Bizim məsləhətlərlə

Sağlam olun!

Ginekoloji xəstəliklərin əlamətləri

FOTO: Ginekoloji xəstəliklərin əlamətləri

Ginekoloji xəstəliklər qadınların böyük əksəriyyətində rast gəlinir. Onun əlamətləri xəstəliyin xarakter və səbəbindən bilavasitə asılıdır. Xəstəliklərin əlamətləri sizi mütləq narahat edib həkimə müraciət elətdirməlidir, çünki vaxtında aparılan müalicədən sizin sonrakı intim həyatınız, reproduktiv (çoxalma) funksiya və orqanizmin ümumi vəziyyəti asılıdır. Bu məqalədə biz sizə ginekoloji xəstəliklərin əlamətləri haqqında məlumat verəcəyik.

Əgər siz özünüzdə ginekoloji xəstəliklərin təhlükəli əlamətlərini aşkarlasanız – təcili ginekoloqun konsultasiyasına getmək lazımdır. Bizim klinikada siz hər cür yardım ala bilərsiniz.

Hansı əlamətlər ola bilər?

Cinsiyyət yollarından müxtəlif cür ifrazatlar

Uşaqlıq yolundan ifrazat hər bir qadını narahat edə bilər, əsas da qeyri-adi konsistensiyalı, rəngli və qoxulu olarsa. Onlar adətən ağrı, qaşınma, göynəmə və cinsiyyət üzvlərinin iltihabı ilə müşayiət olunur.

Sağlam qadında, aybaşı tsiklinin müəyyən günlərində az miqdarda iysiz selik ifrazı normal sayılır. Ovulyasiya zamanı ifrazat artıb, yumurta ağına bənzəyə bilər. Qalan hallarda, onu patologiyaya aid edirlər.

Ağ rəngli, turş iyli, kəsmikvari konsistensiyalı ifrazat demək olar ki, həmişə kandidoza və bəzi bakterioloji xəstəliklərin olmasna işarədir.

Yaşılımtıl, sarımtıl və boz rəngli balıq iyi verən ifrazatlar adətən cinsi yolla keçən infeksiya və xəstəliklərdə rast gəlinir.

Aybaşıarası dövrdə qanlı ifrazat kiçik çanaq orqanlarında iltihabi proseslərdən və uşaqlıq və artımlarının bəzi xoşxəssəli şişlərindən xəbər verir. Bu simptom hormonal pozğunluğun əlamətidir.

Qan laxtalı duru ifrazat onkoloji prosesin başlanmasını göstərir.

Patoloji ifrazat həmçinin aşağıdakılara allergik reaksiya ola bilər:

  • intim dezodorantlar;
  • süni lubrikantlar;
  • spermisit və prezervativlər (lateks);
  • məişətdə işlədilən kimyəvi məhsullar (yuyucu poroşoklar, sabun, intim gigiyena üçün gel);
  • vaginal şamlar;
  • yad cisimlər (uşaqlıqdaxili spiral);
  • sintetik parçalardan tikilən alt paltarları;
  • sprinsevasiya üçün məhlullar.

Şəxsi gigiyena normalarına lazımınca əməl etməyən qadınlarda da ifrazat ola bilər. Lakin, əgər siz bütün mümkün qlcıqlandırıcıları aradan götürmüsünüzsə və bu simptom sizi hələ də narahat edirsə, onda gözləmədən həkimə müraciət etməlisiniz. Belə hallarda vaxtında müalicədən təkcə sağlamlıq deyil, həm də həyat asılıdır.

Diqqət! Əgər sizdə qanlı ifrazat varsa və hamiləlikdən şübhələnirsinizsə, onu mütləq təsdiq və ya inkar edin!

Əgər hamiləlik testi iki zolaq göstərirsə və bu zaman cinsiyyət yollarından qan ifraz olunursa – siz uşağı itirirsiniz və hər dəqiqə vacibdir. Bundan başqa, hamiləlik uşaqlıqdankənar da ola bilər (onda da qanda XQ artır və test vasitəsilə təyin olunur). Nəticədə uşaqlıq borusu cırılar və hətta pasientin ölümü ilə nəticələnə bilər. Hamiləlik və qanlı ifrazat – bir-birinə uyğun gəlməyən anlayışlardı. Buna görə də bir saniyə də gözləməyin və təcili yardım çağırın!

