Bizim məsləhətlərlə

Sağlam olun!

Dölün ürəkdöyüntüsü nə vaxt eşidilir və həftələrə görə norması

FOTO: Dölün ürəkdöyüntüsü nə vaxt eşidilir və həftələrə görə norması FOTO: Dölün ürəkdöyüntüsü nə vaxt eşidilir və həftələrə görə norması

Dölün ürək vurğularının tezliyi bütün hamiləlik dövründə daimi nəzarətdə saxlanılmalı olan parametrlərə aiddir. Hər bir hamilə qadın bilməlidir ki, uşağın ürəkdöyüntülərinin dəqiqəlik sayı onun normal inkişafının əsas göstəricisidir.

Dölün ürəyinin ilk dəfə vurması hamiləliyin 3-cü həftəsinə düşür. Lakin, buna baxmayaraq, onu hətta ultrasəs müayinəsindən istifadə etməklə hamiləliyin 6-cı (transvaginal üsulla 5-ci həftədən) həftəsindən tez təyin etmək mümkün olmur. Zənnimizcə gələcək analar üçün dölün ürəkdöyüntüləri haqqında bu məqalədə verilən məlumatlar çox vacib olmalıdır.

Uşağın ürəkdöyüntüləri nə vaxt eşidilir?

İnsanın ürəyinin inkişafa başlama vaxtı yığılması ilə üst-üstə düşmür. Hamiləliyin normal fizioloji gedişində qadına 5-6-cı həftələrdə transabdominal USM təyin olunur. Bu müayinə embrionun uşaqlıq boşluğundakı yerini dəqiq bilməyə və onun ürək-damar sisteminin inkişaf səviyyəsini qiymətləndirməyə imkan verir.

Əgər hamiləlik çox da yaxşı keçmirsə, 4-5-ci həftələrdə qadına transvaginal USM və qanda XQ analizi təyin olunur.

Dölün ürək fəaliyyətini qiymətləndirən mütəxəssislər vurğuların aşağıdakı xüsusiyyətlərinə diqqət yetirir:

  • Ürək ritmi. Normal inkişaf zamanı ürək vurğuları bərabər zaman fasilələrindən bir baş verir. Lakin, sağlam dölün ürəyi həmişə ritmik yığılmır, onun bir qədər tezləşməsi və ya ləngiməsi ola bilər.
  • Vurğu tezliyi. Bu, ürək fəaliyyətinin ən vacib parametri olub, təkcə ürək-damar sistemi haqqında məlumat vermir, həm də, uşağın bütün inkişaf prosesini xarakterizə edir.

Ürək yığılmağa başladığı vaxt vurğuların sayı ananınkı qədər, yəni, dəqiqədə 83-84 olur.

Hamiləlik həftələrinə uyğun dölün ürəkdöyüntülərinin sayı

Aşağıdakı cədvəldə uşağın bətndaxili inkişaf həftəsinə görə ürək vurğularının sayının fizioloji norması verilir.

Hamiləlik müddəti, həftələr

Ürək vurğularının dəqiqəlik sayı

6

90-110

6-7

100-130

8-9

130-150

10-11

130-160

12-13

140-170

14-15

140-180

16-17

140-170

18-19

130-170

20-21

140-170

22-23

130-160

24 aydan sonra

120-160

Yığılmağa başladığı andan bir ay müddətində ürək vurğularının dəqiqəlik sayı hər sutka 3 vahid artmalıdır. Məhz bu səbəbdən 1-ci ay hamiləliyin müddətini asan təyin etmək olur.

6-dan 8-ci həftəyə qədər dölün ürəyi dördkameralıya çevrilir. Bu dövrdə ürək yığılmalarının sayı dəqiqədə 125-130-a çatır.

Embrional inkişafın 8-10-cu həftələrində ürək döyüntüləri dəqiqədə 170-180-ə qədər arta bilər, hansı ki, vegetativ sinir sisteminin tam inkişaf etməməsi ilə izah olunur.

