərdə sidiyə getmə zamanı diskomfort və göynəmə olur.

İmplantasion qanaxma

Mayalanmadan təxminən 6-12 gün sonra al rəngli qanlı ifrazat ola bilər. Onlar adi aybaşıdan rəngi ilə fərqlənir. Bu mərhələdə embrionun uşaqlıq divarına oturması baş verir. Bəzi pasientlər heç bir ifrazat görmür, bu da normal hal sayılır. Небольшие выделения из влагалища появляются и тогда, когда плодное яйцо вживается в стенку матки. Sarı və al rəngli kreməbənzər ifrazat da ola bilər. Belə rəngli ifrazatlar uşaqlıq boynunun eroziyasında da olur, bu xəstəlik hamiləlik vaxtı güclənir.

Yorğunluq və yuxululuq

Orqanizmdə baş verən dəyişikliklərlə əlaqədar maddələr mübadiləsi daha sürətli olur. Hərdən elə daimi yatmaq və ya dincəlmək istəyirsən. Əsas da gündüz vaxtı yuxu gəlir. Bu progestronun işidir, hansı ki, sedativ təsir göstərir.

Uşaqlıq yolundan təbii ifrazatın artması

Bəzi hamilələrdə servikal seliyin həcmi artmış olur. Bunun da səbəbkarı progestrondur. Lakin bu göstərici dəqiq və stabil hesab edilmir.

Soyuqdəymə əlamətləri, əzginlik

Hamiləliyin normal gedişində immunitet azalır. Bu, ondan ötrüdür ki, orqanizm dölü yad cisim kimi qəbul etməsin. Bu dövrdə asqırma, burun tutulması, boğazda qıcıqlanma yaranır. Bəzən bədən temperaturu qalxır. Bu zaman güclü təsir edən preparatların istifadəsi məsləhət deyil. Uşağı qorumaq üçün xalq təbabəti vasitələrinə üstünlük verilməlidir.

Emosional dəyişikliklər

Hamiləliyin lap əvvəllərindən qadın orqanizmində emosional sıçrayışlar yaranır. Əvvəlcə əhvalı sevincək olur, sonra isə dəyişir və qadın ağlağan olur və hər kiçik bir şeydən küsür. Tez-tez qıcıqlıq və ətrafdakılara qarşı tələbkarlıq yaranır. Buna görə yaxın adamlarla münasibət pozulur.

Beldə və qarnın aşağısında ağrı

Erkən dövrlərdə bəzi qadınlar qarnın aşağısında və bel nahiyəsində ağrı hiss edirlər. Bu əlamət sistit, ağır fiziki gərginlik və həmçinin pielonefrit nəticəsində ola bilər. Həmçinin bu, düşük təhlükəsi səbəbindən ola bilər. Əgər qarnın aşağısındakı sancı qanaxma ilə müşayiət olunarsa, onda mütləq qaydada həkimə müraciət etmək lazımdır!

Bunlardan başqa digər əlamətlər də ola bilər

  1. İshal və ya qəbizlik – hormonların artması nəticəsində bağırsaq boşalır və pis işləməyə başlayır. Orqanizm bu üsulla çalışır ki, uşaq üçün yer azad etsin. Bu köp, qəbizlik, hərdən ishal verir. Əgər siz uşaq gözləyirsinizsə, xalq təbabətinin hamilələr üçün olan xüsusi vasitələrindən istifadə edin. Bəzilərində babasil yaranır. O, adətən ikinci və üçüncü trimestrdə narahat edir. Lakin əvvəl doğmuş qadınlar artıq hamiləliyin ilk həftələrindən narahatçılıq hiss edirlər.
  2. Yuxusuzluq və narahat yuxu – bəzi qadınlar yuxu problemi yaşayırlar. Yuxu çox erkən gəlir. Lakin hətta gecə yaxşı dincəldikdən sonra da yorğunluq və əzginlik keçmir.
  3. İy problemləri – belə qeyri-adi vəziyyətdə iylər bəzən heç dözülməz olur. Hətta əvvəllər zövq verən yemək hazırlığı prosesi, indi ikrah hissi yarada bilər.
  4. Sızanaqların yaranması – sizin üzünüzdə əvvəllər olmayan sızanaqlar əmələ gələ bilər. Bu proses də hormonal fonun dəyişməsilə əlaqədardır.
  5. Miqren və başağrıları – orqanizmdə hormonların kəskin artması nəticəsində başağrıları ola bilər. Bu hamiləliyin aydın əlaməti deyil. Adətən birinci trimestrin sonuna ağrı azalır.
  6. Yeni məhsullara meyl, iştahın, tüpürcək ifrazının artması — qadınların tez-tez hamilə olarkən bəzi məhsullara tələbatı artır. Bu həmişə turşu olmur, başqa yeyilməyən məhsullara da müəyyən meyl yaranır. Siz tomat şirəsi, bal, qarpız və ya mel istəyə bilərsiniz. Orqanizm çalışır ki, qidalı maddə və vitaminlərə tələbatını ödəsin və uşağı sona qədər saxlasın.
  7. Əllərin zəif ödemi – progestronun təsirindən su və duz bədəndə qalır. Bu, əllərdə bir qədər ödem verir, əlləri yumruq kimi yığdıqda barmaqların qalınlaşdığını görmək olar.
  8. Uşaqlıq nahiyəsində diskomfort – bəzən hamiləlik baş tutduqdan sonra 2 həftə müddətində qadınlar uşaqlıq nahiyəsində diskomfort hiss edirlər.