Kombinəolunmuş oral kontraseptivlərin qəbulu fonunda rast gəlinən kreməbənzər qəhvəyi ifrazata nisbi norma kimi baxmaq olar. Bu üsulla sizin orqanizminiz mayalanmaəeyhinə olan həblərə öyrənir. Amma bu simptomun yaranması zamanı da ilk öncə həkimə müraciət etmək lazımdır: ola bilsin seçilmiş kontrasepsiya sizə uyğun gəlmir.

Qarında ağrılar

Ağrı simptomu həmişə orqanizmdə gedən patoloji prosesdən xəbər verir. Kiçik çanaq orqanlarında olan ağrılar da istisna deyil. Onlar qarnın müxtəlif yerlərində ola bilər: qasıqda, ortada, sağda və ya solda.

Cinsi əlaqə zamanı olan ağrı cinsi yolla keçən xəstəliklərdən, vulvovaginitdən, endometriozdan, miomadan, bitişmə prosesindən, artımların iltihabından, hormonal pozğunluqlardan və digər qadın problemlərindən xəbər verə bilər.

Qarnın aşağısında dərin göynəmə xarakterli ağrı, daxili cinsiyyət orqanlarında iltihabi prosesin olmasını göstərə bilər.

Kəskin sancışəkilli ağrılar boru hamiləliyində, yumurtalıq kistasının burulma və cırılmasında, uşaqlıq cismində fibroz düyünlərin yaranmasında ola bilər. Əgər siz hamiləsinzsə və belə ağrı hiss edirsinizsə, ola bilər ki, sizdə spontan abort başlayır. Hamiləliyi yalnız təcili hospitalizasiya ilə saxlamaq olar.

Adətən gecələr yaranan "yeyici" ağrılar, onkoloji proses səbəbindən ola bilər.

İstənilən ginekoloji ağrı həkimə müraciət etmək üçün səbəbdir.

Cinsi yolla ötürülən xəstəliklərin əlamətləri

Zöhrəvi xəstəliklərin nəzərəçarpan spesifik kliniki əlamətləri var. Onlara müxtəlif patoloji ifrazatlar, xarici cinsiyyət orqanlarının iltihabı, göynəmə, qaşınma, düyünlərin, bərkimənin, furunkul və infiltratların əmələ gəlməsi aiddir. Bütün bu simptomlar aşağıdakı xəstəliklərin aktiv inkişafını göstərir:

  • sifilis;
  • qonoreya;
  • şankroid və ya yumşaq şankr;
  • mikoplazmoz;
  • limfoqranulematoz;
  • ureaplazmoz;
  • donovanoz;
  • xlamidioz;
  • trixomoniaz;
  • herpetik infeksiya;
  • sitomeqalovirus;
  • qardnerellez;
  • insanın papilloma virusu;
  • hepatit C;
  • İİV və QİDS (SPİD).

Oxşar simptomlar şəkərli diabeti, kandidozu, kəskin intoksikasiyaları müşayiət edə bilər.

İnfeksion proseslər və zöhrəvi xəstəliklər ümumi zəifliklə də özünü göstərə bilər. Xətələri ürəkbulanma və qusma, bədən temperaturunun çox yüksəlməsi, müxtəlif intensivlikli başağrıları narahat edir. Bu siyahıya tez-tez tezləşmiş sidik ifrazı, lokal limfa düyünlərinin böyüməsi əlavə olunur.

Cinsi yolla keçən xəstəliklər barədə bu məqaləmizdə oxuya bilərsiniz

Menstrual tsiklin pozulması

Reproduktiv yaşlı sağlam qadının normal menstrual tsikli 28-35 gündür; aybaşı qanaxması 4-5 gün davam edir, xaric olunan qanın həcmi 50-200 ml-dir və zaman keçdikcə ifrazatın intensivliyi tədricən azalır.

Klimakterik yaşda olan aybaşıya uşaqlıq qanaxması kimi baxılır. Cavan yaşlarda daimi gecikmə və uzun tsikl amenorreyanı göstərir. Menstrul tsikllə əlaqəli çoxlu pozğunluqlar mövcuddur: opsomenoreya, hipo- və hipermenoreya, dismenoreya, alqomenoreya, alqodismenoreya və menorragiya.