Hamiləliyin 11-12-ci həftələrində ürək döyüntüləri 160-a çatır, lakin, 30 vahidə qədər dəyişə bilər. Bu göstəriciyə gələcək ananın fiziki aktivliyi, stress faktoru, orqanizmin oksigenlə təmin olunması, uşağın aktivlik dərəcəsi, həmçinin anada xroniki xəstəliklərin olub-olmaması təsir göstərir.

Hamiləliyin 15-ci həftəsindən uşağın dünyaya gəlməsinə qədər, ürəkdöyüntüləri ultrasəs müayinə üsulu ilə müntəzəm təyin olunur. Mütəxəssislər müayinə zamanı ürəyin yerləşməsinə, həmçinin ritminə və yığılma tezliyinə diqqət yetirirlər.

Diqqət! Ürəyin yığılma tezliyi uşağın cinsindən asılı deyil. Bu göstəriciyə uşağın uşaqlıq boşluğunda yerləşməsi və gəlişi təsir göstərir.

Hamiləliyin ikinci trimestrində ürəkdöyüntülərinin aşağı sərhədi dəqiqədə 85, yuxarı isə – 200 vurğudur.

Əgər ürək vurğularının tezliyi bu göstəricilərdən kənara çıxarsa, uşağa taxikardiya və ya bradikardiya diaqnozu qoyulur.

Dölün ürək vurğularının sayılma üsulları

Dölün ürək fəaliyyətinə müntəzəm nəzarət etmək üçün akuşer-ginekoloji praktikada aşağıdakı üsullardan istifadə edilir:

  1. Ultrasəs müayinəsi – exokardioqrafiya. Bu sadə və yüksəkinformativli müayinə üsulu ilə dölün ürək fəaliyyətini öyrənməklə yanaşı, nəticələri rəqəmsal daşıyıcılarda saxlamaq olur. Hər bir hamilə qadın bütün hamiləlik dövründə 3 dəfə – 10-12, 21-23 və həmçinin 31-32 həftələrdə dölün exokardioqrafiyasını keçməlidir. Göstəriş olduqa müayinəni növbədənkənar da aparmaq olar.
  2. Auskultasiya üsulu. Bu primitiv üsulda dölün ürək ritminə akuşer stetoskopu ilə bilavasitə ananın qarın divarından qulaq asırlar. Stetoskopa alternativ olaraq fonendoskopdan istifadə etmək olar və yaxud qulağı bilavasitə qarın divarına söykəyərək qulaq asmaq mümkündür. Baş gəlişində ürəkdöyüntüləri göbəkdən aşağı və sağ tərəfdə eşidilir. Əgər dölün çanaq gəlişi diaqnostika olunmuşsa, uşağın ürək vurğuları qarnın sol yarısında və göbək səviyyəsində təyin olunur. Çəp və köndələn gəlişlərdə ürəkdöyüntülərinə qulaq asmaq üçün yeri fərdi qaydada tapmaq lazımdır. Bir qayda olaraq, bu göbəkətrafı nahiyədən sağda və ya solda yerləşir. Auskultativ üsulun çatışmazlığına onu göstərmək olar ki, bu üsulla ürək ritmlərini hamiləliyin 27-28 həftəsindən sonra eşitmək olur və həm də, bu, akuşerdən xüsusi bacarıq tələb edir.
  3. Kardiotokoqrafiya üsulu. Dölün ürək fəaliyyətini araşdırmaq üçün daha bir müayinə üsuludur. Amma kardiotokoqrafiya uşağın ürəyini göstərə bilmir. Bu üsulun əsas üstünlüyü ondadır ki, onu sancı və aktiv doğuş fəaliyyəti zamanı da istifadə etmək olur. Çox- və ya azsululuq, hamiləliyin gecikməsi, qadında şəkərli diabet, uşaqlıqda çapıq, gecikmiş toksikoz və həmçinin ciftin vaxtından əvvəl qocalması kimi göstərişlər olduqda, kardiotokoqrafiyanın aparılması mütləqdir.