Hamiləliyin mümkün əlamətləri

Qadın ola bilər ki, özündə heç bir əlamət hiss etməsin, amma ola da bilər ki, bütün hamiləlik dövründə toksikozdan, yuxusuzluqdan, tez-tez sidik ifrazı və qəbizlikdən əziyyət çəksin. Ümumiyyətlə, ən etibarlı əlamətlər bunlardır: döşlərin böyüməsi, aybaşı ləngiməsi, ürəkbulanma, səhərlər başgicəllənmə. Ginekoloq baxış zamanı uşaqlığın böyüməsini və boynunun yumşalmasını təyin edir. Uşaqlıq boynunun və uşaqlıq yolu divarlarının sianozunu da həkim təyin edə bilər.

Etibarlı göstəricilər

Hamiləliyin olmasını 100% təyin etmək üçün qan və sidik analizini vermək lazımdır. Hamiləlik testi gözlənilən menstruasiyanın ilk günündən müsbət nəticə verə bilər. Lakin testlər həmçinin yalan nəticələr də verə bilir. Əgər böyrək xəstəlikləri varsa, testin vaxtı keçibsə və ya təzə sidik istifadə edilməyibsə, o, düzgün nəticə verməyəcək. Həmçinin testdən əvvəl çoxlu maye qəbul edilmişsə, nəticə səhvən mənfi də ola bilər. Əgər sizdə hamiləliyə şübhə varsa, onda test verin. Proseduranı səhərlər təzə sidiklə etmək lazımdır. Yaxşısı gözləyib aybaşı ləngiməsindən bir neçə gün sonra verməkdir, onda nəticə daha dəqiq olar. Hamiləliyin baş tutmasından 1-2 həftə sonra qanda və sidikdə XQ təyin edilir Qanda xorionik qonadotropinin təyini erkən mərhələlərdə daha dəqiqdir. Artıq hamiləliyin üçüncü həftəsindən USM vasitəsilə uşaqlıq boşluğunda döl yumurtasını təyin etmək olur.

20

Həmçinin oxuyun:

 

Şərhlər 279

Ramilə Abbaszadə в 11.11.2019 10:08

Salam, Sevinc xanım. Çox şey ola bilər. Bir də təkrarlansa, gələrsiz baxarıq.

Salam, Sevinc xanım. Çox şey ola bilər. Bir də təkrarlansa, gələrsiz baxarıq.
Qonaq - sona в 09.11.2019 11:30

Hekim salam.aybaw ola ola hamiliy ola bilerim?

Hekim salam.aybaw ola ola hamiliy ola bilerim?
Qonaq - Sevinc в 09.11.2019 09:37

Sabahiniz deyir. Doktor yazmisiniz test ucun hele tezdir. Bes analiz versem degig belli ola bilermi?

Sabahiniz deyir. Doktor yazmisiniz test ucun hele tezdir. Bes analiz versem degig belli ola bilermi?
Ramilə Abbaszadə в 09.11.2019 12:02

Yox. O da tezdir. Ola bilsin müsbət çıxsın. Amma mənfi çıxmaq ehtimalı daha çoxdur.