Menstrual funksiyaların pozulması aşağıdakı əlamətlərlə özünü göstərir:

  1. Çox tez-tez və uzunmüddətli menstruasiyalar.
  2. Az menstrual ifrazatla müşayiət olunan, anomal uzun tsikl.
  3. Siklin ortasında qan "yaxması".
  4. Qanın konsistensiyasının dəyişməsi (laxtaların çox olması, və ya əksinə çox duru olması).
  5. Uzunmüddətli aybaşı qanaxması (10-12 gün və daha çox davam edən).
  6. Menstruasiyanın 4-6 ay ərzində olmaması.

Həkimlər tsiklin pozulmasını hormonal dəyişikliklər, kiçik çanaq orqanlarının iltihabı, uşaqlıqdankənar hamiləlik, onkologiya ilə əlaqələndirirlər. Siklin pozulması aşağıdakı hallarda normal sayılır:

  1. Akklimatizasiya və saat qurşağının dəyişilməsi.
  2. Müxtəlif dərman preparatlarına öyrənmə dövrü.
  3. Yaxın keçmişdə aparılmış abort.
  4. Stress, nevroz, depressiya.
  5. Pəhriz və idman məşqlərinə həddən artıq meyllik.
  6. Bəzi dərman preparatları ilə sxematik müalicə.
  7. Bəzi endokrin xəstəliklər.

Hormonal pozğunluqlar

Əgər cinsi hormonların miqdarı və keyfiyyəti normal deyilsə, sizdə elə əlamətlər yarana bilər ki, onlardan asanlıqla can qurtara bilməzsiniz. Onlar estrogenlərin kəskin defisiti və ya artıqlığı ilə əlaqədardı. Uzun müddətli pozulma fonunda, tez-tez xroniki formaya keçən patoloji proses mexanizmi formalaşır. Hormonal disbalans nəticəsində yaranan xəstəliklərə aiddir:

  1. Polikistoz yumurtalıqlar sindromu.
  2. Adrenogenital sindrom.
  3. Hidrosalpinqs və piosalpinqs.
  4. Uşaqlıq mioması.
  5. Yumurtalıqların disfunksiyası.

Ginekoloji xəstəliklərin bu kateqoriyası digərlərinə nisbətən daha çox sonsuzluqla nəticələnir. Hormonal pozğunluqların əlamətlərini siz dərhal aşkarlayacaqsınız:

  1. Hirsutizm (üzdə və bədəndə kişi tipli tüklənmə).
  2. Səsin kobudlaşması.
  3. Sızanaqlar (akne).
  4. Obyektiv səbəb olmadan çəkinin həddən çox yüksəlməsi.
  5. Hamiləliyin adəti pozulması.

Norma yoxsa patologiya?

Həyat keyfiyyətini pozan istənilən dəyişiklik, patoloji hesab olunur. Əgər siz sadalanan əlamətləri fizioloji və xarici amillərlə əlaqələndirmirsinizsə, biz sizə məsləhət görürük ki, yubanmadan həkimə müraciət edəsiniz. Yadda saxlayın: xəstəliklərin hər biri inkişaf edib xroniki formaya çevrilə bilir. Bəs onda öz sağlamlığınızı niyə təhlükəyə atırsınız?

Həmçinin oxuyun:

 

Şərhlər (18)

This comment was minimized by the moderator on the site

Salam hekim men aybasi olub qutarmisam 1heftedi..ibugun menen az az qan gelir neden olabiler?

This comment was minimized by the moderator on the site

Salam. Çox şey ola bilər, yoxlamaq lazımdır

This comment was minimized by the moderator on the site

Salam 2 defe keyser olmusam ikinciden sonra 3 ildi aybasim pozulub ara vererek olur umumi 12 gun cekir

This comment was minimized by the moderator on the site

Salam, xanım. Görünür hormonal pozğunluq var. Müayinə lazımdır

This comment was minimized by the moderator on the site

Salam men dünən yuyundum.23u aybaşı olmuşdum.Seherden qarnın aşağı hissesinde göynəmə (çox az))ve ağrı var .Heç bele olmazdi aybaşım.Yeriyende...

Salam men dünən yuyundum.23u aybaşı olmuşdum.Seherden qarnın aşağı hissesinde göynəmə (çox az))ve ağrı var .Heç bele olmazdi aybaşım.Yeriyende sanki nese batır.☹️sebebi ne ola biler?

Ardı
This comment was minimized by the moderator on the site

Salam, xanım. İltihab əlamətidir. Yoxlamaq lazımdır

This comment was minimized by the moderator on the site

Salam Həkim Mən özüm tələbəyəm Evliyem Aybaşı olmuşdum ayın 22si və bu ayıbaşı 2ci gün artıq qan azaldı. Ayın 24ü idi qan tamam az idi imtahan...

