Bir çox ginekoloji xəstəlik və sonsuzluğun əsas səbəbi — hamiləliyin süni pozulmasıdır. Beləki qadının cinsiyyət üzvlərinin zədələnməsi uşaqlıq boşluğunun qaşınması ilə müşayiət olunan abortlar zamanı daha çox müşahidə olunur.
Sterilizasiya istisna olmaqla, kontrasepsiya üsullarının heç biri tam effektiv hesab edilmir. Bundan başqa, qorunmamış cinsi əlaqələr də olur ki, arzuolunmaz hamiləliklə nəticələnir. Bu səbəbdən təcili kontrasepsiya üsulları ginekologiyanın aktual mövzusudur. Hətta belə metodların tətbiqi ilə əlaqədar beynəlxalq konsorsium da yaradılıb, hansı ki, məsləhətləri bizim məqaləmizdə yer alıb.
Arzuolunmaz hamiləlikdən qorunma və ya kontrasepsiya, qadına sağlamlığını qorumağa kömək edir, yəni abortların qarşısını azaldır. Eyni zamanda ailə planlaşdırılması üçün əvəzolunmaz üsuldur.
Mahiyət etibarilə abort hamiləliyin süni surətdə pozulmasıdır, yəni, dölün ölümü ilə nəticələnir. Azyaşlı qızlarda hamiləliyin pozulması yalnız valideynlərin razılığı ilə və bu işdə ixtisaslaşan tibb mərkəzlərində aparılır.
Abort – hamiləliyin 22 həftəliyinə qədər süni pozulmasıdır. Hər bir abort ciddi tibbi müdaxilə olub, müəyyən fəsadlar riski daşıyır. Bəzi fəsadlar, abortun müəyyən üsullasrtı üçün daha xarakterikdir.
Mini-abort və ya vakuum-aspirasiya – döl yumurtasını xüsusi vakuum sovurucusu ilə sovurularaq arzuolunmaz hamiləliyin erkən mərhələlərdə (5 həftəyə qədər) pozulmasıdır. Bu üsul qadın orqanizmi üçün adi tibbi (cərrahi) aborta nisbətən daha təhlükəsizdir, çünki ondan sonra uşaqlığın zədələnməsi, qanaxma və infeksiya düşməsi kimi fəsadlar çox az rast gəlinir.
Dərman abortu və ya dərmanla uşaqsalma – arzuolunmaz hamiləliyi erkən dövrlərdə xüsusi antigestagen dərmanların köməyilə, cərrahi müdaxilə etmədən pozmağa imkan verən yeni üsuldur.
Kontrasepsiyanın məqsədi – ailə planlaşdırılması, qadın sağlamlığının qorunması və qadınların seçim hüququ, yəni, hamilə qalmaq və ya ondan imtinanın təmin olunmasıdır.
Ailə planlanması dedikdə elə qorunma üsulunun seçilməsi nəzərdə tutulur ki, həm uşaqların sayını etibarlı idarə etməyə imkan versin, həm də, ananın sağlamlığına zərər yetirməsin. Hormonal kontraseptivlərin istifadəsi zamanı Perl indeksi (qorunma fonunda baş vermiş arzuolunmaz hamiləliklərin sayını göstərir) ən aşağı səviyyədə olur. Narahatçılıq yalnız tabletlərin gündəlik qəbulu ilə əlaqədardır, çünki, onun buraxılması kontraseptiv effekti zəiflədə bilər. İmplantasiya edilən hormonal vasitələr bu xüsusiyyətdən azaddır.
Tibbi və ya cərrahi abort — arzuolunmaz hamiləliyin 6-8 həftəliyində pozulmasıdır. Bu əməliyyat o vaxt edilir ki, çox vaxt keçmiş olsun və hamiləliyi daha təhlükəsiz üsullarla – dərmanla və ya mini-abortla pozmaq mümkün olmasın.
Abortun hər bir növündən sonra, istər medikamentoz, istərsə də mini- və ya cərrahi abortdan və həmçinin düşüklərdən sonra, təhlükəli fəsadlardan qorunmaq üçün, qadın müəyyən qaydalara ciddi əməl etməlidir:
Əməliyyat uğurla başa çatdı. 20 dəqiqə müddətində sizinlə əlaqə saxlayacağıq.
Saytda verilən məlumatlar yalnız informasion xarakter daşıyır. Özbaşına müalicə sizin sağlamlığınıza ziyan vura bilər! Hər bir məsələ barəsində öz müalicə həkiminizlə əlaqə saxlayın.