Yox. O da tezdir. Ola bilsin müsbət çıxsın. Amma mənfi çıxmaq ehtimalı daha çoxdur.
Qonaq - Sevinc в 08.11.2019 12:28

Testde gostermesi tezdir? Ya bele tez muddete hamile qalinmasi mumkun deyil?hamilelik ola bilermi?

Testde gostermesi tezdir? Ya bele tez muddete hamile qalinmasi mumkun deyil?hamilelik ola bilermi?
Ramilə Abbaszadə в 08.11.2019 23:58

Hamiləlik ola bilər. Amma test üçün hələ tezdir

Hamiləlik ola bilər. Amma test üçün hələ tezdir
Qonaq - Sevinc в 08.11.2019 10:19

Salam. Aybashim 10 gundu qutarib.. Hamilelik elametleri yaranmaga bashlayib. Test eledim 2ci xett solgun oldu. 3gun sonra yene test eledim negativ cixdi. Analiz versem degig biliner netice?

Salam. Aybashim 10 gundu qutarib.. Hamilelik elametleri yaranmaga bashlayib. Test eledim 2ci xett solgun oldu. 3gun sonra yene test eledim negativ cixdi. Analiz versem degig biliner netice?
Ramilə Abbaszadə в 08.11.2019 11:17

Salam. Hələ tezdir

Salam. Hələ tezdir
Qonaq - Rahimova в 07.11.2019 18:09

Salam dr. Men axirinci defe sentyabirin 5i aybawi olmuwam. Iki deneTest etdim solgun xet cixdi. Bir necegun sora yene etdim tek xett cixdi. Bu gunki gune qeder helede aybawi olmamiwam. Bes bu nedendi?

Salam dr. Men axirinci defe sentyabirin 5i aybawi olmuwam. Iki deneTest etdim solgun xet cixdi. Bir necegun sora yene etdim tek xett cixdi. Bu gunki gune qeder helede aybawi olmamiwam. Bes bu nedendi?
Ramilə Abbaszadə в 07.11.2019 20:01

Salam. XQ analizi verin. Bəlli olacaq

Salam. XQ analizi verin. Bəlli olacaq
Qeydiyyatdan keçmisiniz? Sayta daxil ol
Qonaq
14.11.2019

Ginekoloqa sual ver

Bizim qiymətlərimiz

Hamiləliyin hesablanması

Cinsin hesablanması

Populyar məqalələr

17 avqust 2017
Əgər aybaşı gecikməsinin səhəri günü qadın hamilə olduğunu dəqiq bilsəydi, hər ş...
79098 Baxış
27 oktyabr 2017
Medikamentoz abort və ya dərmanla uşaqsalma – arzuolunmaz hamiləliyi erkən dövrl...
40841 Baxış
20 iyun 2018
Xarici cinsiyyət orqanları nahiyəsindəki qaşınma qadınları çox narahat edir. O, ...
38839 Baxış

Son şərhlər

Ramilə Abbaszadə Hamiləliyin erkən əlamətləri
14 noyabr 2019
Salam. UZİ etmək lazımdır
Qonaq - irade kazimova Hamiləliyin erkən əlamətləri
14 noyabr 2019
salam adetim 13ekim de olasiydi 17 si adet oldm sora kan akm...
Ramilə Abbaszadə Hamiləlik zamanı babasili necə müalicə etməli?
14 noyabr 2019
Salam. Babasil in kəskinləşməsindən, fəsadlarından qorunmaq ...

Son soruşulanlar

ovulyasiyanin hesablanmasi
Salam men 3 aydir aileliyem. Aybashi oktyabrin 28-de bashladi 7 gun davam etdi. ...
1 cavab
Hamilelik
Salam dr. Ovulasiydan nece gun sonra testden istifade etmek olar? Ve birdeki ba...
1 cavab
Hamileliği dermanla pozmaq
Men 2 3 haftalık hamileyem uzi dedi derman icdim.soytateks 1 nı icdim 2 markaya ...
1 cavab

Konsultasiya üçün
qəbula yazılın

Qəbula yazıl

*Adınızı və telefon nömrənizi mütləq yazın

Qəbula yazıl

Əməliyyat uğurla başa çatdı. 20 dəqiqə müddətində sizinlə əlaqə saxlayacağıq.

Diqqət!

Saytda verilən məlumatlar yalnız informasion xarakter daşıyır. Özbaşına müalicə sizin sağlamlığınıza ziyan vura bilər! Hər bir məsələ barəsində öz müalicə həkiminizlə əlaqə saxlayın.

Bizim yerimiz