Alternativ metod kimi dölün ürəkdöyüntülərini sayan portativ aparatları göstərmək olar. Hər belə cihaz fetal dopplerdən, nəticəni göstərən kiçik monitor və ultrasəs zondundan ibarətdir. Portativ aparatlar rahatdır və iş zamanı çətinlik törətmir.

Ürək fəaliyyətində hansı kənaraçıxmalar ola bilər?

Praktikada ürək vurğularının sayının artması azalmasına nisbətən daha çox rast gəlinir. Əgər dölün ürəkdöyüntüləri normadan çox yuxarı qalxmışsa, bu, uşağın orqanizmində xroniki oksigen aclığının olmasını göstərir.

Diqqət! Əgər hamiləlik zamanı qadın beta-blokatorlar qrupundan olan dərman qəbul etməyə məcbur olarsa, terapevtik dozanın və ya qəbul müddətinin artırılması dölün ürək fəaliyyətinin zəifləməsinə gətirə bilər.

Bətndaxili oksigen aclığı aşağıdakı hallarda yarana bilər:

  • qanaxma və hamiləliyin açılış təhlükəsi;
  • uşaqda ürək qüsurları;
  • ana və ya dölün qanında hemoqlobinin azalması;
  • ciftdə struktur və ya funksional dəyişikliklər, hansı ki, plasentar çatmamazlıq verir;
  • göbək ciyəsinin uzanması, qısalması və ya burulması;
  • hamilə qadının orqanizmində infeksion-iltihabi ocağın olması;
  • uşağın baş beyin strukturlarında patoloji dəyişikliklər, hansı ki, beyin-onurğa beyni mayesinin (likvor) axınının çətinləşməsi və kəllədaxili təzyiqin atması ilə nəticələnir.

Əks vəziyyət – uşağın ürəkdöyüntülərinin sayının azalmasıdır. Əgər ürək vurğularının sayı normanın aşağı sərhədini keçmişsə, bu, aşağıdakılardan xəbər verir:

  • uşaqda ağır bətndaxili patologiya;
  • kəskin və ya xroniki xəstəliklər və döldə ürək qüsurları;
  • toksikoz;
  • göbək ciyəsinin burulması və ya sıxılması;
  • ananın qan təzyiqinin düşməsi;
  • uşaq orqanizmində ağır oksigen aclığı – hipoksiya.

Uzun müddət arxasıüstə yatan hamilə qadınlarda uşağın ürək vurğuları qısa müddət arzində azala bilər. Belə vəziyyət aşağı boş venanın sıxılması nəticəsində baş verir.

Hamiləliyi fəsadlı keçən qadınlara uşağın ürəkdöyüntülərini daimi nəzarətdə saxlamaq məsləhət görülür.

Həmçinin oxuyun:

 

Şərhlər (14)

This comment was minimized by the moderator on the site

Salam mən 6heftelik hamiləyəm uşağın ürək döyüntülərin 118di normaldır???

This comment was minimized by the moderator on the site

Salam. Bir az aşağıdır

This comment was minimized by the moderator on the site

Salam doktor,men 4 heftelik hamileyem,lakin 2 aydır 37-37,4 temraturum olur,bagirsaqda infeksiya var hekim deyir.Müalice aldım 2 kurs yene xeyri...

Salam doktor,men 4 heftelik hamileyem,lakin 2 aydır 37-37,4 temraturum olur,bagirsaqda infeksiya var hekim deyir.Müalice aldım 2 kurs yene xeyri olmayıb,çox narahatam bu tempraturun usagın inkişafına menfi tesiri olarmı?evvelceden teşekkür edirem

Ardı
This comment was minimized by the moderator on the site

Salam, xanım. Onu dəqiq demək olmaz. Amma temperatur son vaxtlar koronaya görə olur, onu yoxlamaq lazımdır

This comment was minimized by the moderator on the site

Salam Ramilə Xanim.Mən 9 həfdəlik hamiləyəm usgin u.d. 168-dir. Sizcə bu normalmidir?