Salam Həkim Mən özüm tələbəyəm Evliyem Aybaşı olmuşdum ayın 22si və bu ayıbaşı 2ci gün artıq qan azaldı. Ayın 24ü idi qan tamam az idi imtahan ərəfəsi idi. Çox stresli idim. Eyni zamanda men 2 ildi evliyem amma cinsi əlaqədən qorunuram Amma bu gün birdən qan gəldi vaginadan. Bir damcı bele qan oldu, qaşınırdım nəsə çox azca qan oldu. Bu nədən ola bilər?

Ardı
This comment was minimized by the moderator on the site

Salam, xanım. Uşaqlıq boynunun xəstəliyi ilə bağlı ola bilər. Baxmaq lazımdır

This comment was minimized by the moderator on the site

Salam hekim.Men 1 həftə olar ki,abort olunmusam.Mende güclü ağrılar var.Hec bir ifrazat gelmir.Oturduqda və hereket etdikdə daha da artır.Xahis...

Salam hekim.Men 1 həftə olar ki,abort olunmusam.Mende güclü ağrılar var.Hec bir ifrazat gelmir.Oturduqda və hereket etdikdə daha da artır.Xahis edirəm cavablandirardiniz

Ardı
This comment was minimized by the moderator on the site

Salam, xanım. Yoxlamaq lazımdır. Həkiminizlə əlaqə saxlayın

This comment was minimized by the moderator on the site

Salam hekim 72 saat dermandan isdifade elemisem 1 hefde de 2 defe 3-4 gun sonra iltihabli qan geldi ve qarnimda aqri oldu ciddi nese ola biler...

Salam hekim 72 saat dermandan isdifade elemisem 1 hefde de 2 defe 3-4 gun sonra iltihabli qan geldi ve qarnimda aqri oldu ciddi nese ola biler qorxulu

Ardı
This comment was minimized by the moderator on the site

Salam. Nə dərmanı istifadə etmisiniz və nə üçün?

This comment was minimized by the moderator on the site

Salam həkim, çox xaiş edirəm cavablıyın sualımı. Son aybaşı fevralın 27 olub və bu gün mənnən çox böyük qan laxtası duşdu . Bunun səbəbi nə ola...

Salam həkim, çox xaiş edirəm cavablıyın sualımı. Son aybaşı fevralın 27 olub və bu gün mənnən çox böyük qan laxtası duşdu . Bunun səbəbi nə ola bilər?

Ardı
This comment was minimized by the moderator on the site

Salam, Aytən xanım. Pozulmuş hamiləlik ola bilər.

This comment was minimized by the moderator on the site

Salam həkim .Cinsi əlaqədən sonra qanlı ifrazat gəlirsə bu qorxulu ola bilər? Onuda deyimki endometriozumda var.onnan ola bilər?

This comment was minimized by the moderator on the site

Salam. Bəli, çox güman ki endometriozun əlamətidir

This comment was minimized by the moderator on the site

Salam doktor vaginada içəridə göynəmə və içəridə cüzi qan gelirse və çox aqro verirsə sidikdə göynəmə olursa bu əlamətlərini yazardız zəhmət olmasa

This comment was minimized by the moderator on the site

Salam, xanım. Bunlar çox müxtəlif xəstəliklərin əlamətləri ola bilər. Yoxladıqdan sonra bir şey demək olar.

Hələ şərh yazılmayıb. Siz birinci olun.

Öz şərhinizi yazın

  1. Qonaq kimi şərh yazın 0
0 simvol
Вложения (0 / 5)
Поделиться вашим местоположением

By accepting you will be accessing a service provided by a third-party external to https://doctorramila.az/

Ginekoloqa sual ver

Bizim qiymətlərimiz

Hamiləliyin hesablanması

Cinsin hesablanması

Konsultasiya üçün
qəbula yazılın

*Adınızı və telefon nömrənizi mütləq yazın

Qəbula yazıl

Əməliyyat uğurla başa çatdı. 20 dəqiqə müddətində sizinlə əlaqə saxlayacağıq.

Diqqət!

Saytda verilən məlumatlar yalnız informasion xarakter daşıyır. Özbaşına müalicə sizin sağlamlığınıza ziyan vura bilər! Hər bir məsələ barəsində öz müalicə həkiminizlə əlaqə saxlayın.