This comment was minimized by the moderator on the site

Salam. Bəli

This comment was minimized by the moderator on the site

Salam Ramilə xanım mən 7 həftəlik hamiləyəm məndən kariçnivi ləkələr dəyir usm oldum 3müsbət tonusum var fol turşusu papaverin birde dufaston...

Salam Ramilə xanım mən 7 həftəlik hamiləyəm məndən kariçnivi ləkələr dəyir usm oldum 3müsbət tonusum var fol turşusu papaverin birde dufaston dermanı yazdı ləkənin hər hansı bir ziysnı varmı

Ardı
This comment was minimized by the moderator on the site

Salam, xanım. Problemi aşkar edib, müalicə yazıblar. Narahat olmayın, düzələr

This comment was minimized by the moderator on the site

Salam dr. Men 11 hefte 5 gunluk hamile olanda usagin urek vurgusu 145 idi. qiz olma ehtimali daha coxdur sizce?

This comment was minimized by the moderator on the site

Salam, xanım. Ürəkdöyüntüsnün uşağın cinsinə dəxli yoxdur

This comment was minimized by the moderator on the site

Salam hekim mən 16-17 həftəlik əkiz hamiləyəm 2 gün bundan əvvəl USM müayinəsindən keçdim uşağın birinin ürəy döyüntüsü 132 idi, digərinin isə 144...

Salam hekim mən 16-17 həftəlik əkiz hamiləyəm 2 gün bundan əvvəl USM müayinəsindən keçdim uşağın birinin ürəy döyüntüsü 132 idi, digərinin isə 144 idi həkimim narahat oldu müalicə yazdı, yaxşı qidalanmağımı istirahət etməyimi dedi mənədə çox maraqlıdır ki, birdən-birə niyə ürəy döyüntüsü elə zəiflədi deyirəm bəlkə hemoqlobinimin az olduğuna görədi 92dir

Ardı
This comment was minimized by the moderator on the site

Salam, xanım. Əkiz hamiləlikdə olur elə. Hemoqlobin də hamiləliyə görədir. Müalicə lazımdır

This comment was minimized by the moderator on the site

Salam,hekim men 35 heftelik hamileyem hekim usağin 3 kilo 300 qram olduğunu dedi ancaq her şey normaldir dediler .mende uşağliğimin sol terefimde...

Salam,hekim men 35 heftelik hamileyem hekim usağin 3 kilo 300 qram olduğunu dedi ancaq her şey normaldir dediler .mende uşağliğimin sol terefimde döyünte kimi 3,5 saniyeden bir döyüntü kimi bir şey hiss edirem daimi bu jşağin ürek döyüntüsüdü ya nece?

Ardı
This comment was minimized by the moderator on the site

Salam, xanım. Xeyr, uşağın ürəkdöyüntüsünü siz hiss edə bilməzsiniz

Hələ şərh yazılmayıb. Siz birinci olun.

Öz şərhinizi yazın

  1. Qonaq kimi şərh yazın 0
0 simvol
Вложения (0 / 5)
Поделиться вашим местоположением

By accepting you will be accessing a service provided by a third-party external to https://doctorramila.az/

Ginekoloqa sual ver

Bizim qiymətlərimiz

Hamiləliyin hesablanması

Cinsin hesablanması

Konsultasiya üçün
qəbula yazılın

*Adınızı və telefon nömrənizi mütləq yazın

Qəbula yazıl

Əməliyyat uğurla başa çatdı. 20 dəqiqə müddətində sizinlə əlaqə saxlayacağıq.

Diqqət!

Saytda verilən məlumatlar yalnız informasion xarakter daşıyır. Özbaşına müalicə sizin sağlamlığınıza ziyan vura bilər! Hər bir məsələ barəsində öz müalicə həkiminizlə əlaqə saxlayın.